- विकेटनेपाल – असोज १९
काठमाडौँको वाईवाई ग्रेट हिमालय क्रिकेट एकेडेमी क्रिकेट टिम मैत्रीपूर्ण सिरिजमा सहभागी हुन शनिबार बंगलादेश प्रस्थान गर्ने भएको छ। शुक्रबार सहभागी हुने टिमलाई एकेडेमीले बिदाई तथा सुभकामना कार्यक्रम आयोजना गर्यो।
यस अघि पनि ३ पटक बंगलादेश भ्रमण गरिसकेको एकेडेमीले यो पटकको भ्रमणमा असोज २० देखि २६ गतेसम्म ४ वटा टि-२० खेल खेल्ने कार्यक्रम रहेको छ।
ढाका २ वटा र कक्सेस बजारमा २ वटा खेल संचालन हुनेछ जसमा ढाकाको बंगलादेश क्लब क्रिकेट एकेडेमी, स्मार्ट कोचिङ्ग एकेडेमी र कक्सेस बजार क्रिकेट एकेडेमीसंग हिमालयले खेल्नेछ।
यस अघि युनाईटेड अरब इमिरेट्स ( युएई ) , भारत र बंगलादेशको भ्रमण गरिसकेको एकेडेमिको यो भ्रमणले १७ बर्ष मुनि क्रिकेटर उत्पादन गर्न सहयोग पुग्ने ग्रेट हिमालयका संचालक सुदिप शर्माले बताउनु भयो- “यु-१७ उमेर समुहका खेलाडिहरुलाई अन्तराष्ट्रिय स्तरको खेलमा समावेश गराई भोलिका दिनमा माथिल्लो स्तरको क्रिकेट खेल्नको लागि यस्ता भ्रमणले तयार गर्ने हामिले विश्वास लिएका छौ।”
सिरिज खेल्न एकेडेमीका १३ खेलाडी र ३ अफिसियलको टिम बंगलादेश शनिबार प्रस्थान गर्नेछ।
खेलाडीहरुलाई ट्रेन्डवे स्पोर्ट्स एण्ड इभेन्ट्स म्यानेजमेन्ट प्राइभेट लिमिटेड र पोखरा पल्टन टिमका अध्यक्ष विनायक पोखरेल तथा सीजी फुड नेपालका एजीएम लालबाबु प्रसादले बिदाई गर्नु भएको थियो।
सहभागी हुने खेलाडी तथा असिसियलहरु :- बिशांक सुबेदी ( कप्तान ) , मनिष सिंह , आदित सुबेदी, आर्जन सिम्खडा, आकाश पौडेल, स्रेहान शर्मा, अक्षित नेपाल, नितेश बिस्ट, राज बर्मा, प्रिसियस थापा, आदित्य सुबेदी, परिक्षित ढकाल, एकनाथ नेपाल, कैलाश बिस्ट ( टिम लिडर ) , पुरुषोत्तम झा ( प्रशिक्षक ) , बिके प्रसाद ( ब्यबस्थापक )
