- विकेटनेपाल मङ्सिर-२०, बिहिवार
मङ्सिर २२ गते शनिवारबाट राजधानीमा सुरु हुने तेस्रो संस्करणको एभरेष्ट प्रिमियर लिग (इपिएल) टि-२० को ट्रफी सार्वजनिक गरिएको छ। बिहिवार एक कार्यक्रमका बिच उपाधि बिजेताले प्राप्त गर्ने ट्रफी सहभागी ६ टिमका कप्तानहरुसंगै सार्वजनिक गरिएको हो।
ट्रफी सार्वजनिक कार्यक्रममा सहभागी ६ टोलीका कप्तानहरु उपस्थित रहेका थिए। पारस खड्का ( विराटनगर वारियर्स ), शरद भेसवाकर ( भैरहवा ग्लाडीएटर्स ), ज्ञानेन्द्र मल्ल ( ललितपुर प्याट्रीयट्स ), सोमपाल कामी ( काठमाडौं किंग्स ११ ), पृथु बास्कोटा ( चितवन टाईगर्स ) र कायल कोट्जर ( पोखरा राइनोज ) ले संयुक्त रुपमा ट्रफी सार्वजनिक गरे।
इपिएल बिजेताको ट्रफी यस सिजन अघिल्लो पटकभन्दा फरक बनावटको बनाइएको छ।
९ तस्बिरमा हेर्नुहोस् एभरेष्ट प्रिमियर लिगको ट्रफी सार्वजनिक कार्यक्रम :-
एभरेष्ट प्रिमियर लिग (इपिएल) मङ्सिर २२ गते देखि सुरु भइ फाइनल खेल पौष ७ गते ( डिसेम्बर ८ – डिसेम्बर २२ ) खेलिनेछ। कुल १५ दिन संचालन हुने प्रतियोगितामा २ दिन ( मङ्सिर २७ गते र पौष ६ गते ) बाहेक सम्पूर्ण दिन खेलहरु संचलान हुनेछन्।
अन्तर्राष्ट्रिय स्टार खेलाडीहरु समेत सहभागी हुनेभएपछि इपिएलको चर्चा पछिल्लो समय थप चुलिएको छ। लिगमा एउटा टिमले प्लेयिंग-११ मा ३ जना बिदेशी खेलाडी राख्नैपर्ने र ३ जना खेलाडीलाई अन्तिम ११ मा पनि समाबेस गर्नुपर्ने नियम रहेको छ। त्यसै अनुरुप सम्पूर्ण टिमले बिदेशी खेलाडीहरुको नाम घोषणा गरिसकेका छन्।
एभरेस्ट प्रिमियर लिग खेल्ने बिदेशी खेलाडीहरु –
केभिन ओ ब्रायन र रोहन मुस्तफा, प्रदिप शाहु (काठमाडौं किंग्स एघार) , रायन टेन डोस्काटे, मोहम्मद नाबिद र रबि इन्दर सिंह (भैरहवा ग्लाडीएटर्स) , सन्नी पटेल, जय किशन कोल्सावाला र गौरभ तोमर ( ललितपुर प्याट्रीएट्स ) , पल स्टरलिङ्ग, जर्ज स्कट र जन सिम्प्सन ( चितवन टाइगर्स ) , रिचर्ड लेभी, कायल कोट्जर, पल कोग्लिन, सन्नी भिमसारिया ( पोखरा राइनोज ) , बाबर हयात, रोल्फ भान डर मर्वे र पल भान मिकिरिन ( बिराटनगर वारियर्स )
प्रतियोगितामा काठमाडौं किंग्स ११, भैरहवा ग्लाडीएटर्स, बिराटनगर वारियर्स, पोखरा राइनोज, ललितपुर प्याट्रीयट्स र चितवन टाइगर्स गरि ६ टोलीको सहभागिता रहनेछ। इपिएलको अघिल्लो संस्करणको उपाधि पारस खड्काको टिम बिराटनगर वारियर्सले शरद भेसावकर कप्तानीको भैरहवा ग्लाडीएटर्सलाई पराजित गरे जितेको थियो।
