इंग्ल्यान्ड र पाकिस्तान बीच ओल्ड ट्राफोर्ड म्यानचेस्टरमा जारि तिन टेस्ट म्याचको सिरिज अन्तर्गत पहिलो टेस्ट रोमान्चक मोडमा पुगेको छ।
तेश्रो दिनको खेल सकिदा पाकिस्तानले दोश्रो इनिंगमा २४४ रनको अग्रता हाँसिल गरेको छ।
खेलमा टस जितेर ब्याटिंग गर्दै पहिलो इनिंगमा पाकिस्तानले ३२६ रन बनाएपछि घरेलु टिम इंग्ल्यान्डले पहिलो इनिंगमा २१९ रन मात्र बनाउन सकेको थियो। तेश्रो दिन ब्याटिंग सुरु गरेको पाकिस्तानले दिनको समाप्तिमा ८ विकेट गुमाएर १३७ रन बनाएको छ। क्रिजमा यासिर शाह १२ तथा मोहम्मद अब्बास खाता नखोली अविजित रहेका छन्।
मुस्किल बन्दै गएको पिचमा चौथो दिन इंग्ल्यान्डलाई ब्याटिंग गर्न कठिन हुने अनुमान गर्न सकिन्छ। तेश्रो दिन १४ विकेट खसेको विकेटमा चौथो दिन ब्याट्सम्यानहरुलाई पक्कै सहज हुने छैन। चौथो दिन सुरुवातमै बाँकी २ विकेट लिंदै बढीमा २५० भन्दा तल पाकिस्तानलाई रोक्दै मानसिक फाइदा लिने दाउमा इंग्ल्यान्ड हुनेछ भने पाकिस्तानले अग्रतालाई २५० कम्तिमा पार गर्दै सकभर बढी रन बनाउन चाहनेछ। अब पाकिस्तानले थप्ने प्रत्येक रनले इंग्ल्यान्डको मुस्किल बढाउनेछ।
Afridi is bounced out by Stokes, caught at gully!
Pakistan 137/8, Abbas walks out for the final few balls of the day…https://t.co/28m6D4wWP9 | #ENGvPAK pic.twitter.com/Vk6kXr5LHQ
— ESPNcricinfo (@ESPNcricinfo) August 7, 2020
चलेन पाकिस्तानको ब्याटिंग
पहिलो इनिंगमा ३२६ रन बनाएको पाकिस्तानको दोश्रो इनिंगमा भने ब्याटिंग चलन सकेन। उसले सुरुवात देखि लगातार विकेट गुमाउन पुग्यो।
इनिंगको दोश्रो ओभरमा स्टुवार्ट ब्रडले पहिलो इनिंगमा १५६ रन बनाएका शान मसुदलाई पेभेलियन फर्काएपछि सुरु भएको पाकिस्तानको विकेट पतन रोकिएन। अबिद अलि २० रन, बाबर आजम ५ रन, कप्तान अजहर अलि १८ रन, असद शफिक २९ रन, मोहम्मद रिजवान २७ रन, शदाब खान १५ रन तथा शाहिन अफ्रिदी २ रन बनाएर आउट भए।
इंग्ल्यान्डको बलिंगमा स्टुवार्ट ब्रड ( ९-३-२३-२ ) , क्रिस वोक्स ( ५-१-११-२ ) र बेन स्टोक्स ( ४-१-११-२ ) ले समान २ विकेट तथा डोमिनिक बेसले १ विकेट लिएका छन्।
Only Pakistan could have played like Pakistan in the 2nd inns. Yet, 260-270 won’t be easy to get in the last innings. #ENGvPAK
— Vikrant Gupta (@vikrantgupta73) August 7, 2020
पाकिस्तान र इंग्ल्यान्डको पहिलो इनिंग
पाकिस्तानले पहिलो इनिंगमा ३२६ रन बनाएको थियो जसको लागि ओपनर शान मसुदले करियरकै व्यक्तिगत सर्वाधिक रन बनाउने क्रममा १५६ रन बनाएका थिए। बाबर आजमले ६९ तथा शदाब खानले ४५ रन बनाए। इंग्ल्यान्डको बलिंगमा जोफ्रा आर्चर र स्टुवार्ट ब्रडले समान ३ विकेट लिएका थिए।
इंग्ल्यान्डले पहिलो इनिंगमा २१९ रन मात्र बनाउन सकेको थियो र पाकिस्तानको पहिलो इनिंगको योगफल भन्दा १०७ रनले पछि परेको थियो। उसको लागि ओली पोपले सर्वाधिक ६२ तथा जोस बटलरले १९ रन बनाएका थिए। पाकिस्तानको बलिंगमा लेग स्पिनर यासिर शाहले सर्वाधिक ४ विकेट तथा मोहम्मद अब्बास र शदाव खानले समान २/२ विकेट लिएका थिए।
सन् १९९६ पछि पाकिस्तानले इंग्ल्यान्डमा कुनै पनि टेस्ट सिरिज जित्न सकेको छैन।
