- विकेटनेपाल, मङ्सिर-९ – आइतबार
श्रीलंकामा जारि श्रीलंका र इंग्ल्याण्ड बीचको तेश्रो टेस्टको तेश्रो दिनको खेल समाप्तीमा इंग्ल्याण्ड बलियो स्थितिमा पुगेको छ।
पहिलो इनिंगमा ३३६ रन बनाए पछि ब्याटिंग गरेको श्रीलंकाले २४० रनमै सम्पूर्ण विकेट गुमाएको थियो। पहिलो इनिंगमा ९६ रनको अग्रता लिएको इंग्ल्याण्डले दोश्रो इनिंगमा भने मात्र २३० रन मात्र बनाउन सक्यो र श्रीलंकालाई ३२६ रनको लक्ष्य दियो।
इंग्ल्याण्डको दोश्रो इनिंगमा जोश बट्लरले ६४ (७९ बल, ३ चौका), बेन स्टोक्सले ४४ तथा बेन फोकसले अविजित ३६ रन बनाए। घरेलु टिमका लागि दिल रुवान परेराले ५ विकेट हात पारे भने पुष्प कुमाराले ३ तथा सनडाकनले १ विकेट लिए।
३२६ रनको लक्ष्य बोकेर जवाफी ब्याटिंगमा उत्रेको श्रीलंकाले तेश्रो दिनको समाप्तिमा १७ ओभर खेलेर ४ विकेट गुमाउदै मात्र ५३ रन बनाएको छ र जितको लागि अझै २७४ रन बाँकी छ।
श्रीलंकाको लागि कुशल मेण्डिज र सनडाकनले क्रमश १५ र १ रन बनाउदै क्रिजमा छन्। श्रीलंकाले ४ विकेट गुमाउदा इंग्ल्याण्डका लागि मोइन अलिले २ तथा लिच लिच र स्टोक्सले समान १/१ विकेट हात पारे।
तिन टेस्टको शृंखला इंग्ल्याण्डले यस अघिनै २-० ले जितीसकेको छ। पहिलो टेस्टमा २११ रनले तथा दोश्रोमा ५७ रनले श्रीलंका पराजित भएको थियो।
( फोटोहरु- आईसीसी )
