काठमाडौं | दोस्रो संस्करणको हिमालय क्रिकेट लिग काठमाडौँमा सुरु भएको छ। दुइ दिवसीय प्रतियोगिता अन्तर्गत पहिलो दिनको खेल समाप्त भएको छ ।
मूलपानि क्रिकेट मैदानमा भएको खेलमा टस हारेर पहिले ब्याटिङ गरेको हिमालय क्रिकेट एकेडेमी ( एचसीए ) ३४. १ ओभरमा अल आउट हुँदै १ सय ४४ रन बनाएको थियो ।
एचसीएका लागि रजत तिमल्सिनाले सर्वाधिक ठूलो पारी खेले । ३८ बलको सामना गरेका उनले ८ चौका र १ छक्कासहित ४२ रनको योगदान गरे। यस्तै गजेन्द्र बोहराले १६ रन , अम्रित थापाले १४ रन , भुमि सिंह कुवरले १६ रन र अत्यतिर सन्दीप शाहीले २३ रनको योगदान गर्नु बाहेक अन्य खेलाडीले उलेख्य योगदान गर्न नसक्दा टिम अलआउट हुन पुग्यो ।
बलिङतर्फ ग्रेट हिमालय क्रिकेट एकेडेमीका सोनु देवकोटाले ३ तथा राशिद खान र मोहम्मद हुसेनले समान २/२ विकेट लिए भने अरियो पौडेल र विवेक यादवले पनि १/१ विकेट हात पारे ।
त्यसपछी ग्रेट हिमालयले आफ्नो पहिलो पारीमा ६० ओभरमा अलआउट हुँदै ३२० रन बनाउदै पहिलो इनिंगमा १ सय ७६ रनको अग्रता हाँसिल गरेको छ।
ग्रेट हिमालयका लागि कप्तान आशिफ शेखले शतकीय पारी खेले । ९५ बलको सामना गरेका उनले १७ चौका र १ छक्कासहित १०० रन बनाए ।
यस्तै ग्रेट हिमालयका लागि आयुश बस्नेतले पनि ६९ रनको योगदान गरे भने आयुशमान बमले ५३ रन तथा अशोक बस्नेतले ५२ रनको योगदान गरे ।
बलिङतर्फ हिमालय क्रिकेटका सन्दीप शाहीले सर्वाधिक ४ विकेट लिए भने कप्तान प्रतिष जिसीले २ विकेट लिए । भने गजेन्द्र बोहरा र दिपक बोहराले पनि १/१ विकेट हात पारे ।
ग्रेट हिमालयको पारी सकिएपछी हिमालय क्रिकेट एकेडेमीले आफ्नो दोस्रो पारी सुरु गरेको छ । पहिलो दिनको खेल समाप्तिसम्ममा उसले १२ रन बनाएको अवस्था छ । दोश्रो इनिंगमा हिमालय क्रिकेट एकेडेमी अझै १ सय ६४ रनले पछि रहेको छ।
यू १९ दुई दिवसिय प्रतियोगिता फागुन १९ गते सम्म चल्नेछ । प्रतियोगितामा काठमाडौं क्रिकेट टेनिङ सेन्टर, वाईवाई ग्रेट हिमालय क्रिकेट एकेडेमी, हिमालय क्रिकेट एकेडेमी, ओसिस क्रिकेट एकेडेमी, वालुवाटार क्रिकेट एकेडेमी र नेक्सस क्रिकेट एकेडेमी गरि ६ टोलीको सहभागिता रहेकोछ ।
प्रतियोगितामा हरेक खेलको विजेता टोलीले १० अंक प्राप्त गर्ने छन्। खेल बराबरीमा सकिएको अवस्थामा ५ अंक बाडिनेछ । साथै इनिङको बोनस अंक जोडिने छ । खेल वर्षाको कारण रद्द भएको अवस्थामा दुवै समान २ अंक पाउने छन् । १ सय रन बराबर १ अंक हुने छ । प्रत्येक विकेटको ०.५ अंक हुने छ ।
