- विकेटनेपाल – २० बैशाख, बिहिवार
भारतीय क्रिकेट टोलिका स्टार अलराउण्डर हार्दिक पान्ड्या र विकेटकिपर ब्याट्सम्यान दिनेश कार्तिक आइसीसी विश्व ११ को टोलिबाट खेल्ने भएका छन् । यहि ३१ मे मा इंग्ल्याण्डको लर्ड्समा हुने वेस्ट इन्डिज बिरुद्दको टि-२० खेलका लागि भारतीय दुई खेलाडीलाई विश्व ११ को टोलिमा समावेश गरिएको हो ।
अन्तर्राष्ट्रिय क्रिकेट परिषद (आइसीसी) ले ट्वीटर मार्फत दुई भारतीय खेलाडीको सहभागिताको पुष्टि गरेको हो । सन् २०१७ को टि-२० विश्व कप बिजेता राष्ट्र वेस्ट इन्डिज र विश्व ११ बीच क्रिकेटको मक्का लर्ड्समा च्यारिटी खेल संचालन हुँदै छ । सो खेलको टिकट बिर्कीबाट उठेको पैसा क्यारेबियन क्षेत्रमा गत बर्षको आंधीहुरीले क्षति पुगेका मानिसको लागि खर्च हुनेछ ।
Two India stars join the ICC World XI! ??@hardikpandya7 and @DineshKarthik will face @westindies for #CricketRelief at the @HomeOfCricket on 31st May!
Details ➡ https://t.co/xfeNUsI8uX
Tickets ? https://t.co/N76qS9cDlR pic.twitter.com/mVCUtb2elk— ICC (@ICC) May 3, 2018
यसैबीच आइसीसी विश्व ११ को टोलीको कप्तानी इंग्ल्याण्डका राष्ट्रिय टोलिका कप्तान ओइएन मोर्गनले गर्ने निश्चित भैसकेको छ । विश्व ११ को टोलिमा पान्ड्या, कार्तिक र मोर्गनसँगै शहिद अफ्रिदी , शोएब मालिक, शाकिव अल हसन, तमीम इक्बाल र थिसारा परेराको सहभागिता हुने यकिन भैसकेको छ ।
इंग्ल्याण्ड क्रिकेट बोर्डका पुर्व प्रमुख जिलेस क्लार्कले पान्ड्या र कार्तिकको सहभागिताका बिषयमा बोल्दै यो भारतीय क्रिकेट टोलिका फ्यानहरुका लागि खुशीको खबर भएको बताएका छन् । उनले भने, “ यी दुवै भारतीय क्रिकेटरले खेलमा आफ्नो कौशल र कला ल्याउने र खेललाई अझ रोमान्चक बनाउने छन् । पान्ड्याले अन्तिम पटक लर्ड्समा पाकिस्तान बिरुद्द च्याम्पियन्स ट्रफीको फाईनलमा ४३ बलमा बनाएको ७६ रन सायद कसैले भुलेका छैनन्।” उनले थपे, “पछिल्लो समय कार्तिक समेत उत्कृस्ट लयमा रहेका छन् र उनले केहि दिन अघि निदहासा ट्रफीको फाइनलमा ८ बलमा २९ रन बनाएर अन्तिम बलमा छक्का प्राहार गर्दै भारतलाई जित दिलाएका थिए । उनले लर्ड्समा टेस्ट समेत खेलिसकेका छन् र उनको उपस्थितिले खेलमा अझ रोमान्चकता थप्ने छ ।”
*समाचार टाइम्स अफ इन्डियाको सहयोगमा बनाइएको हो
