पीएनजीद्वारा नेपाललाई सामान्य लक्ष्य

आईसीसी विश्वकप लिग-२ अन्तर्गत युएईमा जारि त्रिकोणात्मक एकदिवसीय सिरिज अन्तर्गत दोश्रो खेलमा नेपाल र पपुवा न्यु गिनी प्रतिस्पर्धा गरिरहेका छन्।

शारजाह मैदानमा जारी खेलमा टस जितेर ब्याटिंग रोजेको पपुवा न्यु गिनीले निर्धारित ५० ओभरमा ८ विकेट क्षेतीमा २०४ रन बनाउदै नेपाललाई २०५ रनको लक्ष्य प्रस्तुत गरेको छ।

पपुवा न्यु गिनीको लागि चार्ल्स अमिनीले सर्वाधिक ५९ रन बनाए जुन क्रममा उनले ८२ बलमा ७ चौका र १ छक्का प्रहार गरे। चाड सोपरले ३५, टोनी उराले २७, लेगा सियाकाले २५,  नोर्अमन भानुवाले २३ तथा असद भालाले १९ रन बनाए। हेर्नुस स्कोरकार्ड 

पपुवा न्यु गिनीका ओपनर टोनी उरा र लेगा सियाकाले अर्धशतकीय साझेदारी गरे। दशौँ ओभरमा आरिफ शेखले उरालाई विकेटपछाडी क्याच आउट पारे। तेह्रौं ओभरमा कप्तान सन्दिपले सियाकालाई बोल्ड गरे। तेश्रो विकेटको लागि कप्तान असद भाला र चार्ल्स अमिनीले ३५ रन जोडे। चौबिसौं ओभरमा भालालाई ज्ञानेन्द्र मल्लले पहिलो अन्तर्राष्ट्रिय विकेट लिंदै क्याच आउट पारे। लगत्तै ओभरमा खाता नखोली हिरी मल्लबाट रन आउट भए।

९१/४ को अवस्थामा पुगेको पपुवा न्यु गिनीको इनिंग्स अमिनी र चाड सोपरले अर्धशतकीय साझेदारी गर्दै उकासे। दुवैले ७४ रनको साझेदारी गरे जसलाई पैतालीसौं ओभरमा सोमपाल कामिले अमिनीलाई क्याच आउट पार्दै तोडे। त्यसपछि केहि आक्रामक सट खेलेका भानुवा अड्चालीसौं ओभरमा रन आउट भए। ४९ औं ओभरमा सोमपालले चाड सोपर सहित दुई विकेट लिए। अन्तिम ५ ओभरमा उसले

नेपालको बलिंगमा सोमपाल कामिले सर्वाधिक ३ विकेट लिए जुन क्रममा १० ओभरमा ४८ रन खर्चिए। आरिफ शेख ( ६-०-१६-१ )  सन्दीप लामिछाने ( १०-०-३०-१ ) र ज्ञानेन्द्र मल्ल ( २-०-६-१ ) ले समान १ विकेट लिए।

सिरिज अन्तर्गत पहिलो खेलमा पपुवा न्यु गिनी युएईसंग पराजित भैसकेको छ।





थप समाचार

यस्ता छन् नेपालसँग खेल्ने वेस्ट इन्डिज ए को टोलीमा रहेका खेलाडीहरु

काठमाडौं । नेपालको सिनियर क्रिकेट टोलीसँग पाँच खेलको टी-२० सिरिज खेल्न नेपाल आउन लागेको वेस्ट इन्डिज ए टोलीको घोषणा भएको […]

नेपाल आउने वेस्ट इन्डिज ए टोलीको घोषणा

काठमाडौं । नेपालको सिनियर टोलीसँग पाँच खेलको टी-२० सिरिज खेल्न नेपाल आउन लागेको वेस्ट इन्डिज ए टोलीको घोषणा भएको छ […]

जैसवालको शतकमा राजस्थानको जित, मुम्बईलाई हराउँदै राजस्थान प्लेअफ नजिक

काठमाडौं । १७ औं संस्करणको इन्डियन प्रिमियर लिग(आइपीएल)को ३८ औं खेलमा ओपनर यसश्वी जैसवालको शतकको सहयोगमा मुम्बई इन्डियन्सलाई पराजित गरि […]

राजस्थानले मुम्बईबाट पायो १८० रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ३८ औं खेलमा मुम्बई इन्डियन्सले राजस्थान रोयल्सलाई १ सय ८० रनको लक्ष्य […]

मलेसियन लिगमा सहभागी हुने नेपाली क्रिकेटरको विदाई

काठमाडौं । मलेसियामा आयोजना हुने मलेसियन सुपर कप २०२४ मा सहभागीता जनाउने ६ नेपाली क्रिकेटरको विदाई भएको छ । नेपाल […]

अभानी प्रिमियर लिग : वारियर्स र सगरमाथा विजयी

काठमाडौं । अभानी प्रिमियर लिगमा वारियर्स क्रिकेट क्लब र सगरमाथा क्रिकेट क्लब विजयी भएका छन् । सिड्नीमा जारी लिगमा वारियर्सले […]