- विकेटनेपाल, माघ २७ – शनिबार
मुलपानी मैदानमा जारि खुकुरी च्यालेंजर्स टी- २० कप क्रिकेट प्रतियोगिता अन्तर्गत आज भएका दुई खेलमा इन्टर डिस्ट्रिक स्पोर्ट्स क्लब र मकवानपुर क्रिकेट क्लबले जित हात पारेका छन्। समुह ‘डी’ अन्तर्गत ३ खेलमा ३ वटै जित हात पार्दै मकवानपुर क्रिकेट क्लब प्रतियोगिताको क्वार्टरफाइनल प्रवेश गरेको छ।
३ खेल खेलेको रौतहट ११ र इन्टर डिस्ट्रिक्ट स्पोर्ट्स क्लबले २/२ जित र १/१ हार बेहोर्दै क्वार्टर-फाइनल पुग्ने दोश्रो टिम हुन प्रतिस्पर्धा गरिरहेका छन्। सोमबार मकवानपुरले रौतहट तथा टिकापुरले इन्टर डिस्ट्रिक्टको सामना गर्नेछ जुन खेल पछि क्वार्टरफाइनल पुग्ने अर्को टिमको निर्णय हुनेछ।
अंक तालिका
| TEAM | MATCH | WIN | LOSS | NO RESULT | POINTS |
| Makwanpur Cricket Club | 3 | 3 | 0 | 0 | 9 |
| Rautahat XI | 3 | 2 | 1 | 0 | 6 |
| Inter – District Sport Club | 3 | 2 | 1 | 0 | 6 |
| Tikapur Cricket | 3 | 1 | 2 | 0 | 3 |
| Butwal Cricket Boys | 4 | 0 | 4 | 0 | 0 |
पहिलो खेल: इन्टर डिस्ट्रिक स्पोर्ट्स क्लब Vs बुटवल क्रिकेट बोयज
आज भएको पहिलो खेल अन्तर्गत इन्टर डिस्ट्रिक स्पोर्ट्स क्लबले बुटवल क्रिकेट बोयजलाई २२ रनले पराजित गर्यो।
टस जितेर पहिले ब्याटिंग गरेको इन्टर डिस्ट्रिकले १७ ओभरमा छोट्याईएको खेलमा ९ विकेट गुमाएर १२६ रनको योगफल तयार पारेको थियो। पहिलो विकेटको लागि दिल बोहरा र प्रकाश जैसीले ६२ रनको साझेदारी गरे। बोहराले २७ रन (२५ बल, २ चौका, १ छक्का) र जैसीले २० रन (१९ बल, ३ चौका) बनाए।
त्यस्तै २३ रन अतिरिक्त पाएको इन्टर डिस्ट्रिकका लागि अविराज रोएले २५ रन (१८ बल, ३ छक्का) तथा सुशान्त क्षेत्रीले अविजित १७ रन बनाउन १० बलमा १ चौका र १ छक्का हाने ।
पराजयका बाबजुत म्यान अफ द म्याच घोषित बुटवलका लागि ४ विकेट लिन आयुष पाण्डेले ४ ओभरमा मात्र १७ रन खर्चिए।
जवाफमा निर्मल थापाले अविजित ७१ रन बनाएपनि बुटवलले १७ ओभरमा ३ विकेट गुमाएर मात्र १०४ रन बनाउन सक्यो । ५९ बल सामना गरेका निर्मलले ८ चौका र १ छक्का प्रहार गरे।
दोश्रो खेल: मकवानपुर क्रिकेट क्लब Vs टिकापुर क्रिकेट क्लब
यस्तै आजै भएको दोश्रो खेलमा मकवानपुर क्रिकेट क्लबले टिकापुर क्रिकेट क्लबलाई १९ रनको अन्तरले पराजित गर्यो।
मकवानपुरले दिएको १४६ रनको लक्ष्य पछ्याएको टिकापुरले १७ ओभरमा छोट्याईएको खेलमा ९ विकेट गुमाएर १२६ रनमात्र बनाउन सक्यो । टिकापुरका लागि रबिन्द्र जंग शाहीले ४६ रन (२७ बल, ७ चौका) र राजन सेरचनले ४४ रन (४७ बल, २ चौका, २ छक्का) बनाएपनि जितका लागि पर्याप्त हुन सकेन।
मकवानपुरका हसिम अन्सारी र रोबिन गुरुङले समान ३/३ विकेट लिए।
यसअघि ब्याटिंग गरेको मकवानपुरले १७ ओभरमा ७ विकेट गुमाएर १४५ रन बनाएको थियो। उसको जितमा म्यान अफ द म्याच घोषित हरि चौहानले ४९ रन (३२ बल, ३ चौका, ३ छक्का) तथा सुमन सुनारले १४ बलमा १ चौका र २ छक्का सहित आक्रामक अविजित २९ रन बनाए।
भोलि हुने खेल
पहिलो खेल – बालुवाटार क्रिकेट क्लब Vs रोयल पिसी फाइटर
दोश्रो खेल – त्रिमुर्ति ब्वाइज Vs आईओई पुल्चोक
Group B
| TEAM | MATCH | WIN | LOSS | NO RESULT | POINTS |
| Baluwatar Cricket Club | 3 | 3 | 0 | 0 | 9 |
| Royal PC Fighter | 3 | 3 | 0 | 0 | 9 |
| IOE Pulchowk | 3 | 1 | 2 | 0 | 3 |
| Lord Buddha Cricket Club | 4 | 1 | 3 | 0 | 3 |
| Trimurty Boys | 3 | 0 | 3 | 0 | 0 |
