इंग्ल्याण्डसंग अफगानिस्तान निरिह

मे ३० बाट इंग्ल्याण्डमा सुरु हुने एकदिवसीय विश्वकप क्रिकेट अघि अभ्यास खेलमा आयोजक इंग्ल्याण्डले अफगानिस्तानलाई ९ विकेटको ठुलो अन्तरले पराजित गरेको छ।

२०१५ मा एकदिवसीय विश्वकप डेब्यु गर्दै दोश्रो विश्वकप खेल्न लागेको अफगानिस्तानलाई विश्वकपमा आश्चर्यजनक नतिजा ल्याउने टिमको रुपमा हेरिएको छ भने इंग्ल्याण्डलाई विश्वकप जित्ने प्रमुख दावेदारको रुपमा हेरिएको छ। यस अघि आफ्नो पहिलो अभ्यास खेलमा पाकिस्तानलाई ३ विकेटले पराजित गरेको अफगानिस्तानले पुनः त्यस्तै नतिजाको अपेक्षा गरे पनि इंग्ल्याण्डले आफुलाई कमजोर सावित हुन दिएन।

कमजोर अफगानी ब्याटिंग, नाबीको उद्दार 

लन्डनको केंनिंगटन ओभल मैदानमा घरेलु टिमले टस जितेर अफगानिस्तानलाई ब्याटिंगको निम्तो दिएको थियो।

अत्यन्त नाजुक ब्याटिंग गर्ने क्रममा अफगानिस्तानले ८ विकेट ९२ रनको योगफलमै गुमाउन पुगेको थियो। लज्जास्पद योगफलमा समेटिने खतरालाई नवौं नम्बरमा ब्याटिंग गरेका मोहम्मद नाबीले टारे।

नवौं विकेटको लागि नाबीले अफताब आलमसंग ३५ रनको तथा दशौँ विकेटको लागि दौलात जद्रानसंग ३३ रनको साझेदारी गरेपछि उसले ३८.४ ओभरमा १६० रन बनाउन सक्यो।

नाबीले अन्तिम विकेटको रुपमा आउट हुनु अघि ४४ रन बनाए। ४२ बलमा उनले ३ छक्का र १ चौका हिर्काए। अविजित रहेका जद्रानले २० रन बनाउन १७ बलमा २ चौका र १ छक्का प्रहार गरे।

इंग्ल्याण्डको लागि बलिंगमा जोफ्रा आर्चर ( ५.४-०-३२-३ ) र जोय रुट ( ६-०-२२-३ ) ले ३/३ विकेट लिए भने मोइन अलि ( ९-१-४२-१ ) र बेन स्टोक्स ( ४-०-१४-१ ) ले १/१ विकेट लिए।

रोयको आक्रमक ब्याटिंग  

अफगानिस्तानले दिएको १६१ रनको लक्ष्य पछ्याउन घरेलु टिमले १७.३ ओभर मात्रै लगायो भने १ मात्र विकेट गुमायो। ओपनर जेसन रोयले अविजित ८९ रन बनाउने क्रममा ११ चौका र ४ छक्का प्रहार गर्दै सहज जित दिलाए।

जोनी बेयरस्टोले ३९ ( २२ बलमा ७ चौका र १ छक्का ) तथा जोय रुटले अविजित २९ रन बनाए।

अफगानिस्तानको लागि १ मात्र विकेट मोहम्मद नाबी ( ३-०-३४-१ ) लिए। राशिद खान ( ५-०-३२-० ) विकेट विहिन रहे।

विश्वकप अन्तर्गत इंग्ल्याण्डले आफ्नो पहिलो खेल मे ३० मा दक्षिण अफ्रीकासंग खेल्नेछ। अफगानिस्तानले अस्ट्रेलियासंग जुन १ मा खेल्दै विश्वकपको सुरुवात गर्नेछ।





थप समाचार

पञ्जाबमाथि गुजरातको जित

काठमाडौं । १७ औं संस्करणको इन्डियन प्रिमियर लिग(आइपीएल)को ३७ औं खेलमा गुजरात टाईटन्सले पञ्जाब किंग्समाथि जित निकालेको छ । पञ्जाबको […]

गुजरात सामू चलेन पञ्जाबको ब्याटिङ, १४२ रनमा अल आउट

काठमाडौं । १७ औं संस्करणको इन्डियन प्रिमियर लिग(आइपीएल)को ३७ औं खेलमा गुजरात टाईटन्स सामु पञ्जाब किंग्स १ सय ४२ रनमा […]

ओमानलाई पराजित गरि युएई एसिया कपमा

काठमाडौं । कप्तान मोहम्मद वासिमको शतकको सहयोगमा ओमानलाई पराजित गर्दै युएईले २०२५ को एसीया कपमा स्थान बनाएको छ । घरेलु […]

बेंगलुरुको लगातार छैटौं हार, कोलकाता दोस्रो स्थानमा उक्लियो

काठमाडौं । १७ औं संस्करणको इन्डियन प्रिमियर लिग (आइपीएल)को ३६ औं खेलमा कोलकाता नाइटराइडर्सले रोयल च्यालेन्जर्स बेंगलुरुलाई पराजित गरेको छ […]

पलको अर्धशतकमा सुदुरको रोमान्चक जित

काठमाडौं । काठमाडौंमा जारी वीर गणेशमान सिंह राष्ट्रिय टी-२० च्याम्पियनशिप अन्तर्गत आइतवार भएको पहिलो खेलमा सुदुरपश्चिम प्रदेशले रोमाञ्चक जित हात […]

एसीसी प्रिमियर कप : उपाधीका लागि ओमान र युएई खेल्दै

काठमाडौं । ओमनमा जारी दोस्रो संस्करणको एसीसी प्रिमियर कपको उपाधिका लागि घरेलु टोली र युएई आज भिड्दै छन् । खेल […]