सन्दिप जोरा र सोनु तामांगको आक्रामक इनिंगले ललितपुरले बनायो १४३ रन

Sundeep Jora

टियु मैदानमा जारि एभरेस्ट प्रिमियर लिग अन्तर्गत दोश्रो दिनको पहिलो खेलमा ललितपुर प्याट्रीएट्सले टस जितेर ब्याटिंग गर्दै चितवन टाइगर्सलाई १४४ रनको लक्ष्य प्रस्तुत गरेको छ।

टस जितेर ब्याटिंग रोजेको ललितपुरले ओपनर कुशल भुर्तेललाई छैठौं ओभरमा जर्ज एन्ड्रुको बलमा गुमाउन पुग्यो जसले ३ रन बनाए। ५.३ ओभरमा २३ रन बनाउदा पहिलो विकेट गुमाएपछि धैर्यतापुर्वक ब्याटिंग गरिरहेका जयकिशन कोल्सावाला दशौँ ओभरमा पल स्टरलिङ्गको बलमा आउट भए। उनले २० रन बनाउन ३० बलमा १  प्रहार गरे।

तेश्रो नबरमा ब्याटिंग गर्न आएका गौरभ तोमार ३० रन ( २९ बल, २ चौका र २ छक्का )  बनाएर ललित भण्डारी आउट भए।

१३ औं ओभरमा ६१/३ को योगफलमा पुगेको ललितपुरको इनिंगलाई त्यसपछि सोनु तामांग र सन्नी पटेलले सम्हाले। चौथो विकेटको लागि सोनु र सन्नीले २५ बलमा ४८ रनको साझेदारी गरेपछि सन्नी १९ रन ( १ बल, १ छक्का ) बनाएर १७ औं ओभरमा आउट हुन पुगे।

अघिल्लो खेलमा चौथो नम्बरमा ब्याटिंग गर्दै सर्वाधिक ४९ रन बनाएका कप्तान ज्ञानेन्द्र मल्लले पनि सन्नीकै बाटो समात्ने क्रममा ३ रन मात्रै बनाउन सके।

ज्ञानेन्द्रको विकेटपछि सातौँ नम्बरमा ब्याटिंग गर्न आएका सन्दिप जोरा र सोनुले छैठौं विकेटको लागि २८ रनको साझेदारी गर्दै टिमलाई राम्रो योगफलसम्म पुर्याए।

आक्रामक इनिंग खेल्ने क्रममा सन्दिपले ८ बलमा १ चौका र ३ छक्का मदतले २५ रन बनाए। इनिंगको अन्तिम ओभरमा सन्दिपले कमल सिंह ऐरिलाई ३ छक्का प्रहार गरेका थिए। सोनु तामांगले अविजित ३५ रन बनाउने कममा २४ बलमा ३ छक्का र १ चौका प्रहार गरे।

फलस्वरुप ललितपुरले निर्धारित २० ओभरमा ५ विकेट गुमाएर १४३ रनको योगफल तयार गर्यो।

Sonu Tamang
Sonu Tamang

चितवन टाइगर्सको बलिङ्गतर्फ जर्ज स्कटले सर्वाधिक २ विकेट ( ३-१-२४-२ ) लिए भने पल स्टरलिङ्ग, ललित भंदैर र कमल सिंह ऐरिले समान १ विकेट लिए। महँगो सावित भएका कमलले ४ ओभरमा ३० रन खर्चिए जुन क्रममा अन्तिम ओभरमा मात्रै २० रन खर्चिन पुगे।

ललितपुरले शनिवार सम्पन्न प्रतियोगिताको पहिलो खेलमा बिराटनगर वारियर्ससंग ३ विकेटको हार बेहोरेको थियो।

प्लेयिंग ११ ( ललितपुर प्याट्रीएट्स ) – जयकिशन कोल्सावाला, कुशल भुर्तेल, गौरभ,  तामांग, पवन सर्राफ, सन्नी पटेल, सन्दिप जोरा, ज्ञानेन्द्र मल्ल ( कप्तान ) , रशिद खान, सन्दिप लामिछाने, ललित राजबंशी

प्लेयिंग ११ ( चितवन टाईगर्स ) – जर्ज स्कट, जोन सिम्प्सन, पल स्टरलिङ्ग, दिपेन्द्र ऐरि, दिलिप नाथ, पृथु बास्कोटा ( कप्तान ) , कमल सिंह ऐरि, ललित सिंह भण्डारी, सागर ढकाल, शाहब आलम, भिम शार्की





थप समाचार

यसरी पुग्नेछ नेपाल एसिया कपको सेमिफाइनलमा…

काठमाडौं । श्रीलंकामा जारी नवौं संस्करणको एसिया कपमा नेपालले युएईलाई पराजित गर्दै ऐतिहासिक जित निकालेको थियो । आफ्नो पहिलो खेलमा […]

नामिबियामाथी स्कटल्याण्डको सहज जित

काठमाडौं । नामिबियामाथि स्कटल्यान्डले विश्वकप लिग टू सिरिज अन्तर्गतको खेलमा जित हात पारेको छ । लिग टू सिरिज अन्तर्गत स्कटल्यान्डमा […]

पाकिस्तानलाई हराउँदै सेमिफाइनलमा स्थान बनाउँने लक्ष्यमा नेपाल

काठमाडौं । श्रीलंकामा जारी रहेको नवौं संस्करणको एसीसी महिला एसिया कपको आफ्नो दोस्रो खेलमा नेपालले पाकिस्तानको सामना गर्दैछ । नेपाल […]

पाकिस्तानसँग पहिलो पटक टी-२० आई खेल्दै नेपाल

काठमाडौं । श्रीलंकामा जारी नवौं संस्करणको एसिया कपमा नेपालले आईतबार आफ्नो दोस्रो खेल खेल्दैछ । आफ्नो दोस्रो खेलमा नेपालले पाकिस्तानको […]

नेपाली क्रिकेटमा अर्को ऐतिहासिक खड्का

काठमाडौं । नेपाली पुरुष क्रिकेट टोलीले १९९६ मा मलेसियामा एसीसी ट्रफी खेल्दै अन्तर्राष्ट्रिय क्रिकेट यात्राको सुरुआत गरेको थियो । २००७ […]

दीपेन्द्र तथा सन्दीपआबद्ध टिमका रिजवान र बाबरले ग्लोबल टी–२० नखेल्ने

काठमाडौं । पाकिस्तान क्रिकेट बोर्ड (पिसिबी) ले क्यानडामा हुने ग्लोबल टी–२० का लागि शाहीन शाह अफ्रिदी, बाबर आजम र मोहम्मद […]