काठमाडौं । फ्र्यांकलिन मनसुन इन्डोर सुपर एट क्रिकेट प्रतियोगिता मंगलबार (भोली) बाट सुरु हुने भएको छ ।
फ्र्यांकलिन एजुकेशनल कन्सलटेन्सिको मुख्य प्रायोजनमा हुने प्रतियोगिताको फाइनल खेल शुक्रबार रहेको छ ।
१२ टोली सहभागी प्रतियोगिताका सबै खेलहरु ग्रेट हिमालयन क्रिकेट एकेडेमीको इन्डोर क्रिकेट हलमा संचालन हुनेछ ।
सहभागी १२ टोलीलाई चार समूहमा विभाजन गरिएको छ । हरेक समूहक शीर्ष दुई टोली क्वाटरफाइनलमा प्रवेश गर्ने छन् ।
प्रत्येक क्वाटरफाइनल खेलको विजेता सेमिफाइनलमा तथा सेमिफाइनलका विजेता टोलीबीच उपाधी भिडन्त हुनेछ ।
