EPL : छिटो अर्धशतकको रेकर्ड बनाउन चुके शरद, भैरहवाद्वारा काठमाडौँलाई चुनौतिपूर्ण लक्ष्य

एभरेष्ट प्रिमियर लिग अन्तर्गत पहिलो इलिमीनेटरमा शरद भेसावकर कप्तानीको भैरहवा ग्ल्याडीएटर्स र सन्दिप लामिछाने कप्तानीको काठमाडौँ किंग्स-११ प्रतिस्पर्धा गरिरहेका छन्। यो खेल जित्ने टिमले भोलि दोश्रो इलिमीनेटरमा फाइनल प्रवेशको लागि पोखरा राइनोजसंग प्रतिस्पर्धा गर्नेछ।

टियु अन्तर्राष्ट्रिय मैदानमा टस जितेर ब्याटिंग गरेको भैरहवाले निर्धारित २० ओभरमा ८ विकेट क्षेतीमा १८८ रन बनाउदै काठमाडौँलाई १८९ रनको लक्ष्य प्रस्तुत गरेको छ।

भैरहवाको ब्याटिंगमा कप्तान शरद भेसावकरले सर्वाधिक ४९ रन बनाए जुन क्रममा मात्र २० बल सामना गर्दै ७ चौका र ३ छक्का प्रहार गरे। शरद ईपीएल इतिहासकै छिटो अर्धशतक बनाउन भने चुक्न पुगे। यसै प्रतियोगितामा ललितपुर पेट्रिएट्सका अज्मतुल्लाह ओमरजाईले बिराटनगर वारियर्स बिरुद्ध २१ बलमा अर्धशतक बनाउदै लिग इतिहासकै छिटो अर्धशतकको रेकर्ड बनाएका थिए।

यस्तै प्रदिप ऐरीले २७ बलमा ६ चौका र छक्का मद्दतले ३९, उपुल थारांगाले ३३ बलमा ५ चौका मद्दतले ३५, कुशल मल्लले २० बलमा ४ छक्का मद्दतले ३२ तथा आरीफ शेखले ८ बलमा १ चौका र १ छक्का मद्दतले १५ रन बनाए।

९५ रनमा ४ विकेट गुमेको अवस्थामा छैठौं नम्बरमा ब्याटिंगमा आएका शरदले कुशल मल्लसंग पाँचौ विकेटको लागि २९ बलमा ६१ रनको महत्वपूर्ण साझेदारी गरे। त्यस अघि प्रदिप ऐरी र उपुल थारांगाले दोश्रो विकेटको लागि ४७ रनको साझेदारी गरेका थिए।

काठमाडौँ किंग्स-११ को बलिंगमा सन्दिप लामिछाने ( ४-०-३६-२ ) , अशान प्रियन्जन ( ३-०-१७-२ ) ले समान २ विकेट लिए भने पहिलो पटक मौका पाएका शेर मल्ल , जितेन्द्र मुखिया र जनक प्रकाशले समान १ विकेट लिए।





थप समाचार

नेपाल ए विरुद्धको सिरिज क्यानडालाई

काठमाडौं । क्यानडा-११ ले नेपाल ए विरुद्धको तीन खेलको एकदिवसीय सिरिज २-१ ले जितेको छ । मुलपानी क्रिकेट मैदानमा भएको […]

सिरिज जित्न नेपालद्वारा क्यानडालाई १८२ रनको लक्ष्य

काठमाडौं । क्यानडा-११ विरुद्ध सिरिज जित्नका लागि नेपालले १ सय ८२ रनको लक्ष्य प्रस्तुत गरेको छ । मुलपानी क्रिकेट मैदानमा […]

नेपालले टस हार्यो, जोरा कप्तानमा निरन्तर

काठमाडौं । क्यानडा-११ विरुद्धको तीन खेलको एकदिवसीय सिरिजको अन्तिम खेलमा नेपालले टस हारेको छ । अन्तिम तथा निर्णायक खेलमा नेपालले […]

डिसिएल–२ को मुख्य प्रायोजकमा नेपाल टेलिकम

दाङ । दाङमा हुन लागेको लुम्बिनी प्रदेशकै सबैभन्दा ठूलो प्रतियोगिता दाङ क्रिकेट लिग (डिसिएल)-२ को मुख्य प्रायोजकमा नेपाल टेलिकम आबद्ध […]

नेपालमाथि नामिबियाको लगातार दोस्रो जित

काठमाडौं । नामिबियाले नेपालमाथि लगातार दोस्रो खेलमा जित निकालेको छ । टियु मैदान कीर्तिपुरमा भएको विश्वकप लिग टु अन्तर्गतको त्रिकोणात्मक […]

आशिफको अर्धशतकमा नामिबियालाई १६९ रनको लक्ष्य

काठमाडौं । ओपनर आशिफ शेखको अर्धशतकको सहयोगमा नेपालले नामिबियालाई १ सय ६९ रनको लक्ष्य दिएको छ । टियु मैदान कीर्तिपुरमा […]