- विकेटनेपाल, ५ असोज
भारत भ्रमण अन्तर्गत दोश्रो अभ्यास खेलमा नेपालले मिलापुर रिक्रियसन क्लब बिरुद्ध टस जितेर ब्याटिंग गर्दै नेपालले २५२ रनको लक्ष दिएको छ l
पुरा ५० ओभरमा नेपालले ७ विकेट गुमाई २५१ रन बनाएको थियो l
नेपालको इनिंगमा ज्ञानेन्द्र मल्लको शतकिय योगदान रह्यो l ओपनिंग ब्याटिंग गरेका मल्ल १०० रन बनाएर रिटायर्ड आउट भएका थिए l शतक प्रहार गर्ने क्रममा १३चौका र १ छक्का प्रहार गरे l
पहिलो विकेटको लागि सागर पुनसंग ६७ रनको साझेदारी गरेका मल्लले दोश्रो विकेटको लागि शरद भेसावकरसंग १०० रन भन्दा बढीको साझेदारी गरेका थिए l
नेपालको लागि शरद भेसावकरले ४८ रनको योगदान दिएका थिए l यस्तै ओपनर सागर पुनले २५, पारस खड्काले २२ रन तथा करन केसीले २० रन बनाए l शरदले ३ चौका प्रहार गरे भने पारसले ३ छक्का तथा करनले १ चौका र २ छक्का प्रहार गरेका थिए l
खेलको अपडेट – http://bit.ly/2yf4RTx
स्कोरकार्ड- http://bit.ly/2fm1Lcx
भारतको चेन्नाई भ्रमण अन्तर्गत नेपाली टिमले कुल ४ वटा अभ्यास खेल खेल्ने कार्यक्रम रहेको छ । तेश्रो अभ्यास खेल सेप्टेम्बर २३ र चौथो २५ तारिकमा खेल्ने तालिका रहेको छ । टिम सेप्टेम्बर २७ मा स्वदेश फिर्ता हुने कार्यक्रम रहेको छ।
यस अघि पहिलो अभ्यास खेलमा नेपालले डीन्डीगुल ड्रयागन्सलाई १५३ रनको बिशाल अन्तरले पराजित गरेको थियो l
