Sudurpaschim Province vs Gandaki Province Live



ज्ञानेन्द्र मल्लको बिशाल शतकमा नेपालको ठूलो योगफल

Gyanendra Malla
  • विकेटनेपाल – १७ माघ, बुधवार

उपकप्तान ज्ञानेन्द्र मल्लले उत्कृस्ट ब्याटिंग गर्दै १५४ रन बनाउंदा युएई “ए” बिरुद्धको दोस्रो अभ्यास खेलमा नेपालले निर्धारित ५० ओभरमा ३३३ रन जोडेको छ।

टस जित्दै पहिले ब्याटिंग रोजेको नेपालले उत्कृस्ट सुरुवात गर्यो। पहिलो विकेटका लागि ओपनर दिलिप नाथ र ज्ञानेन्द्र मल्लले १४२ रनको साझेदारी गरे।

मात्र ७९ बल खेलेका दिलिप ६४ रन जोड्दै रन आउटहुँदा नेपालको स्कोर २३.१ ओभरमा १४२ रन रहेको थियो। ७९ बल खेलेका दिलिपले ६ चौका र २ छक्काको सहयोगमा ६४ रन जोडे। त्यसपछि तिन नम्बरमा ब्याटिंग गर्न आएका अनिल साहले १४ रनको योगदान गरे।

नेपालको लागि सर्वाधिक रन जोड्ने क्रममा ज्ञानेन्द्र मल्लले १५४ रन बनाए। मात्र १३१ बल खेलेका मल्लले १५४ रन जोड्दा युएई “ए” का बलर जवाफबिहिन बने। आफ्नो इनिंगमा मल्लले १७ चौका प्रहार गरे।

यस्तै आरिफ शेखले ३३ बलमा अविजित ४१ रन तथा दिपेन्द्र ऐरीले व्यक्तिगत ३४ रन जोडे।

युएई “ए” को लागि लक्ष्मण श्रीकुमार, वासिफ अहमद तथा कार्तिक मयाप्पनले समान १-१ विकेट लिए।

केहि समयपछि युएई “ए” ले जवाफी ब्याटिंग गर्दै छ।

हिंजो भएको पहिलो अभ्यास खेलमा नेपालले युएई “ए” लाई २५ रनले पराजित गरेको थियो।





थप समाचार

लिग-२ : स्कटल्याण्डलाई हराउदै तेश्रो स्थानमा उक्लियो नामिबिया

नामिबियामा जारि आईसीसी विश्वकप लिग-२ अन्तर्गतको चौंथो खेलमा नामिबियाले स्कटल्याण्डलाई ३ विकेटले पराजित गरेको छ। युनाइटेड क्रिकेट क्लब मैदान विन्ढोकमा […]

मिलन चम्किंदा, सुदूरपश्चिम बन्यो यु-१९ राष्ट्रिय च्याम्पियन

डिफेन्डिङ च्याम्पियन लुम्बिनी प्रदेशलाई पराजित गर्दै सुदूरपश्चिम प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। गत वर्ष लुम्बिनी प्रदेशले सुदूरपश्चिमलाई […]

नेपाललाई ३ विकेटले पराजित गर्दै स्कटल्याण्ड लिग-२ को शिर्षमा

आईसीसी विश्वकप लिग-२ अन्तर्गत नामिबियामा जारि त्रिकोणात्मक एकदिवसीय अन्तर्राष्ट्रिय सिरिज अन्तर्गत आफ्नो दोश्रो खेलमा नेपाल स्कटल्याण्डसंग ३ विकेटले पराजित भएको […]

स्कटल्याण्डसंग चलेन नेपालको ब्याटिंग, १३७ रनमै सिमित

आईसीसी विश्वकप लिग-२ अन्तर्गत नामिबियामा जारि त्रिकोणात्मक सिरिजमा आफ्नो दोश्रो खेलमा नेपाल र स्कटल्याण्ड प्रतिस्पर्धा गर्दैछन्। खेलमा टस हारेर ब्याटिंग […]

नेत्रहीन टी–२० विश्वकपमा सहभागी हुने नेपाली टिमको विदाइ

तेश्रो नेत्रहीन टी– २० क्रिेकट विश्व कपमा नेपालले सहभागिता जनाउने भएको छ । डिसेम्बर ५ देखि १८ तारिखसम्म हुने प्रतियोगिताका […]

U19 National : लुम्बिनी र सुदूरपश्चिम फाइनलमा

लगातार दोश्रो वर्ष अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेशले प्रतिस्पर्धा गर्ने भएका छन्। प्रतियोगिताको लिग चरणको […]