T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको छ।

शेख जायद स्टेडियम, अबुधाबीमा बंगलादेशले दिएको १२५ रनको लक्ष्य इंग्ल्यान्डले मात्र २ विकेट क्षेतीमा ३५ बल बाँकी रहँदै भेटायो। ओपनर जेसन रोयले मात्र ३८ बलमा ५ चौका र ३ छक्का मद्दतले ६१ रन बनाउदा इंग्ल्यान्डको जित सहज बन्यो। रोयले ३३ बलमा अर्धशतक पुरा गरे। डेविड मलानले अविजित २८ तथा जोस बटलरले १८ रन बनाए। रोयले बटलरसंग ३९ रनको तथा मलानसंग ७३ रनको साझेदारी गरे।

टस जितेर ब्याटिंग गरेको बंगलादेशले २० ओभरमा ९ विकेट क्षेतीमा १२४ रन मात्र बनाउन सकेको थियो। उसको लागि मुस्फिकुर रहिमले सर्वाधिक २९, नसुम एहमद र महमुदुल्लाहले समान १९ रन तथा नुरुल हसनले १६ रन योगदान दिए। मोईन अलिले ओपनर लिटन दास र मोहम्मद नैमलाई सुरुवातमै पेभेलियन फर्काएपछि बंगलादेशले खुलेर ब्याटिंग गर्न सकेन। शाकिब अल हसन पनि छिट्टै आउट भएपछि रहिम र महमुदुल्लाहले चौथो विकेटको लागि ३७ रनको साझेदारी गरे पछि खेलमा त्यो भन्दा ठूलो साझेदारी बन्न सकेन।

इंग्ल्यान्ड बलर टाईमल मिल्सले सर्वाधिक ३ विकेट ( ४-०-२७-३ ) लिए भने मोईन अलि ( ३-०-१८-२ ) र लियम लिभिंगस्टोनले ( ३-०-१५-२ ) समान २ विकेट तथा क्रिस वोक्सले १ विकेट ( ४-०-१२-१ ) लिए।

जितपछि इंग्ल्यान्ड समुह ‘१’ को शिर्ष स्थानमा उक्लेको छ जसले दुवै खेलमा जित दर्ता गर्दा ४ अंक बटुलेको छ। पहिलो खेलमा इंग्ल्यान्डले वेस्टइन्डिजलाई पराजित गरेको थियो। लगातार दोश्रो हार पछि बंगलादेश भने पाँचौ स्थानमा रहेको छ। वेस्टइन्डिज पनि २ हारको साथ पुछारमा छ। इंग्ल्यान्डले आगामी खेल अस्ट्रेलियासंग अक्टोबर ३० तारिखमा तथा बंगलादेशले अक्टोबर २९ तारिखमा वेस्टइन्डिजसंग खेल्नेछ। बंगलादेश र वेस्टइन्डिजको लागि आगामी खेल ‘गर या मर’ को अवस्था हुनेछ।

अंकतालिका 





थप समाचार

इंग्ल्यान्डमाथि अस्ट्रेलियाको सहज जित

काठमाडौं । ओपनर ट्राभिस हेडको शतक सहयोगमा अस्ट्रेलियाले पहिलो ओडिआई खेलमा इंग्ल्यान्डलाई सहज रुपमा पराजित गरेको छ । अस्ट्रेलिया ५ […]

भक्तपुर क्रिकेट संघको साधारण सभा सम्पन्न

भक्तपुर जिल्ला क्रिकेट संघको वार्षिक साधारण सभा सम्पन्न भएको छ । बिहीवार संघका अध्यक्ष डा. मनिष राज पाण्डेको अध्यक्षतामा एक […]

नेपाल पराजित

नेपाल आइसिसी विश्वकप लिग–२ त्रिकोणात्मक ओडिआई सिरिजमा ओमानसँग पराजित भएको छ । क्यानडाको किङ्ग सिटीमा बिहीवार बिहान सम्पन्न खेलमा नेपालमाथि […]

नेपाल पहिले ब्याटिङ गर्दै

ओमानविरुद्ध नेपालले टस हारेको छ । विश्वकप लिग टु अन्तर्गतको क्यानडामा जारी त्रिकोणात्मक ओडिआई सिरिजको दोस्रो खेलमा नेपालले टस हारेको […]

युएईको लगातार हार

आईसिसी विश्वकप लिग टुमा युएईले लगातार हार बेहोरेको छ । नामिबियामा जारी रहेको लिग टु अन्तर्गतको सिरिजमा युएई अमेरिकासॅंग १० […]

नेपाल र ओमान खेल्दै

आईसिसी विश्वकप लिग २ अन्तर्गतको क्यानडामा जारी त्रिकोणात्मक सिरिजको दोस्रो खेलमा नेपालले ओमानको सामना गर्दैछ । क्यानडाको किङ्ग सिटीमा हुने […]