ECA T20 : सन्तोष चम्किँदा सौराहा स्याण्डर विजयी

प्रथम इष्टर्न क्रिकेट एकेडेमी (इसीए) मेयर लिग टी–२० क्रिकेट प्रतियोगिताको सौराहा स्याण्डरले हानामी वारियर्स माथि १ विकेटको रोमान्चक जित दर्ता गर्दै लगातार दोश्रो खेल जितेको छ।

टिकौली खेल मैदान टस जितेर सौराहा स्याण्डरले हानामी वारियर्सलाई ब्याटिङको निम्तो दिएको थियो। हानामी वारियर्सले निर्धारित २० ओभरमा ८ विकेट गुमाउदै १२६ रन जोड्यो। हानामी वारियर्सका कप्तान आकाश थापाले १७ तथा अर्को ओपनर ज्ञान राज न्यौपानेले १४ रन प्रहार गरे। मिडल अडर ब्याटर उत्सव श्रेष्ठले २७ बलमा ३५ रन प्रहार गरे। साथै कैलाश पंगेनीले १४ बलमा १८ रन जोडे। अन्य ब्याटरको प्रदर्शन भने सम्झन लायक रहेन।

सौराहा स्याण्डरका कप्तान सन्तोष न्यौपानेले ४ ओभरमा १९ रन खर्चिएर २ विकेट लिए। राज पाण्डे ,रिजन ढकाल , बिमल चालिसे र सौगात ढकालले सम्मान एक- एक विकेट लिए।

१२७ रनको सामान्य लक्ष्य लिएर मैदान आएको सौराहा स्याण्डरका कप्तान सन्तोष न्यौपानेले समालेर ब्याटिङ गर्दा सौराहा स्याण्डरले १९.३ ओभरमा लक्ष्य भेटायो। सौराहा स्याण्डरका कप्तान सन्तोषले ४३ बलमा १० चौका र ३ छक्काको मद्दतमा ७५ रन प्रहार गरे। अन्तिम ९ बलमा ६ रन आवश्यक रहेको स्थितिमा हानामीका श्याम मन्डेलले लगातार २ विकेट लिग्दा सौराहा स्याण्डर दबाबमा परेको थियो। सौराहालाई अन्तिम ओभरमा जितका लागि ६ रन आवश्यक थियो भने हानामीलाई एक विकेटको आवश्यकता थियो। अन्तिम ओभरको पहिलो बलमा अनुज चनारालाई सन्तोषले चौका प्रहार गरेका थिए। त्सपछि दोस्रो बल डट हुदा तेस्रो बलमा छक्का प्रहार गर्दै सन्तोषले सौराहालाई प्रतियोगितामा दोस्रो जित दर्ता गर्ने महत्त्वपूर्ण भूमिका खेले।

हानामीका आकाश थापाले ४ ओभरमा ३३ रन खर्चिएर २ विकेट लिए। श्याम मन्डेलले २ ओभरमा १० रन खर्चिएर २ विकेट लिए।

खेलको म्यान अफ द म्याच अल-राउन्डर प्रदर्शन गरेका सौराहाका सन्तोष न्यौपाने भए। सौराहाले ३ खेलमा २ जित दर्ता गरेको छ भने हानामीले २ खेलमा १मा जित र १मा हार बेहोरेको छ।





थप समाचार

नेपालले पहिलो खेल नेदरल्यान्ड्ससँग खेल्ने

काठमाडौं। आगामी जुनमा स्कटल्यान्डमा आयोजना हुने त्रिकोणात्मक टी-२०आई सिरिजमा नेपालले आफ्नो पहिलो खेल नेदरल्यान्ड्ससँग खेल्ने भएको छ। जुनमा ग्लास्गोको क्लाइडसडेल […]

सिद्धान्तलाई क्यानले आर्थिक सहयोग गर्ने

काठमाडौं। नेपाल क्रिकेट संघ (क्यान)ले महेन्द्र नारायण निधी राष्ट्रिय क्रिकेट प्रतियोगिताको दौरान घाइते भएका क्रिकेटर सिद्धान्त लोहनीलाई पाँच लाख रुपैयाँ […]

एम. एम. कप बैशाख १३ गते देखि हुने

मनमोहन मेमोरियल कप (एम.एम. कप) फाउण्डेशनले आयोजना गर्ने तेस्रो संस्करणको राष्ट्रिय एक दिवसीय क्रिकेट प्रतियोगिता ‘एम.एम. कप सिजन ३’ को […]

लिग-२ का लागि क्यानले घोषणा गर्यो ‘कोर क्याम्प’

काठमाडौं। नेपाल क्रिकेट संघ (क्यान) ले आगामी जुनमा स्कटल्यान्डमा आयोजना हुने आइसिसी क्रिकेट विश्वकप लिग-२ शृंखलाको तयारीका लागि ‘कोर क्याम्प’को […]

वर्षाले निर्णायक खेल रद्द हुँदा नेपाल अभागी, अफगानिस्तान विश्वकपमा

आइसिसी यु–१९ विश्वकप एसिया छनोटअन्तर्गत नेपाल र अफगानिस्तानबिचचको खेल वर्षाका कारण रद्द भएपछि अफगानिस्तान विश्वकपमा छनोट भएको छ । मुलपानीस्थित […]

न्युजिल्यान्डमा क्यान्टरबरी नेप्लिज प्रिमियर लिग हुँदै

क्यान्टरबरी नेप्लिज प्रिमियर लिग (CNPL) को पहिलो संस्करण अप्रिल १९ र २० गते न्युजिल्यान्डको स्प्रेडन डोमेन, क्राइस्टचर्च मा आयोजना हुँदैछ। नेपाली […]