काठमाडौँमा जारि चौंथो संस्करणको एभरेष्ट प्रिमियर लिग अन्तर्गत लिग चरणको अन्तिम खेलमा मंगलबार सन्दिप लामिछाने कप्तानीको काठमाडौँ किंग्स-११ र शरद भेसावकर कप्तानीको भैरहवा ग्ल्याडीएटर्स प्रतिस्पर्धा गर्दैछन्। खेल नेपाली समय ९:३० बजे विहान सुरु हुनेछ।
लिग अंकतालिकामा ४ खेलमा १ जित र ३ हार बेहोर्दै २ अंक सहित पाँचौ स्थानमा रहेको काठमाडौँ किंग्स-११ लाई प्लेअफ प्रवेश गर्न आजको खेल जित्ने पर्नेछ। यस्तै अंकतालिकामा ४ खेलमा ६ अंक सहित तेश्रो स्थानमा रहेको भैरहवा आज विजयी भएको खण्डमा अंकतालिकाको शिर्ष स्थानमा रहँदै पहिलो क्वालीफायरमा चितवन टाइगर्ससंगको भेट पक्का गर्नेछ। ५ खेल खेलीसकेको चितवन ८ अंक सहित पहिलो क्वालीफायर प्रवेश गरिसकेको छ। बुधबार खेलिने पहिलो क्वालीफायर जित्ने टिम सोझै फाइनल प्रवेश गर्नेछ।
यस्तै आजको खेल ललितपुर पेट्रिएट्स र पोखरा राइनोजको लागि समेत महत्वपूर्ण रहनेछ। अंकतालिकामा ३ अंक सहित चौंथो स्थानमा रहेको ललितपुर प्लेअफ प्रवेश गर्न काठमाडौँ किंग्स-११ आज हार्नु पर्नेछ। काठमाडौँको मात्र २ अंक रहेको छ र आज जित दर्ता गरे काठमाडौँ प्लेअफ पुग्नेछ। यस्तै अंकतालिकाको दोश्रो स्थानमा रहेको पोखरा दोश्रो स्थानमा रहँदै पहिलो क्वालीफायरमा छनोट हुन भैरहवा हार्नुपर्नेछ। पोखराको ७ अंक छ भने भैरहवाको ६ अंक रहेको छ।
आजको खेल पछि प्लेअफको समीकरण सार्वजनिक हुनेछ। लिगको प्लेअफ खेलहरु बुधबार ( अक्टोबर ६ ) तारिख देखि सुरु हुनेछ। बुधबार विहान ९:३० बजे पहिलो क्वालीफायरमा अंकतालिकाको शिर्ष -२ टोलि तथा दिउँसो १:३० बजे अंकतालिकाको तेश्रो र चौंथो स्थानमा रहने टिम बीच इलिमीनेटरमा प्रतिस्पर्धा हुनेछ। पहिलो क्वालीफायर जित्ने टिम फाइनल प्रवेश गर्नेछ भने पराजित हुने टिमले इलिमीनेटरको विजेतासंग दोश्रो इलिमीनेटर बिहिबार खेल्नेछ।
