- विकेटनेपाल, चैत्र २७ – मंगलबार
इन्डियन प्रिमियर लिग (आइपिएल) क्रिकेट अन्तर्गत गएराती भएको एकमात्र खेलमा सनराइजर्स हैदराबादले राजस्थान रोयल्समाथि ९ विकेटको जित हात पारेको छ । अघिल्लो संस्करण भन्दा दुवै टिमको कप्तान परिवर्तन भएका छन् । दक्षिण अफ्रिका र अस्ट्रेलिया बिचको टेस्ट सिरिजमा बल टेम्परिंग गरेको भन्दै अस्ट्रेलियाका खेलाडी हरु स्टिव स्मिथ र डेविड वार्नरलाई प्रतिबन्ध गरेपछि राजस्थानले अजिंक्या रहाने र हैदराबादले केन विलियम्सनलाई कप्तान घोषणा गरेको थियो ।
हैदराबादको राजिव गान्धी अन्तर्राष्ट्रिय क्रिकेट मैदानमा भएको खेलमा टस हारेर पहिले ब्याटिंग गरेको राजस्थानले निर्धारित २० ओभरको समाप्तीमा ९ विकेट गुमाएर १२५ रनको सामान्य योगफल बनाएको थियो । उसका लागि संजु सामसनले ४९ रन प्रहार गर्नेक्रममा ४२ बलमा ५ चौका हान्दै दोश्रो विकेटको लागि कप्तान रहानेसँग मिलेर ४६ रनको साझेदारी गरेका थिए । रहानेले १३ रन र श्रेयस गोपालले १८ रन बनाएका थिए ।
बलिंगतर्फ हैदराबादका सिद्धार्थ कौलले २ विकेट लिन १७ रन र साकिब अल हसनले समान २ विकेट लिन २३ रन खर्चे भने भुवनेश्वर कुमार, बिल्ली स्टनलेक र राशिद खानको नाममा १/१ विकेट रह्यो ।
जवाफमा लक्ष्य पछ्याएको हैदराबादले मात्र ६ रनको स्कोरमा रिद्धिमान शाहलाई गुमाएपानी त्यसपछि शिखर धवन र कप्तान केन विलियम्सनले दोश्रो विकेटको लागि अविजित १२१ रनको साझेदारी गरेपछी मात्र १५.५ ओभरमा लक्ष्य पुरा गर्यो । धवनले ७७ रन (५७ बल, १३ चौका, १ छक्का) र विलियम्सनले ३६ रन (३५ बल, ३ चौका, १ छक्का) प्रहार गरे ।
बलिंगतर्फ झरेको एकमात्र विकेट जयदेव उनाड्काटले लिए । शिखर धवन म्यान अफ द म्याच घोषित भए ।
