इपिएल : भैरहवाद्वारा ४ विदेशी खेलाडीको घोषणा, प्रशिक्षकको रुपमा पुबुदु नेपालमा

एभरेष्ट प्रिमीयर लीग (इपीएल)का लागि साविक उपविजेता भैरहवा ग्लाडियटर्सले थप तीन विदेशी खेलाडीलाई अनुबन्ध गर्दै विदेशी कोटा पुरा गरेको छ ।

भैरहवाले आज पत्रकार सम्मेलन गर्दै तीन विदेशी खेलाडीको नाम सार्वजनिक गरेको हो जसमा दुई श्रीलंकाली र एक ओमानी खेलाडी छन् ।

भैरहवाले श्रीलंकाका अलराउण्डर जीवन मेन्डिज र बायाँ हाते व्याट्सम्यान मिनिन्डा सिरिवर्दनेलाई अनुबन्ध गरेको छ भने एशोसियट राष्ट्र ओमानका तीव्र गतिका बलर बिलाल खानलाई अनुबन्ध गरेको छ । भैरहवाले यसअघि वेष्टइण्डिजका अलराउण्डर ड्वेन स्मिथलाई अनुबन्ध गरि सकेको छ । चार खेलाडीको टुंगो लागेसंग भैरहवा सन्तुलित टिम बनेको टिमका एक मालिक आदित्य साङ्घाईले बताए ।

यस्तै पत्रकार सम्मेलनमा टिमका प्रशिक्षक तथा नेपाली राष्ट्रिय टिमका पुर्व प्रशिक्षक पुबुदु दासानायके समेत सहभागि थिए। सो क्रममा बोल्दै प्रशिक्षक दासानायकेले चार वर्षपछि नेपाल फर्किन पाएकोमा खुशी व्यक्त गरे टिम उपाधि हासिल गर्ने दाबेदार टोली बनेको बताए । भैरहवाको कप्तानमा नेपालका भरपर्दा अलराउण्डर शरद भेषवाकर रहेका छन्।

यी हुन् भैरहवाको लागि खेल्ने ४ विदेशी खेलाडीहरु :- 

जीवन मेन्डिस :- ३७ वर्षीय अलराउण्डर मेन्डिस लेग स्पिनर र देब्रे हाते ब्याट्सम्यान हुन्। श्रीलंकाको लागि २०१२ र २०१५ को टि-२० विश्वकपमा प्रतिनिधित्व गरेका मेन्डिसले कुल ५८ एकदिवसीय र २२ टि-२० अन्तर्राष्ट्रिय खेलेका छन्।  एकदिवसीयमा कुल २८ तथा टि-२० मा १२ विकेट लिएका उनले ब्याटिंगतर्फ एकदिवसीयमा ६ सय ३६ रन र टि-२० मा २ सय ७ रन बनाएका छन्।

अन्तिम पटक मेन्डिसले दक्षिण अफ्रीका बिरुद्ध २०१९ मा श्रीलंकाको प्रतिनिधित्व गर्दै एकदिवसीय खेलेका थिए। श्रीलंकन टिम बाहेक मेन्डिसले बिभिन्न देशको फ़्रेन्चाइज् लिग खेलीसकेका छन्। आईपिएलमा दिल्ली डेयर डेभिल्स तथा बिग ब्यासमा सिड्नी सिक्सर्सको प्रतिनिधित्व गरेका थिए।

बिलाल खान :- ३१ वर्षीय ओमानका बायाँ हाते तिब्र गति बलर बिलाल खानले ओमानको लागि १० एकदिवसीय र ३५ टि-२० अन्तर्राष्ट्रिय खेलीसकेका छन्। गत वर्ष सेप्टेम्बरमा सम्पन्न टि-२० विश्वकप छनौट प्रतियोगिताबाट ओमान टि-२० विश्वकपमा छनौट हुँदा खान ९ खेलमा १८ विकेट लिंदै प्रतियोगिताकै सर्वाधिक विकेटकर्ता रहेका थिए।

