- विकेटनेपाल, मङ्सिर १०
तेश्रो तथा अन्तिम टेस्टमा श्रीलंकालाई ४२ रनले पराजित गर्दै इंग्ल्याण्डले टेस्ट सिरिज ३-० ले क्लिन स्विप गरेको छ।
टेस्टको चौथो दिन इंग्ल्याण्ड स्पिनर मोइन अलि र ज्याक लिचले समान ४/४ विकेट हात पारे पछि श्रीलंकाको टेस्ट बचाउने प्रयास असफल हुन पुग्यो। यस अघि पहिलो टेस्टमा २११ रनले तथा दोश्रोमा ५७ रनले श्रीलंका पराजित भएको थियो।
टेस्टको पहिलो इनिंगमा इंग्ल्याण्डले ३३६ रन बनाए पछि ब्याटिंग गरेको श्रीलंकाले २४० रनमै सम्पूर्ण विकेट गुमाएको थियो। पहिलो इनिंगमा ९६ रनको अग्रता लिएको इंग्ल्याण्डले दोश्रो इनिंगमा भने मात्र २३० रन मात्र बनाएपछि श्रीलंकाले ३२६ रनको लक्ष्य पाएको थियो।
चौथो दिनको खेलमा ३२७ रनको लक्ष्य पछ्याएको श्रीलंकाले ८६.४ ओभर खेली आफ्नो सबै विकेट गुमाएर २८४ रन मात्र बनाउन सक्यो। ५२/५ को खराब स्थितिमा रहेको श्रीलंकालाइ रोशेन शिल्भा र कुशल मेन्डिजले १०२ रनको साझेदारी गर्दै खेलमा फर्काएका थिए।
५७.४ ओभरमा कुशल मेन्डिज ८६ रन बनाएर रन आउट भएपछि भने अन्य ठुलो साझेदारी हुन नसक्दा अन्ततः श्रीलंका ४२ रनको हार बेहोर्न पुग्यो। श्रीलंकाका लागि रोशन शिल्भाले ६५ रन बनाए।
इंग्ल्याण्डका लागि मोइन अलि ( २६-३-९२-४ ) र ज्याक लिचले ( २८.४-४-७२-४ ) समान ४/४ विकेट लिंदा बेन स्टोक्सको नाममा १ विकेट रह्यो।
पहिलो इनिंगमा ११० रन बनाएका जोनी बेयरस्टो प्लेयर अफ द म्याच चुनिए। ६ इनिंग खेलेरे २७७ रन प्रहार गरेका बेन फोक्स प्लेयर अफ द सिरिज घोषित भए।
( फोटोहरु- इंग्ल्याण्ड क्रिकेट)
