काठमाडौँमा जारि एभरेस्ट प्रिमियर लिग टि-ट्वान्टी ( ईपीएल ) अन्तर्गत आज विहिबार दुई खेल हुँदैछन्।
विहान ९:३० बजे कुशल सोमपाल कामि कप्तानीको चितवन टाइगर्स र सन्दिप लामिछाने कप्तानीको काठमाडौँ किंग्स-११ तथा दिउसो १:३० बजे शरद भेसावकर कप्तानीको भैरहवा ग्ल्याडीएटर्स र कुशल भुर्तेल कप्तानीको ललितपुर पेट्रिएट्सले प्रतिस्पर्धा गर्नेछन्।
चितवनले आफ्नो पहिलो खेलमा बिराटनगर वारियर्सलाई २ विकेटले पराजित गर्दै विजयी सुरुवात गरेको थियो जसपछि दोश्रो खेल खेल्दैछ। काठमाडौँले पनि पहिलो खेलमा ललितपुर पेट्रिएट्सलाई ७ विकेटले पराजित गरेपछि दोश्रो खेल खेल्दैछ। भैरहवा ग्ल्याडीएटर्सले पहिलो खेल वर्षाले प्रभावित हुँदा पोखरासंग अंक बाँडेको थियो भने दोश्रो खेलमा बिराटनगरलाई ६ विकेटले पराजित गरेको थियो। ललितपुरले यस अघि खेलेको दुवै खेलमा हार बेहोरेको छ। पहिलो खेलमा काठमाडौँ किंग्स -११ संग तथा दोश्रो खेलमा पोखरा राइनोजसंग पराजित भएको ललितपुरलाई प्लेअफ पुग्न जित महत्वपूर्ण छ।
मौसम पूर्वानुमान महाशाखाका अनुसार आज दिउँसो वर्षाको सम्भावना छ त्यसैले दोश्रो खेललाई वर्षाले प्रभावित पार्ने सम्भावना रहेको छ। दिउसो ३ बजे पछि केहि बेर वर्षाको सम्भावना प्रवल छ। हिजो पनि वर्षा हुने अनुमान गरिएको थियो तर दिन भर वर्षा नहुँदा पहिलो खेल ७/७ ओभर तथा दोश्रो खेल पुरै सम्भव भएको थियो। त्यसैले आज पनि त्यस्तै मौसम होस् र खेल सुचारु होस् भन्ने चाहना समर्थकहरुको छ। यस अघि एक बल पनि नभई रोकिएका खेलहरुलाई ईपीएल आयोजकले नयाँ मितिमा सारेको छ।
नयाँ खेलतालिका
