सर्बाधिक धनराशीको डिपीएलको खेलाडी दर्ता सुरु, इसेवा टिकेटिंग पार्टनर

  • विकेटनेपाल, २० पौष – बिहिबार 

यही चैत्र १७ गते देखि आयोजना हुने रुस्लान धनगढी प्रिमियर लिगमा ‘इसेवा’ टिकेटिंग पार्टनरको रुपमा जोडिएको छ।

बिहिबार काठमाडौँमा आयोजित पत्रकार सम्मेलनमा डिपिएलको आयोजक धनगढी क्रिकेट एकेडेमीका अध्यक्ष सुबास शाही र ईसेवाका प्रमुख कार्यकारी अधिकृत अस्गर अलिले सम्झौता पत्रमा हस्ताक्षर गरेका छन्। टिकेटिंग पार्टनर भएबापत इसेवाले खेलाडी दर्ता, टिकट वितरणको सम्पूर्ण जिम्मा लिनेछ।

धनगढी प्रिमियर लिगमा देशभरमा ६ शहरको प्रतिनिधित्व गर्ने टिमहरुले भाग लिनेछन्। प्रतियोगिताको बिजेताले २५ लाख रुपैयाँ पाउनेछ जुन नेपाली घरेलु क्रिकेटकै सर्बाधिक पुरस्कार राशी हो। यस्तै उपविजेताले रु. १० लाख, तेश्रो हुने टिमले रु. ३ लाख तथा चौथो हुने टिमले रु. २ लाख पुरस्कार पाउनेछ।

यस्तै प्रतियोगिताको उत्कृष्ट हुने खेलाडीले टिभीएस अपाचे १८० सिसिको मोटरसाइकल पाउनेछ भने प्रत्येक खेलको म्यान अफ द म्याचले रु. १० हजार पाउनेछ। आयोजकले प्रतियोगिताको पुरस्कारको लागि मात्रै ५० लाख रुपैयाँ कम्तिमा खर्च हुने बताएको छ। प्रतियोगिताको अनुमानित लागत ३ करोड रुपैयाँ रहेको छ।

प्रतियोगिताको सम्पूर्ण खेलहरु धनगढीको एसएसपी क्रिकेट मैदानमा संचालन हुनेछ। खेल हेर्न दर्शकहरुले लिग चरणमा रु. ५०, प्ले-अफ चरणमा रु. ७० तथा फाइनल खेलमा रु. १०० को टिकट काट्नुपर्नेछ।

प्रतियोगिताको लागि खेलाडी चयन अक्सन मार्फत गरिनेछ भने प्रत्येक टिमले २ जना बिदेशी खेलाडी टिममा अनिवार्य समाबेश गर्नुपर्नेछ। यस्तै सबै टिमले ट्यालेन्ट हन्ट मार्फत १-१ जना सुदूरपश्चिमान्चलका खेलाडी समाबेश गर्नेपर्नेछ। सहभागी ६ टिमले रणनीतिक खेलाडीको रुपमा १/१ खेलाडी अक्सन अगाडीनै चुन्नेछ जसले टिम चयन लगायत बिषयमा टिमलाई सहयोग गर्नेछ। रणनीतिक खेलाडीनै कप्तान हुनुपर्ने छैन।

१ रणनीतिक खेलाडी, २ विदेश खेलाडी १ ट्यालेन्ट हन्टबाट आउने खेलाडी तथा अन्य ११ खेलाडीहरु अक्सन मार्फत गरि एक टिममा १५ जना खेलाडी हुनेछन्।

खेलाडी दर्ता सुरु 

डिपीएल टि-२० को लागि खेलाडी दर्ता बिहिबार देखि सुरु भएको छ। रास्ट्रिय क्रिकेट टिमका उपकप्तान तथा डिपीएलकै टिम सीवाईसी अत्तरियाका कप्तान ज्ञानेन्द्र मल्लले आफ्नो नाम दर्ता गर्दै खेलाडी दर्ता सुरु गरेका हुन्।

खेलाडीहरुले आफ्नो नाम दर्ता गर्न dpl.esewa.com.np मा गई सामान्य विवरण भरेपछि ‘बार कोड’ प्राप्त गर्नेछन् जसपछि आफ्नो नाम dplofficial.com वेबसाइटमा दर्ता गर्नुपर्नेछ। दर्ताको लागि ई-सेवा मार्फत रु. १ हजार भुक्तानी गर्नुपर्नेछ।

पुष २० गते देखि माघ २५ गते सम्म खेलाडीले दर्ता गर्न सक्नेछन्। नाम दर्ता भएका खेलाडीहरुलाई मात्र अक्सनमा समावेश गरिनेछ। अक्सन फागुन ५ गते आयोजना हुनेछ।

