अस्ट्रेलिया र इंग्ल्यान्ड बीच तिन म्याचको वानडे सिरिज म्यानचेस्टरमा सुरु भएको छ। इमिरेट्स ओल्ड ट्र्याफोर्डमा जारि पहिलो वानडेमा टस हारेर ब्याटिंग गरेको अस्ट्रेलियाले ५० ओभर ब्याटिंग गर्दै ९ विकेट गुमाएर २९४ रन बनाउदै इंग्ल्यान्डलाई २९५ रनको लक्ष्य प्रस्तुत गरेको छ।
भ्रमण टोलिको लागि ग्लेन म्याक्सवेलले सर्वाधिक ७७ रन बनाए जुन क्रममा ५९ बलमा समान ४/४ चौका र छक्का प्रहार गरे। यस्तै मिचेल मार्शले ११० बलमा ६ चौका मद्दतले ७३ रन बनाए। मार्कस स्टोइनिसले ३४ बलमा ४३ रन बनाउदा मार्नस लाबुसेनले २१, आरोन फिन्चले १६, एलेक्स केरे १० तथा डेभिड वार्नरले ६ रनमा आउट भए। अविजित रहेका मिचेल स्टार्कले १२ बलमा १ चौका र छक्का प्रहार गर्दै १९ रन बनाए।
सुरुवात देखि निरन्तर विकेट गुमाएको भ्रमण टिम २४ औं ओभरमा १२३/५ को अवस्थामा पुगेको थियो। त्यसपछि छैठौं विकेटको लागि मार्श र म्याक्सवेलले १२६ रनको साझेदारी गर्दै इंग्ल्यान्डलाई उकासेका थिए। म्याक्सवेललाई ४४ औं ओभरमा जोफ्रा आर्चरले बोल्ड गर्दै साझेदारी तोडेका थिए।
इंग्ल्यान्डको बलिंगमा फास्ट बलरद्वय जोफ्रा आर्चर र मार्क वुडले समान ३/३ विकेट लिए। आर्चरले १० ओभरमा ५७ रन खर्चिए जुन क्रममा वार्नर र म्याक्सवेलको महत्वपूर्ण विकेट हात पारे। यस्तै वुडले कप्तान फिन्च, स्टोइनिस र मार्शको विकेट लिए। लेग स्पिनर आदील राशिदले ५५ रन खर्चेर २ विकेट लिए।
खेलमा स्टिभ स्मिथ खेलीरहेका छैनन्। उनको बिहिबार अभ्यासको क्रममा टाउकोमा चोट लागेपछि जांच भइरहेको छ।
अस्ट्रेलियाको इंग्ल्यान्ड भ्रमण अन्तर्गत यस अघि सम्पन्न टि-२० सिरिजमा इंग्ल्यान्ड २-१ ले विजयी भएको थियो। सिरिज अन्तर्गत दोश्रो खेल सेप्टेम्बर १३ तथा तेश्रो खेल सेप्टेम्बर १६ मा खेलिनेछ।
यो पनि पढ्नुस :-
https://wicketnepal.com/smith-out-1st-odi-wn20/
https://wicketnepal.com/pandya-and-pollard-will-struggle-ipl-wn20/
https://wicketnepal.com/wn20-team-of-the-tournament-wn20/
https://wicketnepal.com/cricket-south-africa-suspended-wn20/
https://wicketnepal.com/talab-rashtriy-kheladi-wn20/
