रोमान्चक खेलमा इंग्ल्याण्डको जित, हारेपनि न्युजील्याण्ड फाइनलमा

  • विकेटनेपाल – ६ फाल्गुन. आईतवार

इंग्ल्याण्ड, अस्ट्रेलिया र न्युजील्याण्ड बीच जारि त्रिकोणात्मक टि-२० क्रिकेट शृंखलामा न्युजील्याण्ड फाइनल प्रवेश गरेको छ। आज भएको खेलमा इंग्ल्याण्ड बिरुद्द २ रनको हार बेहोरे पनि नेट रन रेटका आधारमा इंग्ल्याण्डभन्दा माथि रहँदै न्युजील्याण्डले फाइनलमा अस्ट्रेलियासंगको भेट पक्का गर्यो।

न्युजील्याण्डको ह्यामिल्टनमा सम्पन्न खेलमा पहिले ब्याटिंग गर्दै इंग्ल्याण्डले दिएको १९५ रनको बिजय लक्ष्य लिएर मैदान उत्रिएको किवी टोलिले निर्धारित २० ओभरमा ४ विकेट गुमाएर १९२ रन मात्र जोड्न सक्यो।

न्युजील्याण्डको चेजमा कोलिन मुन्रोले आक्रमक ब्याटिंग गर्दै किवी टोलिलाई उत्कृस्ट सुरुवात दिए। मात्र १८ बलमा अर्ध शतक बनाएका मुन्रोले जम्मा २१ बल खेल्दा ५७ रन जोडे।

टि-२० अन्तर्राष्ट्रिय क्रिकेटमा मुन्रोले प्रहार गरेको यो चौथो छिटो अर्ध-शतक समेत हो। यसअघि उनले नै श्रीलंका बिरुद्द सन् २०१६ मा १४ बलमा दोस्रो छिटो अर्ध-शतक बनाएका थिए।

पहिलो विकेटका लागि मुन्रोले मार्टिन गुप्टिल ( ६२ ) संग ७८ रनको साझेदारी गर्दा न्युजिल्याण्डले बिष्फोटक सुरुवात पायो। तर आदील रशिदको बलमा कोलिन मुन्रो आउट भएसंगै न्युजील्याण्डको रन रेटमा समेत गिरावट आयो र अन्त्यमा २ रनको झिनो अन्तरले खेल हार्न पुग्यो।

Martin Guptil

खेलको नतिजा २ रनको अन्तरले इंग्ल्याण्डको पक्षमा रहेपनि न्युजील्याण्डलाई फाइनलमा स्थान पक्का गर्नका लागि १७४ रनको आवश्यकता थियो। नेट रन रेटमा इंग्ल्याण्डलाई पछी छाड्न न्युजील्याण्डले १७५ रन जोड्न आवश्यक थियो र १७५ रन जोडेसंगै किवी टोलिले फाइनलमा अस्ट्रेलियासंगको भेट तय गर्यो।

इंग्ल्याण्डको बलिंग तर्फ टम कुर्रन, आदील रशिद, लियम डसन र दविड मलानले समान १-१ विकेट लिए।

यसअघि पहिले ब्याटिंग गरेको इंग्ल्याण्डले निर्धारित २० ओभरमा ७ विकेट गुमाएर १९४ रन जोडेको थियो। उसका ओएन मोर्गनले अविजित ८० रनको पारि खेलेका थिए। मात्र ४६ बल खेलेका म्यान अफ दि म्याच मोर्गनले ४ चौका र ६ छक्का प्रहार गरेका थिए। यस्तै दविड मलानले मात्र ३६ बलमा ५३ रनको इनिंग खेलेका थिए।

न्युजील्याण्डका लागि ट्रेन्ट बोल्टले सर्वाधिक ३ विकेट हात पार्दा, टिम साउदीले २ विकेट लिएका थिए। त्रिकोणात्मक शृंखलाको फाइनल खेल आगामी बुधवार न्युजिल्याण्ड र अस्ट्रेलियाका बीच हुने छ।





थप समाचार

नेपालमाथि पाकिस्तानको सहज जित

काठमाडौं । श्रीलंकामा जारी नवौं संस्करणको एसिया कपको दोस्रो खेलमा नेपालमाथि पाकिस्तानले सहज जित निकालेको छ । श्रीलंकाको डम्बुलामा भएको […]

ऐतिहासिक रुपमा सेमिफाइनल पुग्न नेपालले दियो १०९ रनको लक्ष्य

काठमाडौं । एसिया कपको ईतिहासमा पहिलो पटक सेमिफाइनलमा स्थान बनाउँन नेपालले पाकिस्तानलाई १ सय ९ रनको लक्ष्य दिएको छ । […]

नेपालले टस हार्यो, पहिले ब्याटिङ गर्दै

काठमाडौं । श्रीलंकामा जारी एसीसी महिला एसिया कपमा नेपालले पाकिस्तानविरुद्ध टस हारेको छ । पाकिस्तानकी कप्तान निदा दारले टस जितेर […]

यसरी पुग्नेछ नेपाल एसिया कपको सेमिफाइनलमा…

काठमाडौं । श्रीलंकामा जारी नवौं संस्करणको एसिया कपमा नेपालले युएईलाई पराजित गर्दै ऐतिहासिक जित निकालेको थियो । आफ्नो पहिलो खेलमा […]

नामिबियामाथी स्कटल्याण्डको सहज जित

काठमाडौं । नामिबियामाथि स्कटल्यान्डले विश्वकप लिग टू सिरिज अन्तर्गतको खेलमा जित हात पारेको छ । लिग टू सिरिज अन्तर्गत स्कटल्यान्डमा […]

पाकिस्तानलाई हराउँदै सेमिफाइनलमा स्थान बनाउँने लक्ष्यमा नेपाल

काठमाडौं । श्रीलंकामा जारी रहेको नवौं संस्करणको एसीसी महिला एसिया कपको आफ्नो दोस्रो खेलमा नेपालले पाकिस्तानको सामना गर्दैछ । नेपाल […]