- विकेटनेपाल, फाल्गुन १४ – मंगलबार
श्रीलंकाका पुर्व कप्तान सनथ जयासूर्या अन्तर्राष्ट्रिय क्रिकेट परिषद् (आइसीसी) को कारबाहीमा परेका छन्। उनलाई क्रिकेटसंग सम्बन्धित सबैखाले गतिबिधिबाट २ बर्षको लागि प्रतिबन्ध गरिएको हो।
श्रीलंकाको राष्ट्रिय टिमका पुर्व छनौटकर्ता समेत रहेका उनलाई आइसीसीले एन्टी करप्सन कोड (भ्रस्टाचार गरेबापत गरिने कारबाही) उल्लघंन गरेबापत कारबाही गरेको हो। उनलाई आइसीसीको भ्रस्टाचार बिरुद्दको नियम आर्टिकल २.४.६ अन्तर्गतको आइसीसीलाई उसको अनुसन्धानमा सहयोग नगरेको तथा आर्टिकल २.४.७ अन्तर्गतको अनुसन्धानमा समस्या थपेको वा प्रमाणहरु मेटाएको/मेटाउने कोसिस गरेको कारण कारबाही गरेको आइसीसीको प्रेस वक्तव्यमा उल्लेख छ।
BREAKING: Sanath Jayasuriya has been banned from all cricket for two years after admitting breaching two counts of the ICC Anti-Corruption Code.https://t.co/6VdTP6I2jL
— ICC (@ICC) February 26, 2019
यसप्रतिबन्ध पछी जयसूर्याले सन् २०२१ सम्म क्रिकेटका कुनैपनि गतिबिधिमा सहभागी हुन पाउने छैनन्।
श्रीलंकामा यसअघि विभिन्न समयमा आयोजना गरिएका खेलहरुमा भ्रस्टाचार तथा म्याच फिक्सिंग गरिएको भन्दै एक टेलिभिजन च्यानल अलजजिराले भिडियो रिपोर्ट सार्बजनिक गरेको थियो। जयसूर्यामाथि लगाइएको प्रतिबन्ध त्यहि भिडियो रिपोर्टको आधारमा आइसीसीको एन्टी करप्सन युनिटले गरेको अनुसन्धानको एक भाग हो।
सन् १९८९ देखि सन् २०११ सम्म श्रीलंकाको राष्ट्रिय टिमको प्रतिनिधित्व गरेका जयसूर्याले ११० टेस्ट, ४४५ एकदिवसीय र ३१ टि-२० अन्तर्राष्ट्रिय खेल खेलेका छन्। उनले क्रिकेटबाट सन्यास लिएपछि राजनीतिमा समेत होमिएका थिए भने श्रीलंकाको टिमका मुख्य छनौटकर्ता समेत बनेका थिए।
