उपाधिको लागि नेपाल र युएई खेल्दै, जित/हार यसकारण महत्वपूर्ण

nepal vs uae
  • विकेटनेपाल – ३ फाल्गुन, बिहिवार

नामिबियामा जारि आईसीसी विश्व क्रिकेट लिग डिभिजन-२ को उपाधिका लागि आज नेपालले संयुक्त अरब एमिरेट्स (युएई) को सामना गर्दैछ। विन्डहोइक मैदानमा नेपाली समय अनुसार दिउसो १:३० बजे बाट खेल सुरुहुनेछ।

प्रतियोगिताको शिर्ष दुईमा पर्दै नेपाल र युएईले, जिम्बावेमा हुने एक दिवसीय विश्वकप छनोटका लागि बाटो खुल्ला गरिसकेका छन्। नेपाली टोलि डिभिजन १ मा बढुवा समेत भएको छ। आजको खेलले भने प्रतियोगिताको बिजेता र उपविजेताको टुंगो लगाउनका साथै मार्चमा जिम्बाबेमा हुने एक दिवसिय विश्वकप छनौटमा कुन समुहमा पर्ने निर्धारण समेत गर्नेछ।

अंकतालिकामा शिर्ष स्थानमा रहने क्रममा नेपालले ५ खेलबाट ४ मा जित तथा १ हार सहित ८ अंक जोड्न सफल भयो। यता दोस्रो स्थानको युएईले भने समान ५ खेलबाट ३ मा जित र २ मा हार सहित ६ अंक बटुल्न सक्यो। समान जित सहित क्यानडा र नामिबियाको पनि ६-६ अंक भएता पनि रन रेटका आधारमा युएईले दोस्रो स्थान पाउन सफल भयो।

जिते कुन समुह हारे कुन समुह ?

आज हुने युएई र नेपाल बिचको खेलले आगामी मार्चमा जिम्बावेमा हुने आइसीसी विश्वकप छनौटको समूह निर्धारण गर्नेछ। बिश्वकप छनौटमा सहभागी हुने १० वटा टिमलाई २ समुहमा बिभाजन गरीएको छ। समुह चरणमा सबै टिमले एकअर्कासंग १-१ खेल खेल्नेछन् जसपछि दुवै समुहबाट उत्कृस्ट-३ हुने टिम सुपर-सिक्स चरण खेल्न छनौट हुनेछ। सुपर सिक्स चरणमा एउटा टिमले ३ वटा खेल खेल्ने छ ( समुह चरणमा भेट नभएका टिमसंग मात्र )। समुह चरणमा पाएको अंक समेत सुपर सिक्स चरणमा जोडिनेछ (  समुह चरणको अंक तालिकामा तलको २ स्थानमा रहेका टिमसंगको अंक बाहेक )। सुपर सिक्स चरणपछि फाइनल पुग्ने उत्कृस्ट २ हुने टिम बिश्व कप २०१९ खेल्न छनौट हुनेछ।

यसअघि नै समुह “ए” मा वेस्ट इन्डिज, आयरल्याण्ड, नेदरल्याण्ड र पपुवा न्युगिनी सामेल छन्। आजको फाइनल खेलको बिजेताले समुह “ए” मा स्थान बनाउने छ। यस्तै समूह “बि” मा अफगानिस्तान, जिम्बाबे, स्कटल्याण्ड र हंगकंग रहेका छन्। आजको खेलको उपविजेताले यो समूहमा स्थान बनाउनेछ।

नेपाल र युएईको यसअघिको भेट 

नेपाल र युएई बीच ५ दिन अघि मात्र यसै प्रतियोगिताको समूह चरणमा भेट भएको थियो। त्यस खेलमा नेपालले युएईलाई ४ विकेटले पराजित गरेको थियो। टस जित्दै नेपालले पहिले बलिंग गर्ने निर्णय लिएपछि ब्याटिंगमा उत्रिएको युएईले ११४ रन मात्र जोडेको थियो।

नेपालका लागि सोमपाल कामीले ४ तथा सन्दिप लामिछानेले ३ विकेट लिएका थिए। जवाफमा नेपालले ६ विकेट गुमाउँडदा लक्ष्य भेट्टाएको थियो। नेपालका लागि कप्तान पारस खड्काले म्यान अफ द म्याच बन्ने क्रममा ५१ रन बनाएका थिए।





थप समाचार

ओमानमाथि स्कटल्यान्डको सानदार जित

काठमाडौं । ओमानमाथि स्कटल्यान्डले विश्वकप लिग टू सिरिज अन्तर्गतको खेलमा सानदार जित हात पारेको छ । लिग टू सिरिज अन्तर्गत […]

भारतसँग पहिलो पटक टी-२० आई खेल्दै नेपाल

काठमाडौं । श्रीलंकामा जारी नवौं संस्करणको एसिया कपमा नेपालले मंगलबार आफ्नो तेस्रो खेल खेल्दैछ । आफ्नो तेस्रो खेलमा नेपालले भारतको […]

जाफ्ना चौथो पटक च्याम्पियन

काठमाडौं । श्रीलंकामा आईतबार सम्पन्न पाँचौ संस्करणको लंका प्रिमियर लिग (एलपीएल) मा गाल मार्भसलाई हराउँदै जाफ्ना किंग्स चौथो पटक च्याम्पियन […]

नेपालमाथि पाकिस्तानको सहज जित

काठमाडौं । श्रीलंकामा जारी नवौं संस्करणको एसिया कपको दोस्रो खेलमा नेपालमाथि पाकिस्तानले सहज जित निकालेको छ । श्रीलंकाको डम्बुलामा भएको […]

ऐतिहासिक रुपमा सेमिफाइनल पुग्न नेपालले दियो १०९ रनको लक्ष्य

काठमाडौं । एसिया कपको ईतिहासमा पहिलो पटक सेमिफाइनलमा स्थान बनाउँन नेपालले पाकिस्तानलाई १ सय ९ रनको लक्ष्य दिएको छ । […]

नेपालले टस हार्यो, पहिले ब्याटिङ गर्दै

काठमाडौं । श्रीलंकामा जारी एसीसी महिला एसिया कपमा नेपालले पाकिस्तानविरुद्ध टस हारेको छ । पाकिस्तानकी कप्तान निदा दारले टस जितेर […]