मिनिन्डा सिरिवर्दना :– ३४ वर्षीय अलराउण्डर सिरिवर्दना देब्रे हाते स्पिनर र ब्याट्सम्यान हुन्। श्रीलंकाको लागि ५टेस्ट, २७ एकदिवसीय र २२ टि-२० खेलेका उनले २०१५ मा डेब्यु गरेका थिए। अन्तिम पटक २०१७ मा बंगदेश बिरुद्ध टि-२० खेलेका उनले ब्याटिंगमा २२ को औशतले ५ सय १६ रन तथा बलिंगमा ९ विकेट लिएका छन्।

ड्वेन स्मिथ :- वेस्ट इन्डिज क्रिकेटर ३६ वर्षीय स्मिथ आक्रामक ब्याटिंगको लागि चिनिने गर्छन्। २००४ मा वेस्टइन्डिजको लागि टेस्ट डेब्यु गरेका स्मिथले अन्तिम पटक २०१५ मा वेस्टइन्डिजको लागि टि-२० अन्तर्राष्ट्रियमा प्रतिनिधित्व गरेका थिए। आईपीएलमा चेन्नई सुपर किंग्स, डेक्कन चार्जर्स र गुजरात लायन्सको लागि खेल्ने क्रममा स्मिथलाई २०१४ मा चेन्नईले ४ करोड २५ लाख भारुमा टिममा लिएको थियो।

वेस्टइन्डिजको लागि स्मिथले १० टेस्ट, १०५ र ३३ टि-२० अन्तर्राष्ट्रिय खेलेका छन्। टि-२० क्रिकेटमा उनले ८ अर्धशतक मदतले १ हजार ५ सय ६० रन बनाएका छन् भए बलिंगमा ७ विकेट लिएका छन्।





थप समाचार

पाँचपोखरी टी-ट्वान्टी : इन्द्रावतीको पहिलो जित, भोटेचौरको लगातार दोश्रो जित

काठमाडौं । पाँचपोखरी थाङ्गपाल गाउँपालिका खेलकुद विकास समितिको आयोजना तथा सिन्धुपाल्चोक जिल्ला क्रिकेट संघ र पांचपोखरी क्रिकेट क्लब को प्राबिधिक […]

डिसिएल : दिपेश चम्किंदा टाइगर्स विजयी, तुलसीपुरको जितमा अमर उत्कृष्ट

काठमाडौं । दाङको घोराहीमा जारि नेपाल टेलिकम दाङ क्रिकेट लिग(डिसिएल) अन्तर्गत मंगलबार सम्पन्न खेलमा तुलसीपुर रोयल्स र घोराही टाइगर्स विजयी […]

निकोलको अलराउन्ड प्रदर्शनमा नामिबियाद्वारा नेपाल पराजित

काठमाडौं । जेन निकोलको कीर्तिमानी शतक तथा उत्कृष्ट बलिङको सहयोगमा नामिबियाले नेपाललाई पराजित गरेको छ । टियु क्रिकेट मैदान कीर्तिपुरमा […]

निकोलको कीर्तिमानी शतकमा नेपाललाई २ सय ७ रनको लक्ष्य

काठमाडौं । जेन निकोलको कीर्तिमानी शतकको सहयोगमा नामिबियाले नेपाललाई जितका लागि २ सय ७ रनको लक्ष्य दिएको छ । टियु […]

नेपालले टस हार्यो, ललित बेन्चमा

काठमाडौं । नेपालले नामिबियाविरुद्धको खेलमा टस हारेको छ । टियु क्रिकेट मैदानमा नामिबिया कप्तान जेजे स्मिथले टस जितेर ब्याटिङ रोजेपछि […]

त्रिदेशिय टी-ट्वान्टी सिरिज आजबाट, नामिबिया र नेपाल भिड्दै

काठमाडौं । आज(मंगलबार) बाट नेपाल, नेदरल्यान्ड्स र नामिबिया सम्मिलित त्रिदेशीय टी-ट्वान्टी सिरिज सुरु हुदैछ । सिरिजको पहिलो खेलमा नामिबिया र […]