खेलाडीको बर्गिकरण यसरी 

दर्ता भएका खेलाडीहरुको बर्गिकरण ३ क्याटागरिमा गरिनेछ।

‘ए’ क्याटागरि रास्ट्रिय क्रिकेट खेलाडी जसले नेपालको लागि कम्तिमा १५ वटा अन्तर्राष्ट्रिय खेल खेलेको छ र कम्तिमा पछिल्लो ३ बर्ष देखि रास्ट्रिय टिमको प्रतिनिधित्व गरेको छ।

‘बि’ क्याटागरि –  ‘ए’ क्याटागरिमा नपरेका सबै रास्ट्रिय खेलाडीहरु जसले उमेर समुहको लागि नेपालको लागि खेलीसकेका छन् अथवा रास्ट्रिय टिमको बन्दसत्रमा स्थान बनाईसकेका छन्।

सी’ क्याटागरि – कुनै पनि स्तरको रास्ट्रिय टिममा नपरेका खेलाडीहरु

अक्सनमा ‘ए’ क्याटागरिबाट ३ भन्दा बढी खेलाडीहरु टिमले लिन पाउनेछैन भने कम्तिमा २ जना खेलाडी ‘ए’ क्याटागरिबाट लिनुपर्नेछ। यस्तै ‘बी’ क्याटागरिबाट कम्तिमा ३ जना खेलाडी लिनैपर्नेछ भने ‘सी’ क्याटागरिबाट कम्तिमा ५ जना खेलाडीहरु लिनैपर्ने प्राबधान राखिएको छ।

धनगढी क्रिकेट एकेडेमी अध्यक्ष सुबास शाही

धनगढी क्रिकेट सम्मान 

रास्ट्रिय तथा अन्तर्राष्ट्रिय क्रिकेट प्रतियोगितामा सहभागी भएका १ जना पुर्व खेलाडीलाई ‘धनगढी क्रिकेट सम्मान’ तथा नेपाली क्रिकेटमा महत्वपूर्ण योगदान पुर्याएका १ जनालाई ‘अर्जुन खड्का स्मृति सम्मान’ स्वरूप १-१ लाख रुपैयाँ प्रदान गरिने डिपीएलले घोषणा गरेको छ।

धनगढी प्रिमियर लिग टि-२० को उपाधि गत बर्ष टिम पारस खड्का कप्तानीको टिम चौराहा धनगढीले जितेको थियो। फाइनलमा उसले शरद भेसावकर कप्तानीको बिराटनगर किंग्सलाई पराजित गरेको थियो।

भिडियो – 





थप समाचार

मधेस प्रदेश सरकारले आसिफलाई दुई लाख प्रदान गर्ने

जनकपुरधाम, चैत १० गते । मधेस प्रदेश सरकारले यस प्रदेशका अन्तर्राष्ट्रिय खेलाडी आसिफ शेखलाई दुई लाख प्रदान गर्ने घोषणा गरेको […]

एपीएफ र सुदूरपश्चिम विजयी

विभागीय टोलीको एपीएफ क्लब र सुदूरपश्चिम प्रदेशले ललितपुर मेयर कप महिला टी–२० राष्ट्रिय क्रिकेट प्रतियोगितामा विजयी सुरुवात गरेको छ । […]

‘द हन्ड्रेड’ को ड्राफ्ट आज, सन्दीप र अर्जुन ड्राफ्टमा

काठमाडौँ । इंग्ल्यान्डमा आयोजना हुने ‘द हन्ड्रेड’ क्रिकेटको खेलाडी छनोटको लागि ड्राफ्ट आज हुदैछ । नेपाली राष्ट्रिय क्रिकेट टोलीका पूर्व […]

प्रशिक्षक देसाईको तलव बढ्यो

नेपाल क्रिकेट संघ (क्यान)ले क्रिकेट प्रशिक्षकको तलब वृद्धि गरेको छ । आइसीसी विश्वकप लिग-२ मा नेपाली टिमलाई राम्रो नतिजा दिलाएपछि […]

नेपालको एकदिवसीय वरियता सुधार

एकदिवसीय अन्तर्राष्ट्रिय क्रिकेट वरीयतामा नेपालले फेरि एक स्थान सुधार गरेको छ । अन्तर्राष्ट्रिय क्रिकेट परिषद् (आईसीसी) ले बुधबार सार्वजनिक गरेको […]

चितवन रङ्गशालाबारे धुर्मुसले भने : देशका लागि काम गर्दा यति कठोर सजाय होला भन्ने कल्पनै थिएन

कलाकार सीताराम कट्टेल ‘धुर्मुस’ ले चितवनमा बनिरहेको क्रिकेट रङ्गशालाबारे छिटो निर्णय गरिदिन सरकारलाई आग्रह गरेका छन् । मङ्गलवार रङ्गशालाबाट सामाजिक […]