एजेन्सी । जोस हेजलवुडले अर्को महिना स्कटल्यान्डविरुद्धको टी–२० सिरिज गुमाउने भएका छन् । गत साता प्रशिक्षणका क्रममा खुट्टामा चोट लागेपछि हेजलवुडले सिरिज गुमाउने भएका हुन् ।
उनको स्थानमा टोलीमा राइली मेरिडिथलाई समावेश गरिएको छ । हेजलवुडको चोटलाई सामान्य मानिएको छ । उनी सेप्टेम्बरको अन्त्यमा इंग्ल्याण्डविरुद्धको टी२० आई र ओडिआई सिरिजका लागि उपलब्ध हुने अपेक्षा गरिएको छ ।
स्कटल्यान्डविरुद्धको सिरिजमा मेरिडिथ, जेभियर बार्टलेट, सन एबोट र नाथन एलिसका साथै अलराउन्डर क्यामरुन ग्रीन, आरोन हार्डी र मार्कस स्टोइनिस टोलीमा समावेश गरिएको छ ।
अष्ट्रेलिया सोमबार स्कटल्यान्ड प्रस्थान गर्नेछ । सेप्टेम्बर ४ मा पहिलो टि२० आई रहेको छ ।
स्कटल्यान्डविरुद्ध अस्ट्रेलियाको टी–२० टोली
मिचेल मार्श (कप्तान), सन एबोट, जेभियर बार्टलेट, कूपर कोनोली, टिम डेभिड, नाथन एलिस, जेक फ्रेजर-म्याकगर्क, क्यामरुन ग्रीन, आरोन हार्डी, ट्राभिस हेड, जोश इंगलिस , रिले मेरिडिथ, मार्कस स्टोइनिस र एडम जाम्पा
