विशाल बिष्टको उत्कृष्ट पारी, एडुपलको सिरिज जित

२८ असार,धनगढी।

एडुपल नेपालको आयोजनामा यही २६ गतेदेखि धनगढीको फाप्ला क्रीकेट मैदानमा सुरु भएको प्रथम एडुपल नेपाल-चटकपुर स्पोर्टस क्लव नेपालबीचको ३ टी-२० खेलको सिरिजको दोश्रो टी-२० खेलमा विशाल बिष्टले उत्कृष्ट अर्धशतक प्रहार गरेपछि एडुपल नेपालले चटकपुर स्पोर्टस क्लव नेपाललाई ३९ रनले पराजित गर्न सफल हुँदै ३ टी-२० खेलको सिरिज १ खेल अगावै २-० ले आफ्नो पक्षमा पार्न पनि सफल भएको छ।

आज बिहान भएको दोश्रो टी-२० खेलमा एडुपल नेपालले टस जित्दै पहिला ब्याटिङ गर्ने निर्णय लिएको हो।फलस्वरूप, एडुपल नेपालले निर्धारित २० ओभरमा ८ विकेटको क्षति १८३ रनको उच्च योगफल खडा गर्न सफल भयो।ब्याटिङतर्फ एडुपल नेपालका लागि विशाल बिष्टले ५४ बलमा सर्वाधिक ८६ रनको अर्धशतकिय पारी खेल्न सफल हुँदा संगित सिंह २३ बलमा २३ रन तथा रवि बुढाले १३ बलमा १२ रन बनाउनुबाहेक अन्य खेलाडीले दोहोरो स्कोर छुन सकेनन्।बलिङतर्फ चटकपुर स्पोर्टस क्लव नेपालका लागि पारस रोकायाले ४ ओभरमा १६ रन खर्चंदै सर्वाधिक ३ विकेट लिन सफल हुँदा आयुश खड्काले २ ओभरमा २३ रन खर्चंदै महत्त्वपूर्ण २ विकेट लिन सफल भए।

१८४ रनको विशाल विजयी लक्ष्य पछ्याउँदै मैदान उत्रेको चटकपुर स्पोर्टस क्लव नेपालले निर्धारित २० ओभरको खेलमा १८.५ ओभर खेल्दै सम्पुर्ण विकेटको क्षती १४४ रन बनाउनसक्दा टोलि ३९ रनले पराजित हुनपुग्दै सिरिज पनि २-० ले गुमाउन पुगेको कप्तान सन्दिप औजि बताउछन।ब्याटिङतर्फ चटकपुर स्पोर्टस क्लव नेपालका लागि किरन कार्कीले ३९ बलमा सर्वाधिक ४६ रन बनाउन सक्दा विरेन्द्र चन्द १७ बलमा १९ रन,पारस रोकाया १५ बलमा अविजित १५ रन तथा सुदिप खड्काले २० बलमा १० रन बनाउनुबाहेक अन्य खेलाडीले दोहोरो स्कोर गर्न नसक्दा टोलिले पराजय बेहोर्नुपरेको टोलिका उपकप्तान पारस उपाध्याय बताउछन।बलिङतर्फ एडुपल नेपालका लागि रोज शर्माले ४ ओभरमा १४ रन खर्चँदा कप्तान भुपेश जोशीले पनि ३.५ ओभरमा ३३ रन खर्चंदै समान ३/३ विकेट लिन सफल हुँदा उपकप्तान सुनिल कार्कीले ३ ओभरमा १ मेडेनसहित मात्र ०९ रन खर्चंदै महत्त्वपूर्ण २ विकेट लिन सफल हुँदै आफ्नो टोलिलाइ जित दिलाउन सफल भएका हुन।

३ टी-२० खेलको सिरिजको दोश्रो टी-२० खेलमा एडुपल नेपालले चटकपुर स्पोर्टस क्लव नेपाललाई ३९ रन पराजित गर्न सफल हुँदै ३ टी-२० खेलको सिरिज एक खेल अगावै २-० ले आफ्नो पक्षमा पनि पार्न सफल भएको छ।दोश्रो टी-२० खेलमा उत्कृष्ट अर्धशतक प्रहार गर्ने खेलाडी विशाल बिष्ट म्यान अफ दी म्याच घोषित हुन सफल भए।

एडुपल नेपाल र चटकपुर स्पोर्टस क्लव नेपाल बीचको ३ टी-२० खेलको सिरिजको अन्तिम टी-२० खेल भोलि बिहान ०९:३० बजे धनगढीको फाप्ला क्रीकेट मैदानमा सुरु हुने सिरिज संयोजक टेकराज पन्त ज्यूले बताउनुभयो।





थप समाचार

कुशलको अर्धशतकमा नामिबियालाई १८१ रनको लक्ष्य

काठमाडौं । अलराउन्डर कुशल मल्लको विष्फोटक अर्धशतकको सहयोगमा नेपालले नामिबियालाई १ सय ८१ रनको लक्ष्य दिएको छ । टियु क्रिकेट […]

नेपालले टस हार्यो, भुर्तेल बेन्चमा

काठमाडौं । नामिबियाविरुद्ध नेपालले टस हारेको छ । नामिबियाका कप्तान जेजे स्मिथले टस जितेर बलिङ रोजेपछि नेपालले पहिला ब्याटिङ गर्दै […]

पाँचपोखरी क्रिकेट प्रतियोगिता : पाँचपोखरी र ह्याल्मो-११ सेमिफाइनलमा

काठमाडौं । पाँचपोखरी क्रिकेट क्लब र ह्योल्मो-११ ले पाँचपोखरी जिल्लास्तरीय टि२० क्रिकेट प्रतियोगिताको सेमिफाइनलमा स्थान बनाएका छन् । आज भएको […]

दाङ क्रिकेट लिग : देउखुरी र पुरनधारा फाइनल दौडबाट बाहिरियो 

दाङको घोराहीमा जारि नेपाल टेलिकम दाङ क्रिकेट लिग(डिसिएल) अन्तर्गत बिहिबार सम्पन्न दुई खेलमा तुलसीपुर रोयल्स र दंगाली लायन्स विजयी भएका […]

लिभेन्टको शतकमा नेदरल्यान्ड्सको सहज जित

काठमाडौं । ओपनर माईकल लिभेन्टको शतकमा नेदरल्यान्ड्सले नामिबियालाई सहज रुपले पराजित गरेको छ  । टियु मैदानमा भएको  खेलमा नामिबिया ५९ […]

लिभेन्टको शतकमा नामिबियालाई २४८ रनको लक्ष्य

काठमाडौं । ओपनर माईकल लिभेन्टको शतकमा नेदरल्यान्ड्सले नामिबियालाई २ सय ४८ रनको लक्ष्य दिएको छ । टियु मैदानमा जारी खेलमा […]