ग्लोबल टि-२० लिग क्यानडा अन्तर्गत विन्नीपेग हक्स र भानकुभर नाइट्स बीचको फाइनल खेलमा भानकुभर नाइट्सले टस जितेर बलिंग रोजेको छ। खेलमा नेपाली अल-राउण्डर सोमपाल कामिले पुनः अन्तिम-११ मा स्थान बनाउन सकेनन्।
Winnipeg Hawks (Playing XI): Shaiman Anwar, Chris Lynn, Jean-Paul Duminy, Dwayne Smith, Sunny Sohal, Rayad Emrit(c), Hamza Tariq(w), Paul van Meekeren, Mohammad Irfan, Kaleem Sana, Umair Ghani
Vancouver Knights (Playing XI): Tobias Visee(w), Chadwick Walton, Rassie van der Dussen, Shoaib Malik(c), Andre Russell, Hayden Walsh, Saad Bin Zafar, Daniel Sams, Michael Rippon, Rayyan Pathan, Ali Khan
नेपाली समय ११:४५ बजे राति सुरु हुने खेलको स्टार स्पोर्ट्स-२ ले प्रत्यक्ष प्रशारण गरिरहेको छ।
विन्नीपेगले दोश्रो क्वालीफायरमा हिजो ब्राम्पटन वुल्भ्सलाई ७ विकेटले पराजित गर्दै फाइनलमा स्थान बनाएको थियो। यस्तै भानकुभरले पहिलो क्वालीफायरमा ब्राम्पटनलाई ७७ रनले पराजित गर्दै सोझै फाइनलमा स्थान बनाएको थियो।
विन्नीपेगमा रहेका नेपाली अल-राउण्डर सोमपाल कामिले लिग चरणमा एडमोन्टन रोयल्स बिरुद्ध एउटा खेलमा मात्र मौका पाएका थिए। उक्त खेलमा ब्याटिंगमा अविजित १ रन बनाएका सोमपालले बलिंगमा २ ओभरमा ३३ रन खर्चेर विकेटविहिन भएका थिए। जसपछि कुनै पनि खेलमा सोमपालले मौका पाउन सकेनन्। सोमपाललाई विन्नीपेगले ३ हजार डलरमा ड्राफ्टमार्फत टिममा लिएको थियो।
