(फिचर फोटो: २०७४ को सामुहिक बिजेता आर्मी र पुलिस क्लब)
- विकेटनेपाल, जेठ ६ – आइतबार
यहि जेठ १३ गतेदेखि २९ गतेसम्म आयोजना हुन लागेको अन्तर प्रदेश स्तरीय प्रधानमन्त्री कप क्रिकेट प्रतियोगिताको खेलतालिका सार्वजनिक गरिएको छ । रास्ट्रिय खेलकुद परिषद् (राखेप) को आयोजनामा हुन लागेको प्रतियोगिता एकदिवसीय फर्म्याटमा हुनेछ ।
प्रत्येक प्रदेशबाट एक/एकवटा प्रदेश टिम र तिनवटा विभागीय टिमहरुको सहभागीता रहेको प्रतियोगिता अन्तर्गत सहभागी टिमहरुलाई २ समूहमा विभाजन गरिएको छ जहाँ प्रत्येक समूहबाट समूह चरणमा उत्कृस्ट हुने २ टिमहरु अर्को चरणमा प्रवेश गर्नेछन् । समूह ‘ए’ मा प्रदेश १, प्रदेश २, प्रदेश ४, त्रिभुवन आर्मी क्लब र सशस्त्र प्रहरी बल (एपीएफ) रहेका छन् भने समुह ‘बि’ मा प्रदेश ३, प्रदेश ५, प्रदेश ६, प्रदेश ७ र नेपाल पुलिस क्लब रहेका छन् ।
जेठ १३ गते सशस्त्र प्रहरी बलको एपीएफ क्लब र प्रदेश ४ बिचको किर्तिपुर मैदानमा हुने खेलबाट प्रतियोगिताको सुरुवात हुने छ भने सोहि दिन मुलपानी मैदानमा प्रदेश ६ र प्रदेश ७ भिड्ने छन् । प्रत्येक खेलहरु बिहान ९ बजेदेखि सुरु हुने आयोजकले जनाएका छन् ।
यस्तै आयोजकका अनुसार किर्तिपुर मैदानमा खेलिने सम्पूर्ण खेलहरुको प्रत्यक्ष प्रशारण एपीवान टेलिभिजनले गर्नेछ ।
यस्तो छ खेलतालिका
| मिति | किर्तिपुर मैदानमा हुने खेल | मुलपानी मैदानमा हुने खेल |
|---|---|---|
| २०७५/०२/१३ गते | एपिएफ बिरुद्द प्रदेश ४ | प्रदेश ६ बिरुद्द प्रदेश ७ |
| १४ गते | नेपाल पुलिस क्लब बिरुद्द प्रदेश ७ | प्रदेश २ बिरुद्द प्रदेश ४ |
| १५ गते | प्रदेश ३ बिरुद्द प्रदेश ६ | प्रदेश १ बिरुद्द प्रदेश २ |
| १६ गते | प्रदेश ४ बिरुद्द प्रदेश १ | प्रदेश ७ बिरुद्द प्रदेश ५ |
| १७ गते | त्रिभुवन आर्मी क्लब बिरुद्द प्रदेश २ | आराम |
| १८ गते | त्रिभुवन आर्मी क्लब बिरुद्द प्रदेश १ | प्रदेश ६ बिरुद्द नेपाल पुलिस क्लब |
| १९ गते | प्रदेश ३ बिरुद्द प्रदेश ७ | प्रदेश १ बिरुद्द एपीएफ |
| २० गते | प्रदेश ५ बिरुद्द प्रदेश ६ | प्रदेश ४ बिरुद्द त्रिभुवन आर्मी क्लब |
| २१ गते | प्रदेश २ बिरुद्द एपीएफ | प्रदेश ५ बिरुद्द प्रदेश ३ |
| २२ गते | एपीएफ बिरुद्द त्रिभुवन आर्मी क्लब | प्रदेश ३ बिरुद्द नेपाल पुलिस क्लब |
| २३ गते | नेपाल पुलिस क्लब बिरुद्द प्रदेश ५ | सकियो |
| २४ गते | आराम | – |
| २५ गते | पहिलो सेमिफाइनल | – |
| २६ गते | दोश्रो सेमिफाइनल | – |
| २७ गते | फाइनल | – |
किर्तिपुर र मुलपानी मैदानमा हुने प्रतियोगिताको विजेताले पुरस्कार स्वरूप २० लाख रुपैयाँ र ट्रफी प्राप्त गर्ने छ भने उपविजेताले १० लाखमा चित्त बुझाउनुपर्ने छ । यस्तै म्यान अफ द सिरिजले १ लाख र उत्कृस्ट ब्याट्सम्यान तथा बलरले जनही ५० हजार प्राप्त गर्नेछन् ।
२०७४ सालमा भएको प्रधानमन्त्री कप एकदिवसीय क्रिकेट प्रतियोगितामा फाइनल खेल बर्षाले प्रभावित भएपछी त्रिभुवन आर्मी क्लब र नेपाल पुलिस क्लबले संयुक्त रुपमा ट्रफी उचालेका थिए ।
