काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरी स्कटिस सुपर टी-१० लिगमा आबद्ध भएका छन् ।
उनी यस लिगमा पर्थ रोयल्स टिममा आबद्ध भएका हुन् । यस टिममा दक्षिण अफ्रिकाका ब्याटर रासी भान डर डुसन, डिबाल्ड ब्रेभिस तथा इंग्ल्यान्डका डेबिड मलानआबद्ध रहेका छन् ।
यो लिग १६ अगस्ट देखि १ सेप्टेम्बरसम्म आयोजना हुनेछ । स्कटल्यान्ड क्रिकेट बोर्डको आयोजनामा हुने यस लिगमा राशिद खान, सिकन्दर राजा, नसिम शाह लगायतका चर्चित खेलाडी रहनेछन् ।
प्रतियोगितामा ६ टोलीले कुल ३४ खेलमा प्रतिस्पर्धा गर्नेछन् ।
दीपेन्द्रको यो तेस्रो विदेशी लिगमा आबद्धता हुनेछ । यस अघि दीपेन्द्रले ग्लोबल क्यानडा लिग तथा युएईमा आयोजना हुने आईएल टी-२० लिगमा सहभागीता जनाईसकेका थिए ।
दीपेन्द्र हाल टी-२० विश्वकपका लागि नेपाली टिमसँगै अमेरिकामा रहेका छन् ।
https://www.youtube.com/watch?v=Y0W4ANUEZck
