इंग्ल्यान्डको भारत भ्रमण अन्तर्गत ५ वटा टि-२० अन्तर्राष्ट्रियको सिरिज नरेन्द्र मोदी स्टेडियम, अहमदावादमा सुरु भएको छ।
खेलमा टस हारेर ब्याटिंग गरेको भारतले निर्धारित २० ओभरमा ७ विकेट गुमाएर १२४ रन बनाउदै इंग्ल्यान्डलाई १२५ रनको लक्ष्य प्रस्तुत गरेको छ।
भारतको सुरुवात निकै खराब रह्यो। पहिलो ओभरमा १ रन मात्र ओपनर केएल राहुललाई जोफ्रा आर्चरले बोल्ड गरे। तेश्रो ओभरमा खाता नखोल्दै कप्तान बिराट कोहलीलाई आदील रशिदले क्याच आउट गराए। पाँचौ ओभरमा अर्का ओपनर शिखर धवन व्यक्तिगत ४ रन बनाएर मार्क वुडबाट बोल्ड भए।
२० रनको योगफलमा ३ विकेट गुमाएपछि श्रेयस ऐयरले एक किनार सम्हाले। २८ रनको साझेदारी गरेपछि रिशभ पन्तलाई बेन स्टोक्सले क्याच आउट गराए। पन्तले २३ बलमा २ चौका र १ छक्का मद्दतले २१ रन बनाए।
पन्तको विकेटपछि ऐयरले हार्दिक पान्ड्यासंग ५४ रनको साझेदारी गरे। १८ औं ओभरमा पान्ड्या र शार्दुल ठाकुरलाई लगत्तै बलमा आर्चरले क्याच आउट गराए। पान्ड्याले २१ बलमा १ चौका र १ छक्का मद्दतले १९ रन बनाए भने ठाकुरले खाता खोल्न सकेनन्। १८ औं ओभरमा आर्चरले मात्र ३ रन खर्चेर २ विकेट लिए।
भारतले इनिंग्सको अन्तिममा पनि आक्रामक ब्याटिंग गर्न सकेन। २० औं ओभरमा ६७ रन बनाएर श्रेयस ऐयरलाई क्रिस जोर्डनले क्याच आउट गराए। उनले ४८ बलमा ८ चौका र १ छक्का हिर्काए। अक्षर पटेलले अविजित ७ तथा वासिंगटन सुन्दरले अविजित ३ रन बनाए।
इंग्ल्यान्डको बलिंगमा जोफ्रा आर्चरले सर्वाधिक ३ विकेट लिए जुन क्रममा ४ ओभरमा १ मेडन ओभर गर्दै २३ रन खर्चिए। आदील रशिद, मार्क वुड, बेन स्टोक्स र क्रिस जोर्डनले समान १ विकेट लिए।
दुई देश बीच यस अघि सम्पन्न टेस्ट सिरिज भारतले ३-१ ले आफ्नो पक्षमा पारेको थियो। टि-२० सिरिज पछि दुई देश बीच तिन वटा एकदिवसीयको सिरिज खेलिनेछ।
धेरैले पढेको
https://wicketnepal.com/ariiyo-paras-prerit-armi-parajit-wn21/
https://wicketnepal.com/ipl-khel-talika-wn21-aayo/
https://wicketnepal.com/india-parajit-pieterson-aakramak-wn21/
