एभरेस्ट प्रिमियर लिग टि-ट्वान्टीमा ( ईपीएल ) सहभागी ६ वटा फ़्रेन्चाइजले नेपाली खेलाडीहरुलाई अक्सनमा आवद्ध गरेको रकम भन्दा २० प्रतिशत बढी रकम दिने भएको छ।
ईपीएल सेप्टेम्बर २५ देखि अक्टोबर ९ तारिख ( असोज ९ देखि २३ ) सम्म आयोजना हुँदैछ जसमा ललितपुर पेट्रिएट्स सहित, भैरहवा ग्ल्याडीएटर्स, चितवन टाइगर्स, काठमाडौँ किंग्स-११, पोखरा राइनोज, बिराटनगर वारियर्स गरि ६ वटा टिम सहभागी रहेका छन्। कोभिड-१९ का कारण खेलाडीहरुले खेल्ने अवसर नपाएको कारण आर्थिक सुरक्षा प्रदान गर्न फ़्रेन्चाइज् मालिकहरुले २० प्रतिशत बढी रकम खेलाडीहरुलाई उपलब्ध गराउने सहमति गरेका हुन्।
It’s a great initiative amidst COVID-19 pandemic !! Kudos to the Franchises !!
𝑨𝒍𝒍 𝑵𝒆𝒑𝒂𝒍𝒊 𝑷𝒍𝒂𝒚𝒆𝒓𝒔 𝑺𝒂𝒍𝒂𝒓𝒊𝒆𝒔 𝒕𝒐 𝒃𝒆 𝒊𝒏𝒄𝒓𝒆𝒂𝒔𝒆𝒅 𝒃𝒚 20% 𝒇𝒐𝒓 2021 𝑬𝒅𝒊𝒕𝒊𝒐𝒏#EPLT20 #DareToDream #PulsarNepal pic.twitter.com/7rCYuADO3j— EPL – Everest Premier League (@eplt20official) August 15, 2021
ईपीएलको अक्सन २०१७ अक्टोबरमा भएको थियो जसमा खेलाडीहरुलाई तिन सिजनको लागि अनुबन्धित गरिएको थियो। उक्त अक्सनमा खेलाडीहरुले अधिकतम १ लाख ७५ हजार देखि निम्नतम ५० हजार रुपैयाँ पाएका थिए। उक्त अक्सनमा आरिफ शेख, करन केसी, सन्दिप लामिछाने र बिनोद भण्डारीले सर्वाधिक १ लाख ७५ हजार रुपैयाँ पाएका थिए। यस्तै प्रदिप ऐरी र बसन्त रेग्मीले १ लाख ६० हजार मूल्य पाएका थिए।
२० प्रतिशत रकम बढे अनुसार १ लाख ७५ हजार पाएका खेलाडीहरुले ३५ हजार रुपैयाँ बढी अर्थात् २ लाख १० हजार रुपैयाँ पाउनेछन्। यस्तै ५० हजार रुपैयाँमा अनुबन्धित भएका खेलाडीहरुले १० हजार बढी अर्थात् ६० हजार रुपैयाँ पाउनेछन्। सन्दिप लामिछाने भने नयाँ सम्झौतामा काठमाण्डौ किंग्स-११ मा अनुबन्धित भएका छन् जसको अनुबन्ध रकम खुलेको छैन।
