- विकेटनेपाल, २ भदौ
ग्रेट हिमालय क्रिकेट एकेडेमीको यु-१९ क्रिकेट टिम मैत्रीपूर्ण क्रिकेट सिरिज खेल्न युएई जाने भएको छ l
१८ देखि २३ अगस्ट सम्म टिमले इमिरेट्स क्रिकेट ट्रेनिंग दुबाईसंग ४ वटा टि-२० खेल खेल्ने कार्यक्रम रहेको छ l सबै खेलहरु अज्मल ओभल क्रिकेट मैदानमा संचलान हुनेछ l
युएई भ्रमण गर्ने ग्रेट हिमालय नेपालकै पहिलो क्रिकेट एकेडेमी हो l
भ्रमण टोलि १५ सदस्यीय रहनेछ जसमा १३ जना खेलाडी र २ जना अफिसियल रहनेछन् l एकेडेमीले आफ्नो खेलाडीहरुलाई आज बिदाई समारोह आयोजना गरेको थियो l टिम आज राति ११ बजे युएई प्रस्थान गर्नेछ l
रास्ट्रिय खेलकुद परिषद सदस्य सचिब केशब बिस्ट तथा रास्ट्रिय क्रिकेट टिम प्रशिक्षक जगत टमाटाले खेलाडीहरुलाई बिदाई गर्नु भएको थियो l सदस्य सचिब बिस्टले एकेडेमीको प्रयासको तारिफ गर्दै खेलाडीहरुलाई जितको लागि सुभकामना दिनु भएको थियो l
ग्रेट हिमालय क्रिकेट एकेडेमीको यो तेश्रो विदेश भ्रमण हो l यो भन्दा अघि टिमले सन् २०१५ मा भारत भ्रमण गरेको थियो भने २०१६ र २०१७ मा बंगलादेश भ्रमण गरिसकेको छ l
टिमको प्रशिक्षक तथा ग्रेट हिमालय क्रिकेट एकेडेमीका संचालन सुदिप शर्माले भ्रमणको उद्देश्य खेलाडीहरुलाई एक्सपोजर दिनु रहेको बताउनु भयो l छिट्टै इमिरेट्स क्रिकेट ट्रेनिंगले पनि नेपाल भ्रमण गर्ने समेत शर्माले जानकारी गराउनु भयो l
भ्रमणमा टिमको खर्च खेलाडीहरु, एकेडेमी र प्रायोजकले बेहोर्नेछन् l
भ्रमण टोलि
आशुतोष घिरैया ( कप्तान ) , सोहम अर्याल ,परिक्षित ढकाल ,सौगात दंगाल , रमेश बहादुर खड्का, पुनित कुमार यादब , हर्ष बिक्रम अधिकारी,दिपेश पौडेल , बिपीन उपाध्याय, अनुभब कार्की, अकुछ अधिकारी, आदित्य महता, अभिसेश थापा मगर
प्रशिक्षक :सुदिप शर्मा
म्यानेजर : तेजेन्द्र राज भण्डारी
( फोटो : स्तुति बुढाथोकी )
