ग्लोबल टि-२० क्यानडा : सन्दिपको शानदार लय कायमै, प्यान्थर्स विरुद्ध लिए ३ विकेट

क्यानडामा जारि ग्लोबल टि-२० क्यानडा लिगमा नेपाली लेग स्पिनर सन्दिप लामिछानेको उत्कृष्ट लय कायमै राखेका छन्।

शनिवार विहान मिसीसागा प्यान्थर्स विरुद्ध सरे ज्यागुअर्सले ५५ रनको जित दर्ता गर्दा नेपाली स्पिनरको योगदान विशेष रह्यो।

सन्दिपले ३ ओभर बलिंग गर्दा १८ रन खर्चेर ३ महत्वपूर्ण विकेट लिए। त्यसक्रममा उनले क्यामरन डेलपोर्ट, जेम्स निशम र जस्करन सिंहको विकेट लिए।

इनिंग्सको दशौँ ओभरमा पहिलो ओभर बलिंग गरेका सन्दिपले पहिलो ओभरमा ९ रन खर्चिए। उनको पहिलो बलमै क्यामरन डेलपोर्टले छक्का प्रहार गरे।

त्यसपछि तेह्रौं ओभरमा आफ्नो दोश्रो बलिंग गरेका सन्दीपले एकै ओभरमा दुई ठूलो विकेट लिंदै खेलको दिशा परिवर्तन गरे। आक्रामक ब्याटिंग गर्दै २१ बलमा ४ छक्का मद्दतले ३३ रन बनाएका क्यामरन डेलपोर्टलाई उनले ओभरको चौंथो बलमा क्याच आउट पारे। त्यसपछि ओभरको अन्तिम बलमा उनले न्युजिल्यान्ड ब्याट्सम्यान जेम्स निशमलाई विकेटकिपर लिट्टन दासबाट स्टम्पिंग आउट गरे। निशमले खाता समेत खोल्न भ्याएनन्। ओभरमा सन्दिपले मात्र ३ रन खर्चेर २ विकेट लिए। ८८/३ को अवस्थाबाट मिसीसागा ९१/५ को अवस्थामा पुग्यो जसबाट खेलमा फर्कन सकेन।

सोह्रौं ओभरमा आफ्नो तेश्रो ओभर बलिंग गरेका सन्दिपले दोश्रो बलमा जस्करन सिंहलाई क्याच आउट पार्दै जारि सिजन आफ्नो उत्कृस्ट स्पेल दर्ता गरे। तेश्रो बलमा उनलाई जहुर खानले चौका प्रहार गरे। ओभरमा उनले ६ रन खर्चेर १ विकेट लिए।

सन्दिपको उत्कृस्ट स्पेलको मद्दतले सरेले दिएको १६५ रनको लक्ष्य पछ्याएको मिसीसागाले १७ ओभरमा १०९ रनमै सबै विकेट गुमायो। सरेका स्पेनसर जोन्सनले पनि ३ विकेट लिए भने म्याथु फोर्डले २ तथा आयान खान र अम्मर खालिदले १/१ विकेट लिए।

यस अघि टस हारेर ब्याटिंग गरेको सरेले ओपनर जतिन्दर सिंहको ५७, अलेक्स हेल्सको ३९ तथा लिट्टन दासको २५ रन मद्दतले २० ओभरमा ६ विकेट क्षेतीमा १६४ रन बनाएको थियो। मिसीसागाका जहुर खानले ३ विकेट लिए।

लिगमा दोश्रो जित पछि ४ खेलमा ५ अंक रहेको सरे अंकतालिकाको तेश्रो स्थानमा छ। उसले आगामी खेल आज राति १:१५ बजे भानकुभर नाइट्स विरुद्ध खेल्ने तालिकाछ।

पुनः जिते मोमेन्ट अफ द म्याच अवार्ड 

सन्दिपले ग्लोबल टि-२० क्यानडामा चौंथो खेल खेल्दा तेश्रो पटक ‘मोमेन्ट अफ द म्याच अवार्ड’ जितेका छन्। खेलमा एकै ओभरमा दुई विकेट लिंदै खेलको दिशा परिवर्तन गरेका कारण उनलाई उक्त अवार्ड दिईएको हो। त्यसवापत उनले पुनः ५ सय डलर पुरस्कार जितेका छन्।

जारि सिजन उत्कृस्ट लयमा रहेका सन्दिपले ४ खेलमा ७ विकेट लिईसकेका छन्। उनले पहिलो खेलमा मोन्टरियल टाइगर्स विरुद्ध २ विकेट लिएका थिए। वर्षाले प्रभावित ब्राम्प्टन वुल्भ्ससंगको खेलमा २ बल मात्र बलिंग गरेर विकेटविहिन रहेका उनले तेश्रो खेलमा टोरोन्टो नेसनल्स विरुद्ध २ विकेट लिएका थिए।





थप समाचार

नेक्ससले २०० जना क्रिकेटरलाई निशुल्क क्याम्प गर्ने

काठमाडौं । काठमाडौं को पेप्सीकोमा रहेको नेक्सस क्रिकेट एकेडेमीले यस बर्ष see दिने २०० जना क्रिकेट खेलाडीहरू लाई २० दिने […]

पाँचपोखरी टि२० क्रिकेट : पाँचपोखरी र ह्याल्मो-११ फाइनलमा

काठमाडौं । पाँचपोखरी क्रिकेट क्लब र ह्योल्मो-११ ले पाँचपोखरी जिल्लास्तरीय टि२० क्रिकेट प्रतियोगिताको फाइनलमा स्थान बनाएका छन् । मुलपानी क्रिकेट […]

क्यानडाको लगातार दोस्रो जित, स्कटल्यान्डलाई हरायो

काठमाडौं । विश्वकप लिग टू को नव प्रवेशी क्यानडाले गत संस्करणको च्याम्पियन स्कटल्यान्डलाई पराजित गरेको छ । युएईमा जारी रहेको […]

डीसिएल : रोयल्स र लायन्सले उपाधीका लागि खेल्ने

दाङ । दोस्रो संस्करणको नेपाल टेलिकम दाङ प्रिमियर लिगको उपाधीका लागि तुलसीपुर रोयल्स र दंगाली लायन्सले खेल्ने भएका छन् । […]

नामिबियालाई हराउँदै नेपाल फाइनल नजिक

काठमाडौं । अलराउन्डर कुशल मल्लको विष्फोटक अर्धशतकको सहयोगमा नामिबियालाई पराजित गरि काठमाडौंमा जारी त्रिदेशीय टी-ट्वान्टी आई सिरिजमा नेपाल फाइनल नजिक […]

कुशलको अर्धशतकमा नामिबियालाई १८१ रनको लक्ष्य

काठमाडौं । अलराउन्डर कुशल मल्लको विष्फोटक अर्धशतकको सहयोगमा नेपालले नामिबियालाई १ सय ८१ रनको लक्ष्य दिएको छ । टियु क्रिकेट […]