ग्लोबल टि-२० क्यानडामा दिपेन्द्रको शानदार अलराउण्ड प्रदर्शन

नेपाली अलराउण्डर दिपेन्द्र सिंह ऐरीले क्यानडामा जारि ग्लोबल टि-२० क्यानडा लिगमा शानदार अलराउण्ड प्रदर्शन गरेका छन्।

बुधबार बिहान सम्पन्न खेलमा ऐरीले मोन्टरियल टाइगर्सलाई जिताउन बलिंग, ब्याटिंग र फिल्डिंगमा समेत आफुलाई उत्कृस्ट सावित गरे।

बलिंगतर्फ १ विकेट लिएका दायाँ हाते अफ स्पिनरले ३ ओभरमा १६ रन खर्चिए भने एउटा उत्कृस्ट रन आउट समेत गरे। ब्याटिंगतर्फ २२ बलमा २ चौका मद्दतले अविजित २२ रन बनाएका उनले पाँचौ विकेटको लागि शर्फेन रुथरफोर्डसंग ८५ रनको अविजित साझेदारी गरे।

बलिंगतर्फ दिपेन्द्रले ७३ रन बनाएका फखर जमानको महत्वपूर्ण विकेट लिंदै रसि भान डर डुसेनसंगको ५५ रनको साझेदारी तोडे। ५३ बलमा ७ चौका र ३ छक्का प्रहार गरेका जमानलाई ऐरीले कार्लोस ब्राथवेटबाट क्याच आउट गराए।

आठौँ ओभरमा बलिंग सुरुवात गरेका ऐरीले पहिलो ओभरमा ४ रन खर्चिए भने दशौँ ओभरमा आफ्नो दोश्रो ओभर गर्ने क्रममा हर्श थाकरलाई आफ्नै बलमा सिधा थ्रो गर्दै रन आउट पारे। उक्त रन आउटको लागि ऐरीको कमेन्टटरले निकै तारिफ समेत गरे। दोश्रो ओभरमा उनले ७ रन खर्चिए। सोह्रौं ओभरमा तेश्रो ओभर बलिंग गर्ने क्रममा ओभरको पाँचौ बलमा उनले जमानलाई आउट पारे। ओभरको पहिलो बलमा उनलाई डुसेनले चौका प्रहार गरेका थिए। ओभरमा उनले ५ रन खर्चेर १ विकेट लिए।

टोरोन्टो नेसनल्सले दिएको १५० रनको लक्ष्य पछ्याउने क्रममा ६७ रनमा ४ विकेट गुमाउदै मोन्टरियलको इनिंग्स धरासायी बन्दै थियो। सो अवस्थामा ऐरीले एक किनार सम्हाल्दै रुथरफोर्डलाई अन्तिमसम्म साथ दिए। सुरुवाती १४ बलमा मात्र ८ रन बनाएका ऐरीले त्यसपछि दुई चौका प्रहार गर्दै स्ट्राइक रेट बढाए। अर्को किनारमा प्लेयर अफ द म्याच घोषित रुथरफोर्डले ५३ बलमा ७ चौका र ६ छक्का मद्दतले अविजित ८४ रन बनाए।

लिगको पहिलो खेलमा सरे ज्यागुअर्स विरुद्ध २८ रन बनाएका ऐरीले दोश्रो खेलमा बेन्चमा बिताउनु परेको थियो। तेश्रो खेलमा मौका पाउदा ऐरीले आफ्नो क्षमता प्रमाणित गरेका छन्।

लगातार तेश्रो जितसंगै मोन्टरियल टाइगर्स लिग अंकतालिकाको शिर्ष स्थानमा उक्लेको छ।

टाइगर्सले आगामी खेल आज राति १:१५ बजे ब्राम्पटन वुल्भ्ससंग खेल्ने तालिका छ।





थप समाचार

पञ्जाबमाथि गुजरातको जित

काठमाडौं । १७ औं संस्करणको इन्डियन प्रिमियर लिग(आइपीएल)को ३७ औं खेलमा गुजरात टाईटन्सले पञ्जाब किंग्समाथि जित निकालेको छ । पञ्जाबको […]

गुजरात सामू चलेन पञ्जाबको ब्याटिङ, १४२ रनमा अल आउट

काठमाडौं । १७ औं संस्करणको इन्डियन प्रिमियर लिग(आइपीएल)को ३७ औं खेलमा गुजरात टाईटन्स सामु पञ्जाब किंग्स १ सय ४२ रनमा […]

ओमानलाई पराजित गरि युएई एसिया कपमा

काठमाडौं । कप्तान मोहम्मद वासिमको शतकको सहयोगमा ओमानलाई पराजित गर्दै युएईले २०२५ को एसीया कपमा स्थान बनाएको छ । घरेलु […]

बेंगलुरुको लगातार छैटौं हार, कोलकाता दोस्रो स्थानमा उक्लियो

काठमाडौं । १७ औं संस्करणको इन्डियन प्रिमियर लिग (आइपीएल)को ३६ औं खेलमा कोलकाता नाइटराइडर्सले रोयल च्यालेन्जर्स बेंगलुरुलाई पराजित गरेको छ […]

पलको अर्धशतकमा सुदुरको रोमान्चक जित

काठमाडौं । काठमाडौंमा जारी वीर गणेशमान सिंह राष्ट्रिय टी-२० च्याम्पियनशिप अन्तर्गत आइतवार भएको पहिलो खेलमा सुदुरपश्चिम प्रदेशले रोमाञ्चक जित हात […]

एसीसी प्रिमियर कप : उपाधीका लागि ओमान र युएई खेल्दै

काठमाडौं । ओमनमा जारी दोस्रो संस्करणको एसीसी प्रिमियर कपको उपाधिका लागि घरेलु टोली र युएई आज भिड्दै छन् । खेल […]