T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको छ।

शेख जायद स्टेडियम, अबुधाबीमा बंगलादेशले दिएको १२५ रनको लक्ष्य इंग्ल्यान्डले मात्र २ विकेट क्षेतीमा ३५ बल बाँकी रहँदै भेटायो। ओपनर जेसन रोयले मात्र ३८ बलमा ५ चौका र ३ छक्का मद्दतले ६१ रन बनाउदा इंग्ल्यान्डको जित सहज बन्यो। रोयले ३३ बलमा अर्धशतक पुरा गरे। डेविड मलानले अविजित २८ तथा जोस बटलरले १८ रन बनाए। रोयले बटलरसंग ३९ रनको तथा मलानसंग ७३ रनको साझेदारी गरे।

टस जितेर ब्याटिंग गरेको बंगलादेशले २० ओभरमा ९ विकेट क्षेतीमा १२४ रन मात्र बनाउन सकेको थियो। उसको लागि मुस्फिकुर रहिमले सर्वाधिक २९, नसुम एहमद र महमुदुल्लाहले समान १९ रन तथा नुरुल हसनले १६ रन योगदान दिए। मोईन अलिले ओपनर लिटन दास र मोहम्मद नैमलाई सुरुवातमै पेभेलियन फर्काएपछि बंगलादेशले खुलेर ब्याटिंग गर्न सकेन। शाकिब अल हसन पनि छिट्टै आउट भएपछि रहिम र महमुदुल्लाहले चौथो विकेटको लागि ३७ रनको साझेदारी गरे पछि खेलमा त्यो भन्दा ठूलो साझेदारी बन्न सकेन।

इंग्ल्यान्ड बलर टाईमल मिल्सले सर्वाधिक ३ विकेट ( ४-०-२७-३ ) लिए भने मोईन अलि ( ३-०-१८-२ ) र लियम लिभिंगस्टोनले ( ३-०-१५-२ ) समान २ विकेट तथा क्रिस वोक्सले १ विकेट ( ४-०-१२-१ ) लिए।

जितपछि इंग्ल्यान्ड समुह ‘१’ को शिर्ष स्थानमा उक्लेको छ जसले दुवै खेलमा जित दर्ता गर्दा ४ अंक बटुलेको छ। पहिलो खेलमा इंग्ल्यान्डले वेस्टइन्डिजलाई पराजित गरेको थियो। लगातार दोश्रो हार पछि बंगलादेश भने पाँचौ स्थानमा रहेको छ। वेस्टइन्डिज पनि २ हारको साथ पुछारमा छ। इंग्ल्यान्डले आगामी खेल अस्ट्रेलियासंग अक्टोबर ३० तारिखमा तथा बंगलादेशले अक्टोबर २९ तारिखमा वेस्टइन्डिजसंग खेल्नेछ। बंगलादेश र वेस्टइन्डिजको लागि आगामी खेल ‘गर या मर’ को अवस्था हुनेछ।

अंकतालिका 





थप समाचार

निकोलको अलराउन्ड प्रदर्शनमा नामिबियाद्वारा नेपाल पराजित

काठमाडौं । जेन निकोलको कीर्तिमानी शतक तथा उत्कृष्ट बलिङको सहयोगमा नामिबियाले नेपाललाई पराजित गरेको छ । टियु क्रिकेट मैदान कीर्तिपुरमा […]

निकोलको कीर्तिमानी शतकमा नेपाललाई २ सय ७ रनको लक्ष्य

काठमाडौं । जेन निकोलको कीर्तिमानी शतकको सहयोगमा नामिबियाले नेपाललाई जितका लागि २ सय ७ रनको लक्ष्य दिएको छ । टियु […]

नेपालले टस हार्यो, ललित बेन्चमा

काठमाडौं । नेपालले नामिबियाविरुद्धको खेलमा टस हारेको छ । टियु क्रिकेट मैदानमा नामिबिया कप्तान जेजे स्मिथले टस जितेर ब्याटिङ रोजेपछि […]

त्रिदेशिय टी-ट्वान्टी सिरिज आजबाट, नामिबिया र नेपाल भिड्दै

काठमाडौं । आज(मंगलबार) बाट नेपाल, नेदरल्यान्ड्स र नामिबिया सम्मिलित त्रिदेशीय टी-ट्वान्टी सिरिज सुरु हुदैछ । सिरिजको पहिलो खेलमा नामिबिया र […]

पाँचपोखरीको लगातार दोस्रो जित, भोटेचौरकाे विजयी सुरूआत

काठमाडौं । पाँचपोखरी टी-ट्वान्टी क्रिकेट प्रतियोगिताको तेश्रो दिन पाँचपोखरी र भोटेचौर विजयी भएका छन् । तेस्रो दिनको पहिले खेलमा पाँचपोखरी […]

नामिबियाविरुद्ध नेपाल : सम्भावित प्लेईङ-११

काठमाडौं । मंगलबारबाट सुरु हुने नेपाल, नामिबिया र नेदरल्यान्ड्ससम्मिलित टी-ट्वान्टी आईको पहिलो खेलमा नेपाल र नामिबिया खेल्दै छन् । नेपाल […]