‘छिमेकीको श्रीमती’ कमेन्ट प्रति दिनेश कार्तिकले मागे माफी

श्रीलंका र इंग्ल्यान्ड बीच दोश्रो एकदिवसीय अन्तर्राष्ट्रियको दौरान कमेन्ट्रिको क्रममा क्रिकेट ब्याटलाई छिमेकीको श्रीमतीसंग तुलना गरेपछि विवादित बनेका भारतीय विकेटकिपर ब्याट्सम्यान दिनेश कार्तिकले माफी मागेका छन्।

कार्तिकले कमेन्ट्रि गर्ने क्रममा ब्याट्सम्यानहरुलाई आफ्नो ब्याट भन्दा अरु ब्याट्सम्यानको ब्याट बढी मन पर्ने प्रसंग निकालेका थिए। त्यसपछि उनले क्रिकेट ब्याट छिमेकीको श्रीमती जस्तो भएको बताएका थिए- “ब्याट छिमेकीको श्रीमती जस्तै हो, सधै राम्रो लाग्छ।” कार्तिकले बोलेको उक्त कुरा सामाजिक संजालमा भाइरल बनेको थियो।

लाइभ कमेन्ट्रिको दौरान सेक्सिस्ट कमेन्ट गरेपछि कार्तिकको सामाजिक संजालमा आलोचना भएको थियो।

इंग्ल्यान्ड र श्रीलंका बीचको आइतबार राति भएको तेश्रो एकदिवसीय अन्तर्राष्ट्रियको दौरान कार्तिकले माफी मागेका हुन्।

“पछिल्लो खेलमा जे भएको थियो त्यसको लागि म माफी माग्न चाहन्छु। वास्तवमा त्यो मेरो उद्देश्य थिएन। मैले गलत गरे। म सबैसंग माफी माग्छु। यो निश्चित रुपमा भन्न योग्य कुरा थिएन।” कार्तिकले बताए।

“म माफी माग्दै भन्छु कि यो कुरा दोहोरिने छैन। मैले त्यसो भने पछि मेरो श्रीमती र आमाबाट धेरै छडी खानुपर्यो।” उनले थपे

कार्तिकको व्यक्तिगत जीवनसंग जोडिएको प्रसंग 

३६ वर्षीय कार्तिकले कमेन्ट्रिको क्रममा छिमेकिको श्रीमतीको प्रसंग निकालेपछि कार्तिकको जीवनको व्यक्तिगत प्रसंग पुनः क्रिकेट प्रेमीहरुले याद गरेका थिए। दिनेश कार्तिकले आफ्नो पहिलो श्रीमती निकिता बन्जरासंग सन् २०१२ मा डिभोर्स दिएका थिए। निकितासंग आफ्नै साथी खेलाडी मुरली विजयको अफेयर चलेको थाहा पाएपछि कार्तिक र निकिता बीचको डिभोर्स भएको मानिने गरिन्छ। मुरली विजय र कार्तिकको पूर्वपत्नी निकिता बन्जरा सन् २०१२ मा विवाह वन्धनमा बाँधिएका थिए जसको हाल दुई छोरा र एक छोरि समेत रहेको छ। कार्तिकले डिभोर्सको एक वर्षपछि भारतीय स्क्वास खेलाडी दिपक पल्लिकल कार्तिकसंग विवाह गरेका थिए।

सम्बन्धित 

दिनेश कार्तिकले क्रिकेट ब्याटलाई छिमेकीको श्रीमतीसंग तुलना गरेपछि





थप समाचार

फाइनल खेलमा नेपालको सम्भावित प्लेईङ-११

काठमाडौं । मंगलबार नेपाल, नामिबिया र नेदरल्यान्ड्स सम्मिलित टी-ट्वान्टी आईको फाइनल खेलमा नेपाल र नेदरल्यान्ड्स खेल्दै छन् । नेपाल र […]

नेदरल्यान्ड्स र नेपाल फाइनलमा भिड्दै, यस्तो छ ईतिहास

काठमाडौं । काठमाडौंमा जारी नेपाल, नामिबिया र नेदरल्यान्ड्स सहभागी त्रिदेशीय टी-ट्वान्टी आई सिरिजको फाइनल खेलमा घरेलु टोली र नेदरल्यान्ड्सले मंगलबार […]

नेपालसँग खेल्ने आयरल्यान्ड वल्भ्सको टोली घोषणा, सिरिज मार्च २४ बाट

काठमाडौं । नेपाली सिनियर राष्ट्रिय टोली तथा नेपाल ए सँग खेल्ने आयरल्यान्ड वल्भ्सको टोली घोषणा भएको छ । आइतबार क्रिकेट […]

नेदरल्यान्ड्स र नेपालले फाइनल खेल्ने

काठमाडौं । नेपाल र नेदरल्यान्ड्सले त्रिदेशीय टी-ट्वान्टी आई सिरिजको फाइनलमा भिड्ने भएका छन् । वर्षाका कारण नामिबिया र नेदरल्यान्ड्सको खेल […]

नेदरल्यान्ड्सले टस जित्यो

काठमाडौं । नेदरल्यान्ड्सले नामिबियाविरुद्धको खेलमा टस जितेको छ । टियु क्रिकेट मैदानमा कीर्तिपुरमा नेदरल्यान्ड्सका कप्तान स्कट एडवार्डले टस जितेर बलिङ […]

हङकङ सिरिजका लागि नेपाली टोलीको घोषणा, आकाशलाई पहिलो पटक मौका

काठमाडौं । हङकङमा आयोजना हुने त्रिदेशीय टी-ट्वान्टी सिरिजका लागि नेपाली टोली घोषणा भएको छ । फागुन २७ बाट सुरु हुने […]