- विकेटनेपाल, २३ भदौ
बहुप्रतिक्षित एभरेस्ट प्रिमियर लिग टि-२० प्रतियोगिता को आज महत्वपूर्ण घोषणाहरु हुँदैछ।
राजधानीको याक एण्ड यति होटलमा दिउँसो ३ बजे आयोजना हुने कार्यक्रम माझ ६ वटा टिम, टिम मालिक तथा ६ वटा टिमका मार्क्यु प्लेयरको घोषणा हुनेछ। हालसम्म मार्क्यु प्लेयर को र कस्तो हुनेबारे आयोजकले केहि खुलासा गरेको छैन।
प्रतियोगितामा सहभागी हुने ६ वटा टिम काठमाडौँ, ललितपुर, भैरहवा, बिराटनगर, बिरगंज र पोखरा सम्बन्धित हुने यस अघिनै आयोजकले बताईसकेको भएतापनि नाम भने खुलासा गरेको थिएन। सम्बन्धित टिमका मालिकहरुको समेत घोषणा भएको छैन।
विकेटनेपाललाई जानकारी प्राप्त भए अनुसार योपालि एभरेस्ट प्रिमियर लिगमा सहभागी ६ मध्ये एक टिम बाहेक सबैको मालिक उही हुनेछन्। यसपालि कान्तिपुर टिमले सहभागिता नजनाउने अपुस्ट जानकारी प्राप्त भएको छ।
एभेरस्ट प्रिमियर लिगमा खेलाडीहरुको चयन अक्सनद्वारा गरिनेछ। प्रत्येक टिममा १ जना मार्क्यु खेलाडी हुनेछ भने प्रत्येक टिमले ३ जना विदेश खेलाडीहरु अनिबार्य सहभागी गराउनु पर्नेछ ।
मार्क्यु खेलाडी को हुने भन्ने कौतुहलता सबैमा रहेको छ जुन रहस्य दिउसोनै खुलासा हुनेछ ।
डिसेम्बरमा आयोजना हुने प्रतियोगिताको मिति सार्वजनिक भएको छैन ।
ईपीएल बिजेता टिमले नेपाली घरेलु क्रिकेटकै सर्बाधिक पुरस्कार राशी २१ लाख रुपियाँ प्राप्त गर्नेछ l राउण्ड रोबिन लिग फर्म्याटमा आयोजना गरिने प्रतियोगिताको सबै खेलहरु टियु क्रिकेट मैदानमा आयोजना हुनेछ ।
प्रतियोगिताको प्रत्यक्ष प्रशारण गर्न एपीवानसंग ३ बर्षे सम्झौता भइसकेको छ । एपीवान टेलिभिजनले प्रतिबर्ष १ करोड रुपियाँमा एभरेस्ट प्रिमियर लिगसंग प्रशारण अधिकार खरिद गरेको हो l नेपाली क्रिकेट इतिहासमै यो सबैभन्दा ठुलो प्रशारण सम्झौता हो l
सम्बन्धित –
- एभरेस्ट प्रिमियर लिग दोश्रो सिजनको घोषणा, बिदेशी खेलाडी समेत खेल्ने
- ४ कुरा जसले बनाउनेछ एभरेस्ट प्रिमियर लिगलाई बिशेष
- एपीवान र ईपीएलबीच रेकर्ड प्रशारण सम्झौता
