ECA Legue : हानामी वारियर्सको सुखद सुरुवात

प्रथम इष्टर्न क्रिकेट एकेडेमी (इसीए) मेयर लिग टी–२० क्रिकेट प्रतियोगिताको हानामी वारियर्सले ६ विकेटको जित दर्ता गर्दै प्रतियोगितामा सुखद सुरुवात गरेको छ। हानामी वारियर्सले इसीए मेयर लिगको पाँचौं खेलमा बिएम ब्लास्टर माथि ६ विकेटको जित दर्ता गरेको हो।

टिकैली खेल मैदान टस जितेर ब्याटिङ रोजेको बिएम ब्लास्टरले १७.३ ओभरमा सम्पुर्ण विकेट गुमाउदै ८४ रनको कम योगफलमा समेटिएको थियो। बिएम ब्लास्टरले आफ्नो दुवै टप- अडर ब्याटर शुभ कंस्कर र रिकिन कोइरालालाई सुरुवाती ६ ओभर भित्रै रन- आउट मार्फत गुमाएको थियो। शुभले ९ र रिकिनले २ रन जोडे। सुवास दवाडीले २७ बलमा एक चौका र ३ छक्काको मद्दतमा २३ रन प्रहार गरे। अन्य ब्याटरको प्रदर्शन भने सम्झन लायक रहेन।

बिएम ब्लास्टरलाई सस्तोमा रोक्न हानामी वारियर्सका स्पिनर क्रिजन गुरुङले ४ ओभरमा १ मेडेन राख्दै १७ रन खर्चिएर २ विकेट लिए। क्रिजनले बिएम ब्लास्टरका टप-अडर ब्याटर कप्तान सुमन सुनवार र युवराज खरेलको विकेट लिएका थिए। कैलाश पंगेनीले २ ओभरमा ९ रन खर्चिएर २ विकेट लिए।

८५ रनको सामान्य लक्ष्य लिएर मैदान आएको हानामी वारियर्सले १४.३ ओभरमा ४ विकेट गुमाउदै लक्ष्य भेटायो। सुरुवाती ओभरमा कप्तान आकाश थापालाई ४ रन र श्याम मण्डललाई शून्यमा गुमाउदै दबाबमा देखिएको थियो। तर राम बिक्रम कार्कीले समालेर ब्याटिङ गर्दा हानामी वारियर्सले सहजै जित दर्ता गर्यो। राम बिक्रम कार्कीले ३७ बलमा ३ चौका र ३ छक्काको मद्दतमा ३८ रनको आजिबित पारी खेले। गौरब खड्काले १४ बलमा १७ रन प्रहार गरे। क्रिजन गुरुङले ८ रन जोडे।

 





थप समाचार

नेपालको एकदिवसीय वरियता सुधार

एकदिवसीय अन्तर्राष्ट्रिय क्रिकेट वरीयतामा नेपालले फेरि एक स्थान सुधार गरेको छ । अन्तर्राष्ट्रिय क्रिकेट परिषद् (आईसीसी) ले बुधबार सार्वजनिक गरेको […]

चितवन रङ्गशालाबारे धुर्मुसले भने : देशका लागि काम गर्दा यति कठोर सजाय होला भन्ने कल्पनै थिएन

कलाकार सीताराम कट्टेल ‘धुर्मुस’ ले चितवनमा बनिरहेको क्रिकेट रङ्गशालाबारे छिटो निर्णय गरिदिन सरकारलाई आग्रह गरेका छन् । मङ्गलवार रङ्गशालाबाट सामाजिक […]

सोमपाललाई चन्द्रकोटले सम्मान गर्ने

गुल्मी, चैत ७ गते । गुल्मी जिल्लाको चन्द्रकोट गाउँपालिकाले नेपाली राष्ट्रिय क्रिकेट टोलीका खेलाडी सोमपाल कामीलाई सम्मान गर्ने भएको छ […]

लुम्बिनी सरकारले रोहित सहित ६ खेलाडीलाई सम्मान गर्ने

लुम्बिनी प्रदेश सरकारले नेपाली राष्ट्रिय क्रिकेट टोलीका खेलाडीलाई सम्मान गर्ने भएको छ । प्रदेश सरकार मन्त्रिपरिषद्को सोमबारको बैठकले आगामी वर्ष […]

किङ्सटन रनिङ सिल्ड : क्याम बेस्ट–११ विजयी

काठमाडौं, चैत ६ – क्याम बेस्ट–११ ले दोस्रो संस्करणको किङ्सटन रनिङ सिल्डमा सोमबार जेनएक्स–११ लाई ३ ले हराउँदै विजयी सुरुआत […]

आसिफले पाए सिएमजे स्पिरिट अफ क्रिकेट अवार्ड

सिएमजे स्पिरिट अफ क्रिकेट अवार्ड–२०२२ नेपाली राष्ट्रिय क्रिकेट टोलीका ओपनर आसिफ शेखले जितेका छन् । मेरिलेबोन क्रिकेट क्लब (एमसिसी) ले […]