काठमाडौं । क्यानडामा ग्लोबल टी-२० लिगमा नेपाली खेलाडीद्वय सन्दीप लामिछाने र दीपेन्द्रसिंह ऐरीआबद्ध भेनकुवर नाईट्सको तेस्रो खेल आज (आइतबार) हुदैछ ।
नाईट्सले आफ्नो तेस्रो खेलमा मोन्ट्रियल टाईगर्ससँग खेल्दैछ । खेल क्यानडाको सीएए सेन्टर, ब्राम्पटनमा नेपाली समय अनुसार शनिबार बेलुका पौने नौबाट सुरु हुदैछ ।
सन्दीप र दीपेन्द्रआबद्ध नाईट्स पहिलो खेलमा टोरोन्टो नेसनल्ससँग तथा दोस्रो खेलमा बंग्ला टाइगर्ससँग पराजित भएको थियो । पहिलो खेलमा सन्दीपको अलराउन्ड प्रदर्शन भए पनि टोलीलाई जिताउन भने सकेका थिएनन् ।
दोस्रो खेलमा सन्दीपले २ विकेट लिनुका साथै २ रन बनाएका थिए । दोस्रो खेलमा दीपेन्द्रले १ रन बनाएका थिए ।
सन्दीप र दीपेन्द्रआबद्ध नाईट्समा उस्मान ख्वाजा, मोहम्मद अमिर लगायत खेलाडी छन् । दीपेन्द्र दोस्रो पटक यस लिग खेल्दैछन् भने सन्दीपले लिगका सबै संस्करण खेलेका छन् ।
