पहिलो संस्करणको यूरो टि-२० स्ल्याम रद्द

३० अगस्ट देखि आयोजना हुने घोषणा गरिएको ‘युरो टि-२० स्ल्याम’ प्रतियोगिता यो वर्ष आयोजना नहुने घोषणा आयोजकले बुधबार ( अगस्ट १४ ) गरेको छ।

आयरल्याण्ड, स्कटल्याण्ड र नेदरल्याण्डको क्रिकेट बोर्डले संयुक्तरुपमा आयोजना गर्न लागेको प्रतियोगिता सारेर आगामी वर्ष गर्ने आयोजकले बिज्ञप्ति जारि गर्दै बताएको छ।

योसंगै यो वर्ष आयोजना रद्द हुने र सर्ने टि-२० फ़्रेन्चाइज् लिगको संख्या ३ पुगेको छ। यस अघि युएईले आयोजना गर्न लागेको युएई टि-२० एक्स तथा हंगकंग टि-२० ब्लिट्ज समेत रद्द गरिएको थियो।

लिगमा राशिद खान, ओएन मोर्गन, शेन वाटसन, शहिद अफ्रिदी, ब्रेण्डन म्याकलम जस्ता ठुला खेलाडीहरु खेल्ने पक्का भएको थियो। यस्तै डेल स्टेन, कोलिन इन्ग्राम, सिकन्दर राजा, टाईमल मिल्स, कोरे एण्डरसन जस्ता खेलाडीहरु पनि लण्डनमा गत महिना सपन्न ड्राफ्टबाट छनौट भएका थिए।

बेलफास्ट टाईटन टिममा अफ्रिदी, डुप्लेसिस, डुमिनि, इन्ग्राम जस्ता ठुला नामहरु थिए 

“यो अवस्थामा यो निर्णय गर्न निकै कठिन रहेको थियो। हामि विश्वास गर्छौं आगामी वर्ष आयोजना भव्य गर्नेछौँ”  क्रिकेट स्कटल्याण्डका सीइओ मालकल्म क्यानोनले क्रिक्बजलाई बताएका छन्।

गत साता क्यानडामा सम्पन्न ग्लोबल टि-२० लिगमा खेलाडीले पैसा नपाएकोमा ठुलो विवाद भएको थियो। खेलाडीहरुले पैसा नपाउदा मैदानमा जान नमानेपछि लज्जास्पद परिस्थिति सिर्जित भएको थियो। युरो टि-२० लिगको लगानीकर्ता पनि ग्लोबल टि-२० लिगकै मर्करी एण्ड बम्बे स्पोर्ट्स लिमिटेड हो।

क्रिक्बजका अनुसार क्यानडा ग्लोबल टि-२० लिगमा खेलाडीहरुले समयमा पैसा नपाउदा असन्तुष्टि बढेको थियो। मोन्टरियल र टोरोन्टो बीचको खेल यही कारणले ३ घण्टा ढिला सुरु भएको थियो। त्यो घटना पछि यूरोप बोर्डहरुले आपसमा छलफल गरेको क्रिकवजले लेखेको छ।

प्रतियोगिता सर्नुको कारण भने हालसम्म बताईएको छैन। ग्लोबल टि-२० लिग क्यानडाले पहिलो सिजन आयोजना गर्दा १० मिलियन डलर नोक्सान बेहोरेको थियो।

युरो लिगमा ६ टिम रहेका थिए जसमा बेलफास्ट, एम्स्टरड्याम, रोट्टरड्याम, ग्लासगो, एडिनबर्ग रहेका थिए। ३ हफ्तासम्म चल्ने प्रतियोगिताको उद्घाटन खेल ३१ अगस्टमा एम्स्टरड्याममा आयोजना हुने तालिका थियो।

“हामि यो निर्णयबाट निकै दुखि भएका छौँ। यूरो टि२० स्ल्याम प्रतियोगिता आयोजना हुने खबरले आयरल्याण्ड दर्शकहरु विश्वस्तरीय क्रिकेट हेर्न निकै उत्साहित थिए। आशा गर्छु यही उत्साह २०२० मा पनि जारि रहनेछ।” आयरल्याण्ड क्रिकेटका सीइओ वारेन डेउट्रोमले बताए।

( क्रिकबजको सहयोगमा )





थप समाचार

पञ्जाबमाथि गुजरातको जित

काठमाडौं । १७ औं संस्करणको इन्डियन प्रिमियर लिग(आइपीएल)को ३७ औं खेलमा गुजरात टाईटन्सले पञ्जाब किंग्समाथि जित निकालेको छ । पञ्जाबको […]

गुजरात सामू चलेन पञ्जाबको ब्याटिङ, १४२ रनमा अल आउट

काठमाडौं । १७ औं संस्करणको इन्डियन प्रिमियर लिग(आइपीएल)को ३७ औं खेलमा गुजरात टाईटन्स सामु पञ्जाब किंग्स १ सय ४२ रनमा […]

ओमानलाई पराजित गरि युएई एसिया कपमा

काठमाडौं । कप्तान मोहम्मद वासिमको शतकको सहयोगमा ओमानलाई पराजित गर्दै युएईले २०२५ को एसीया कपमा स्थान बनाएको छ । घरेलु […]

बेंगलुरुको लगातार छैटौं हार, कोलकाता दोस्रो स्थानमा उक्लियो

काठमाडौं । १७ औं संस्करणको इन्डियन प्रिमियर लिग (आइपीएल)को ३६ औं खेलमा कोलकाता नाइटराइडर्सले रोयल च्यालेन्जर्स बेंगलुरुलाई पराजित गरेको छ […]

पलको अर्धशतकमा सुदुरको रोमान्चक जित

काठमाडौं । काठमाडौंमा जारी वीर गणेशमान सिंह राष्ट्रिय टी-२० च्याम्पियनशिप अन्तर्गत आइतवार भएको पहिलो खेलमा सुदुरपश्चिम प्रदेशले रोमाञ्चक जित हात […]

एसीसी प्रिमियर कप : उपाधीका लागि ओमान र युएई खेल्दै

काठमाडौं । ओमनमा जारी दोस्रो संस्करणको एसीसी प्रिमियर कपको उपाधिका लागि घरेलु टोली र युएई आज भिड्दै छन् । खेल […]