डी भिल्लियर्स पछि डु प्लेसिस पनि नखेल्ने

, २०७४ माघ २०, शनिबार ०८:००

विकेटनेपाल, माघ २० – शनिबार

भारतको दक्षिण अफ्रिका भ्रमण अन्तर्गत जारि एकदिवसीय खेलको सिरिजमा दक्षिण अफ्रिका अर्को झट्का लागेको छ ।

बिहिबार सम्पन्न पहिलो एक दिवसीयमा घाइते भएका कप्तान फाफ डु प्लेसिसले सिरिज अन्तर्गतका बाकीं ५ एकदिवसीय र ३ टी-२० क्रिकेटको सिरिज गुमाउने भएका हुन्। यो भन्दा अगाडी पहिलो तिनवटा एकदिवसीय खेलका लागि एबी डी भिल्लियर्स घाइते भईसकेका छन् ।

पहिलो एकदिवसीय खेलमा घरेलु टोलिबाट शतक प्रहार गर्दै आफ्नो टिमको नेतृत्व गरेका कप्तान डु प्लेसिस घाइते भएसँगै टिमलाई ठुलो क्षति पुग्ने निश्चित छ। डर्बनमा भएको पहिलो एकदिवसीय क्रिकेट भारतले ६ विकेटले जित्दै सिरिजमा १-० को अग्रता लिएको छ।

घाइते डु प्लेसिसको ठाउँमा अलराउन्डर फरहान बेहरादीनलाई बोलाईएको छ भने हेईनरिच क्लासेनलाई पनि रिजर्ब किपरको रुपमा पहिलोपल्ट रास्ट्रीय टोलीमा स्थान दिईएको छ।

यस्तै बाँकी खेलको कप्तान को रहनेछ भन्ने कुराको जानकारी शनिबार गराईने दक्षिण अफ्रिका क्रिकेटले जनाएको छ।

पहिलो एकदिवसीय क्रिकेटमा डु प्लेसिसले आफ्नो करियरको नवौं शतक प्रहार गरेका थिए । १२० रन बनाउन ११२ बलमा ११ चौका र २ छक्का प्रहार गरेका उनको महसुस घरेलु टोलीले गर्नेमा कुनै शंका छैन।

३३ बर्षीय डु प्लेसिसले भारतबिरुद्द खेलेका १३ एकदिवसीय क्रिकेटमा ५९.८१ को औसतमा २ शतक सहित ६५८ रन बनाएका छन् जुन उनको करियरको औसत (४४.६८) भन्दा करिब करिब १५ ले बढी हो ।

यस्तै भारतबिरुद्द घरेलु जमिनमा खेलेको ४ खेलमा १ शतक सहित १८९ रन बनाएका छन्।