भ्रमण टोलि वेस्टइन्डिजलाई ११३ रनले पराजित गर्दै इंग्ल्यान्डले तिन टेस्टको सिरिज १-१ को बराबरी गरेको छ।पहिलो टेस्टमा वेस्टइन्डिज ४ विकेटले विजयी भएपछि दबाबमा घरेलु टिमले उत्कृस्ट कम्ब्याक गरेको हो। तेश्रो तथा निर्णायक टेस्ट जुलाई २४ देखि सुरु हुनेछ।
तेश्रो दिनको खेल वर्षाले अबरुद्ध भएता पनि चौथो र पाँचौ दिन वेस्टइन्डिजलाई लगातार दबाबमा राख्दै इंग्ल्यान्डले जित हाँसिल गर्यो।
टेस्टको पहिलो इनिंगमा इंग्ल्यान्डले ४६९/९ ( पारि घोषित ) रन बनाएको थियो। जवाफमा वेस्टइन्डिजले पहिलो इनिंगमा २८७ रन मात्रै बनाउन सक्यो। त्यसपछि दोश्रो इनिंग ब्याटिंग गरेको इंग्ल्यान्डले १२९/३ को योगफलमा पारि घोषित गर्दै वेस्टइन्डिजलाई ३१२ रनको लक्ष्य प्रस्तुत गरेको थियो। पाँचौ दिन लक्ष्य पछ्याउने क्रममा वेस्टइन्डिजले १९८ रनमा सम्पूर्ण विकेट गुमाउन पुग्यो।
वेस्टइन्डिजको लागि शामराह ब्रुक्सले ६२ , जर्माइन ब्ल्याकउडले ५५ तथा कप्तान जेसन होल्डरले ३५ रन बनाएता पनि अन्य ब्याट्सम्यानले राम्रो साथ दिन सकेनन्।
३७ रनको योगफलमा ४ विकेट गुमाएको वेस्टइन्डिजलाई ब्रुक्स र ब्ल्याकवुडले पाँचौ विकेटको लागि १०० रनको साझेदारी गर्दै टेस्ट जोगाउने आशा देखाएका थिए।
इंग्ल्याण्डको बलिंगमा स्टुवार्ट ब्रडले ३ तथा क्रिस वोक्स, डोमिनिक बेस र बेन स्टोक्सले समान २/२ विकेट लिए। स्याम करनको नाममा १ विकेट रह्यो।
इंग्ल्यान्डको लागि टेस्टको पहिलो इनिंगमा डोमिनिक सिब्ले ( १२० रन ) र बेन स्टोक्स ( १७६ ) ले शतकीय पारि खेलेका थिए।
पहिलो इनिंगमा शतक तथा कुल ३ विकेट लिएका स्टोक्स खेलको प्लेयर अफ द म्याच घोषित भए।
म्याच समरी : England 469/9 decl. & 129/3 decl. (Ben Stokes 78*; Kemar Roach 2-37) lead West Indies 287 & 137/5 (Jermaine Blackwood 55, Shamarh Brooks 52*; Stuart Broad 3-25) by 174 runs.
