कारवाहीको निर्णय पुनर्विचार गर्न क्यान समक्ष खेलाडीहरुको माग

नेपाल क्रिकेट संघ ( क्यान ) को अनुशासनको कारवाहीमा परेका ज्ञानेन्द्र मल्ल सहित चार राष्ट्रिय क्रिकेटरहरु दिपेन्द्र ऐरी, सोमपाल कामि र कमल सिंह ऐरीले क्यानद्वारा गरिएको कारवाही पुनर्विचार गरियोस् भन्ने माग राखेका छन्।कारवाहीमा परेका मल्ल सहित खेलाडीहरुले शुक्रबार पत्रकार सम्मेलन गर्दै अधिकारिक धारणा सार्वजनिक गरेका हुन्। क्यानले मल्ललाई कप्तान र ऐरीलाई उपकप्तानबाट हटाउदै चार जना क्रिकेटरलाई २०२२ को पहिलो ६ महिना अनुबन्धबाट हटाउने निर्णय गरेको थियो।

“हामि अहिले पनि चाहन्छौं, नेपाली क्रिकेटमा देखिएका सबै समस्या हल गरौँ, खेलका लागि राम्रो वातावरण बनोस्। यसका लागि नेपाल क्रिकेट संघ ले अभिभावकीय भूमिका खेल्दै यो निर्णयलाई पुनर्विचार गरोस्।” खेलाडीहरुले जारि गरेको बिज्ञप्तिमा उल्लेख छ।

निर्णय पुनर्विचार नगरिए क्रिकेट छाड्ने स्थिति आउन सक्ने समेत बिज्ञप्तिमा उल्लेख छ “हामि र हामि जस्ता क्रिकेट खेलमा भविश्य खोजिरहेका खेलाडीहरुले ब्याट र बल छाड्नुपर्ने दुर्भाग्यपूर्ण अवस्था नबनोस्।”

“कतिपय पदाधिकारीबाट सार्वजनिक रुपमा हामीलाई लान्छना लगाउने, कारबाही गर्नेसम्मको धम्कि दिने काम भयो। तर एक्कासी कप्तान र उपकप्तान हटाउने, २०२२ मा ६ महिनासम्म सेन्ट्रल कन्ट्रयाक्टमा नराख्ने जस्ता कारवाही गरेको समाचार आए। यसले हामीलाई दुखिय बनाएको छ। के नेपाली क्रिकेटमा आजसम्म गरेको समर्पणको सम्मान यही हो ?” बिज्ञप्तिमा क्रिकेटरहरुले क्यानलाई प्रश्न चिन्ह खडा गरेका छन्।

पत्रकार सम्मेलनमा मल्लले कारवाही जारी भए खेल्ने या नखेल्ने प्रस्ट जवाफ दिएनन्। मल्लले भने – “पहिलो कुरा त हामि वहाँहरुलाई आग्रह गरिरहेका छौँ, पुनर्विचारको लागि। हामि सबै एकै परिवार हो त्यसैले यसलाई बल्झाउनु भन्दा एकै ठाउँमा आएर निकास निकालोस् भन्ने हो। हाम्रो चाहना हामीलाई सम्बाद गर्न बोलाओस् भन्ने नै हो।” क्यानले डिसेम्बर २१ तारिख देखि पोखरामा बन्द प्रशिक्षण सुरु गर्दैछ।

मल्लले आफूले गल्ति नगरेको त्यसैले क्यानसंग माफी मागेर अघि नबढ्ने समेत बताए -“गलत गरेको भए माफी माग्ने हो। हामीले त कुनै नि खेलाडीको हक हितको लागि, आधारभूत कुराको लागि कुरा राखेका हौँ। त्यसको लागि हामीले अनुशाशन तोडेको हो भन्नुहुन्छ भने मलाई जहाँ सम्म लाग्छ त्यो राम्रो हो जस्तो लाग्दैन।”

उनले वर्गीकरण र कारवाही नसच्चिए मैदानमा नफर्कने संकेत गरे- “अहिलेलाई हाम्रो ध्यान वर्गीकरण र कारवाही सच्चियोस् र सम्बादमा आओस् भन्ने हो। त्यसपछि खेल्ने वातवरण बनाईदेओस् भन्ने हो। त्यो भयो भने हामि खेल्छौं।”

मल्लले टिममा गुटबन्दि गरेको भन्ने क्यानको आरोपको खण्डन गरे – “मलाई कप्तानको जिम्मेवारी दिएपछि मलाई लाग्दैन कि मैले टोलिको नेता भैसकेपछि गुट बनाइराख्नु पर्छ। मैले गुट बनाउने भन्दा समग्र खेलाडीलाई नेतृत्व गर्ने हो। गुट अरु कसैले गर्छ भने मलाई जानकारी छैन।”

खेलाडीहरुले जारी गरेको बिज्ञप्ति





थप समाचार

एसपीए कलेजद्वारा क्रिकेटर द्वय भट्ट र रावललाई आजीवन छात्रवृत्ति र नगदसहित सम्मान

क्रिकेटको सहरका रूपमा परिचित धनगढीमा अवस्थित एसपीए कलेजले सुदूरपश्चिमका गौरवशाली युवा क्रिकेटरहरू सचिन भट्ट र सुशील रावललाई आजीवन छात्रवृत्ति र […]

सप्तरी प्राइड लिग-७ : तिरहुट टाइगर्स र राजविराज राजदेवी रोयल्स विजयी

सप्तरीको राजविराजमा जारी सप्तरी प्राइड लिग अन्तर्गत तेश्रो दिन सम्पन्न दुईवटा खेलमा तिरहुट टाइगर्स र राजविराज राजदेवी रोयल्स विजयी भएका […]

सप्तरी प्राइड लिग-७, वारियर्स र टाइगर्स विजयी 

२७ अषाढ, राजबिराज । सप्तरीको राजविराजमा जारी सप्तरी प्राइड लिग अन्तर्गत दोश्रो दिन सम्पन्न दुई खेलमा राजगढ वारियर्स र तिरुहुट […]

सन्दीप लामिछाने बने डेनिम एण्ड डेभिलको ब्राण्ड एम्बासडर

काठमाडौं । नेपाली राष्ट्रिय क्रिकेट टोलीका पूर्व कप्तान तथा लेग स्पीनर सन्दीप लामिछाने डेनिम एण्ड डेभिलको ब्राण्ड एम्बासडर नियुक्त भएका […]

एनपीएल आयोजनाको तयारी अगाडि बढाउन प्रधानमन्त्री ओलीको आग्रह

प्रधानमन्त्री केपी शर्मा ओलीले नेशनल प्रिमियर लिग (एनपिएल) को आयोजनाको तयारी अगाडि बढाउन राष्ट्रिय खेलकुद परिषद् (राखेप)लाई आग्रह गरेका छन् […]

टी–२० विश्वकप छनोट : नेपालको खेल तालिका सार्वजनिक

आगामी अक्टोबरमा ओमानमा आयोजना हुने आइसिसी पुरुष टी–२० विश्वकप एसिया तथा इस्ट एसिया–प्यासिफिक क्षेत्रको संयुक्त छनोट प्रतियोगितामा नेपाल समूह २ […]