इंग्ल्यान्ड बिरुद्ध टेस्ट सिरिजको लागि २० सदस्यीय टिममा स्थान बनाए पछि पाकिस्तानी ब्याट्सम्यान फवाद आलमले ११ वर्ष पछि पाकिस्तानको टेस्ट टिममा कम्ब्याक गर्ने सम्भावना बढेको छ।
इंग्ल्यान्ड भ्रमणको सेलेक्सन कमिटिका प्रमुख मिस्बाह उल हक द्वारा घोषित टिममा इफ्तिकार एहमद, खुश्दिल शाह, फखार जमान, हैदर अलि जस्ता खेलाडीलाई बाहिर राखिएको छ जसले गर्दा आलमको सम्भावना बढेको हो। पछिल्लो पटक देब्रे हाते ब्याट्सम्यान आलमले न्युजिल्यान्ड बिरुद्ध २००९ मा टेस्ट खेलेका थिए।
२० सदस्यीय टिममा दुइ विशेषज्ञ स्पिनर काशिफ भट्टी र यासिर शाह तथा अल-राउण्डर फहीम अशरफ र शदाब खान पनि टिमको हिस्सा रहेका छन्।
Pakistan shortlist 20-player squad for England Tests:
Azhar A (c), Babar A, Abid A, Asad S, Faheem A, Fawad A, Imam-ul-Haq, Imran Khan Sr, Kashif B, M Abbas, M Rizwan (wk), Naseem S, Sarfaraz A (wk), Shadab K, Shaheen A, Shan M, Sohail K, Usman S, Wahab R and Yasir S#ENGvPAK— PCB Media (@TheRealPCBMedia) July 27, 2020
यस अघि इंग्ल्यान्ड भ्रमणको लागि २९ सदस्यीय टिमको घोषा गरिएको थियो। कोरोना संक्रमित भएका कारण पटक पटक गरि खेलाडीहरु इंग्ल्यान्ड पुगेका थिए। छनौटकर्ताहरुले आफु-आफु बीच ४ वटा खेल खेलीसकेपछि २० सदस्यीय टिम छानेको हो।
टिममा विकेटकिपर ब्याट्सम्यान तथा पुर्व कप्तान सरफराज एहमदलाई पनि बोलाइएको छ जसले सिरिजमा कम्ब्याक गर्ने सम्भावना प्रवल रहेको छ।
इंग्ल्यान्ड र पाकिस्तान बीच तिन वटा टेस्टको सिरिज अगस्ट ५ देखि म्यानचेस्टरमा सुरु हुनेछ। टेस्ट सिरिज पछि दुइ देशले तिन वटा टि-२० अन्तर्राष्ट्रियको सिरिज खेल्ने तालिका रहेको छ। त्यस अघि इंग्ल्यान्डले आयरल्याण्डसंग तिन वटा एकदिवसीयको सिरिज खेल्नेछ। पढ्नुस – ENGvIRE : इंग्ल्यान्डद्वारा १४ सदस्यीय टिमको घोषणा
यस्तो छ २० सदस्यीय पाकिस्तानी टिम :-
अजहर अलि ( कप्तान ) , बाबर आजम ( उप कप्तान ) , अबिद अलि, असद शफिक, फाहिम अशरफ, फवाद आलम , इमाम उल हक, इमरान खान , काशिफ भट्टी, मोहम्मद अब्बास, मोहम्मद रिजवान नसिम शाह, सरफराज एहमद, शदाब खान, शाहिन अफ्रिदी, शान मसुद, सोहेल खान, उस्मान शिनवारि, वहाव रियाज, यासिर शाह
इंग्ल्यान्ड-पाकिस्तान : टेस्ट र टि-२० सिरिजको खेल तालिका
पहिलो टेस्ट : अगस्ट ५ ( ओल्ड ट्राफोर्ड, म्यानचेस्टर )
दोश्रो टेस्ट : अगस्ट १३ ( द रोज बल, साउथाम्पटन )
तेश्रो टेस्ट : अगस्ट २१ ( द रोज बल, साउथाम्पटन )
पहिलो टि-२० : अगस्ट २८ ( ओल्ड ट्राफोर्ड, म्यानचेस्टर )
दोश्रो टि-२० : अगस्ट ३० ( ओल्ड ट्राफोर्ड, म्यानचेस्टर )
तेश्रो टि-२० : सेप्टेम्बर १ ( ओल्ड ट्राफोर्ड, म्यानचेस्टर )
धेरैले पढेको :-
– ऐतिहासिक किर्तिमानबाट ब्रड मात्र १ विकेट टाढा
– सिपिएल टि-२० को खेल तालिका सार्वजनिक, सन्दिपको टिमको खेल कहिले छ
