धवनको प्रदर्शनमा हैदराबादको बिजयी सुरुवात

  • विकेटनेपाल, चैत्र २७ – मंगलबार

इन्डियन प्रिमियर लिग (आइपिएल) क्रिकेट अन्तर्गत गएराती भएको एकमात्र खेलमा सनराइजर्स हैदराबादले राजस्थान रोयल्समाथि ९ विकेटको जित हात पारेको छ । अघिल्लो संस्करण भन्दा दुवै टिमको   कप्तान परिवर्तन भएका छन् । दक्षिण अफ्रिका र अस्ट्रेलिया बिचको टेस्ट सिरिजमा बल टेम्परिंग गरेको भन्दै अस्ट्रेलियाका खेलाडी  हरु स्टिव स्मिथ र डेविड वार्नरलाई प्रतिबन्ध गरेपछि राजस्थानले अजिंक्या रहाने र हैदराबादले केन विलियम्सनलाई कप्तान घोषणा गरेको थियो ।

हैदराबादको राजिव गान्धी अन्तर्राष्ट्रिय क्रिकेट मैदानमा भएको खेलमा टस हारेर पहिले ब्याटिंग गरेको राजस्थानले निर्धारित २० ओभरको समाप्तीमा ९ विकेट गुमाएर १२५ रनको सामान्य योगफल बनाएको थियो । उसका लागि संजु सामसनले ४९ रन प्रहार गर्नेक्रममा ४२ बलमा ५ चौका हान्दै दोश्रो विकेटको लागि कप्तान रहानेसँग मिलेर ४६ रनको साझेदारी गरेका थिए । रहानेले   १३ रन र श्रेयस गोपालले १८ रन बनाएका थिए ।

संजु सामसन अर्धशतक बाट मात्र १ रनले चुके

बलिंगतर्फ हैदराबादका सिद्धार्थ कौलले २ विकेट लिन १७ रन र साकिब अल हसनले समान २ विकेट लिन २३ रन खर्चे भने भुवनेश्वर कुमार, बिल्ली स्टनलेक र राशिद खानको नाममा १/१ विकेट रह्यो ।

जवाफमा लक्ष्य पछ्याएको हैदराबादले मात्र ६ रनको स्कोरमा रिद्धिमान शाहलाई गुमाएपानी त्यसपछि शिखर धवन र कप्तान केन विलियम्सनले दोश्रो विकेटको लागि अविजित १२१ रनको साझेदारी गरेपछी मात्र १५.५ ओभरमा लक्ष्य पुरा गर्यो । धवनले ७७ रन (५७ बल, १३ चौका, १ छक्का) र विलियम्सनले ३६ रन (३५ बल, ३ चौका, १ छक्का) प्रहार गरे ।

धवन र विलियम्सन रन लिँदै

बलिंगतर्फ झरेको एकमात्र विकेट जयदेव उनाड्काटले लिए । शिखर धवन म्यान अफ द म्याच घोषित भए ।

रिद्धिमान शाहको विकेट पछी खुसि मनाउंदै जयदेव उनाड्काट




थप समाचार

क्यानले पायो डिजिटल फ्यान अवार्ड

काठमाडौं । नेपालले २०२३ को आइसीसी डिजिटल फ्यान ईन्गेजमेन्ट अवार्ड जितेको छ । नेपाल क्रिकेट संघ (क्यान) का विभिन्न सोसल […]

एसिया कपमा युएईसँग पहिलो पटक खेल्दै नेपाल

काठमाडौं । नेपालले शुक्रबार युएईविरुद्ध खेल्दै नवौं संस्करणको एसीसी महिला एसिया कप २०२४ को सुरुआत गर्दैछ । अन्य प्रतियोगितामा नेपाल […]

ओमान र स्कटल्यान्डले अंक बाडे

काठमाडौं । ओमान र स्कटल्यान्डले विश्वकप लिग टू सिरिज अन्तर्गतको खेलमा वर्षाका कारण खेल नतिजाबिहीन रुपमा सकिएपछि अंक बाडेका छन् […]

हार्दिकलाई पछि पार्दै सुर्यकुमार नयाँ कप्तान बन्दै

काठमाडौं । भर्खरै सकिएको टी-२० विश्वकपको उपाधि जितेको भारतीय टोलीको यस महिनाको अन्त्यमा हुने श्रीलंका भ्रमणमा टी-२० टोलीको कप्तानीमा सुर्यकुमार […]

नेपालको रोमान्चक जित

काठमाडौं । नेपाली महिला टोलीले तेस्रो तथा अन्तिम अभ्यास खेलमा श्रीलंका डेभलपमेन्ट टोलीलाई रोमान्चक रुपले हराएको छ । एसीसी एसिया […]

नेपालले दियो ११३ रनको लक्ष्य

काठमाडौं । एसीसी महिला एसिया कपको तयारीका लागि श्रीलंकामा रहेको नेपाली टोलीले तेस्रो अभ्यास खेलमा १ सय १३ रनको लक्ष्य […]