पूर्व भारतीय क्रिकेटर गौतम गम्भीरले आगामी आईपीएलमा धोनीलाई माथिल्लो क्रममा र अझ तेश्रो नम्बरमा ब्याटिंग गर्ने राम्रो मौका रहेको बताएका छन्। चेन्नाई कप्तान धोनी पाँचौ र छैठौं नम्बरमा आईपीएल र भारतको लागि ब्याटिंग गर्दै आएका छन्। तर धोनीले माथिल्लो क्रममा ब्याटिंग गर्दा उनि अझ सफल भएको तथ्य समेत राख्दै गम्भीरले यो पटक टिमले धोनीलाई माथि ब्याटिंग पठाउन सहि समय भएको सुझाव दिएका छन्।
“यो राम्रो अवसर हो धोनीलाई नम्बर-३ मा पठाउन। उनि गत वर्ष देखि खेल देखि टाढा रहेका छन् त्यसैले उनले माथि ब्याटिंग गर्दा अझ धेरै बल खेल्न पाउनेछन्। त्यसपछि उनले म्याच जिताउने इनिंग खेल्न सक्छन् जसरि उनले पछिल्लो २ वर्ष भारतको लागि गर्दै आएका थिए।” गम्भीरले स्टार स्पोर्ट्सको क्रिकेट कनेक्टेड शोमा बताए।
धोनीको करियर विश्लेषण गर्दा उनले १६ पटक तेश्रो नम्बरमा ब्याटिंग गरेका छन् जुन क्रममा उनले ८२.७५ को औशतले ९९३ रन बनाएका छन्। चौथो नम्बरमा धोनीले ३० इनिंग ब्याटिंग गर्दै ५६.५८ को औशतले १३५८ रन बनाएका छन्। यस्तै पाँचौ नम्बरमा उनले ५०.३० को औशतमा ३१६९ रन बनाएका छन्। छैठौं नम्बरमा सर्वाधिक ब्याटिंग गरेका धोनीले १२९ इनिंगमा ४१६४ रन बनाएका छन्।
रैनाको रिक्तता पुरा गर्ने मौका
गम्भीरले सुरेश रैनाले लिग नखेल्ने हुँदा उनको ब्याटिंग गर्दै आएको महत्वपूर्ण तेश्रो नम्बरमा धोनीले प्रतिस्थापन गर्न सक्ने सुझाव दिए –
“धोनीले तेश्रो नम्बरमा ब्याटिंग गर्दा टिममसंग त्यसपछि केदार जाधव, ड्वेन ब्राभो, स्याम करन जस्ता ब्याट्सम्यानहरु बाँकी रहनेछन्। त्यसैले मलाई लाग्छ र धोनीले पनि विचार गरेका होलान् कि यो उनको लागि निकै राम्रो अवसर हो। अझ, सुरेश रैना पनि टिमसंग नहुँदा तपाईलाई तेश्रो नम्बरमा अनुभवी ब्याट्सम्यान चाहिन्छ जसको लागि धोनी सर्वोत्कृष्ट विकल्प हुन्।”
सम्बन्धित :-
https://wicketnepal.com/suresh-raina-ipl-csk-n-srini-wn20/
https://wicketnepal.com/hussy-dhoni-bat-position-wn20/
https://wicketnepal.com/engl-leave-out-joe-root-for-australia-t20is/
https://wicketnepal.com/ganguly-about-ipl-viewership-wn20/
https://wicketnepal.com/2-chennai-player-corona-wn20/
https://wicketnepal.com/ipl-purple-cap-jitna-sakne-3-bowler/
https://wicketnepal.com/delhi-capitals-player-sams-wn20/
https://wicketnepal.com/ipl-5-rec-todna-muskil-wn20/
