चेन्नाईका भेट्रान स्पिनर हरभजनले आईपीएल नखेल्ने, कारण यस्तो

आईपीएल टिम चेन्नाई सुपर किंग्सका भेट्रान अफ-स्पिनर हरभजन सिंहले यो सिजन आईपीएलबाट नाम फिर्ता लिएका छन्। अफस्पिनर सिंह अझै पनि युएई पुगेका थिएनन्। आईपीएल सेप्टेम्बर १९ देखि युएईमा सुरु हुँदैछ।

“व्यक्तिगत कारणहरुले गर्दा मैले आईपीएलबाट नाम फिर्ता लिएको छु” सिंहले बताएका छन्। “म कठिन समयबाट गुज्रिरहेको छु जुनकुरामा म गोप्यता चाहन्छु। चेन्नाई टिम व्यवस्थापनले मलाई निकै साथ दिएको छ र म टिमलाई आईपीएलको सुभकामना दिन्छु। जय हिन्द” सिंहले ट्वीटरमा लेखेका छन्।

चेन्नाईका अर्का ठूला क्रिकेटर सुरेश रैना पछि व्यक्तिगत कारण देखाउदै नाम फिर्ता लिने सिंह दोश्रो क्रिकेटर हुन्।

४० वर्षीय अनुभवी अफस्पिनर पछिल्लो २ वर्ष देखि चेन्नाईबाट खेल्दै आएका छन्। भारतको पन्जाब, जालन्धर निवासी सिंहले व्यक्तिगत कारण गोप्य राखेका छन्। उनि युएई जानु अघि चेन्नाईमा भएको टिमको अभ्यासमा समेत सामेल भएका थिएनन्।

कारण यस्तो : हरभजनले आफ्नो आमा बिरामी भएका कारण उनको हेरचाह गर्नको लागि सिंह यो सिजन नखेल्ने निर्णयमा पुगेको बताईएको छ। भारतीय पत्रिका दैनिक जागरणले उक्त दावी गरेता पनि हरभजनले अधिकारिक रुपमा त्यसलाई पुस्टि गरेका छैनन्।

गत सिजन आईपीएलमा चेन्नाई उपविजेता हुँदा हरभजनले ११ खेलमा १६ विकेट लिएका थिए

आईपीएलको तेश्रो सर्वाधिक विकेटकर्ता हुन् सिंह

हरभजन आईपीएल इतिहासकै सबैभन्दा धेरै विकेट लिने खेलाडीहरुको सूचीमा तेश्रो स्थानमा रहेका छन्। उनले १६० खेलमा १५० विकेट लिएका छन्। आईपीएलको १२ वर्षको इतिहासमा उनि भन्दा बढी विकेट लासिथ मलिंगा ( १७० ) र अमित मिश्रा ( १५७ ) ले लिएका छन्। पछिल्लो २ सिजन चेन्नाईबाट खेलेका सिंह त्यसअघि लामो समय मुम्बई इन्डीएन्सबाट खेलेका थिए। गत सिजन आईपीएलमा चेन्नाई उपविजेता हुँदा हरभजनले ११ खेलमा १६ विकेट लिएका थिए र धेरै विकेट लिने सूचीमा १० औं स्थानमा रहेका थिए।

यो पनि पढ्नुस :-