हंगकंग राष्ट्रिय टिम त्यागेका रथले भारतमा घरेलु क्रिकेट खेल्ने

हंगकंग राष्ट्रिय क्रिकेट टिमका पूर्वकप्तान अंशुमन रथ भारतको ओडीशाबाट आगामी सिजन घरेलु क्रिकेट खेल्ने भएका छन्।

हंगकंग राष्ट्रिय क्रिकेट टिम त्यागेका रथसंग भारतको पासपोर्ट रहेको छ जसले भारतको घरेलु क्रिकेट खेल्न भारतीय क्रिकेट बोर्डको नियम अनुसार एक वर्ष अवधि भारतमा बिताइसकेका छन्। उनि भारतको घरेलु क्रिकेट खेल्न योग्य भैसकेका छन्।

रथले गत वर्ष हंगकंग छाड्ने उद्देश्यले टि-२० विश्वकप छनौट प्रतियोगितानै त्यागेका थिए। हंगकंगको लागि त्यस अघि १८ एकदिवसीय अन्तर्राष्ट्रिय खेलेका रथले ५१.७५ को शानदार औशतले ८२८ रन बनाएका रथले १ शतक र ७ अर्धशतक प्रहार गरेका थिए। यस्तै उनले टि-२० अन्तर्राष्ट्रियमा १८.८८ को औशतले ३२१ रन बनाएका छन्। एकदिवसीयमा उनल १४ विकेट तथा टि-२० मा ५ विकेट लिएका छन्।

२३ वर्षीय माथिल्लो क्रमका देब्रे हाते ब्याट्सम्यान विधर्ब टिमबाट खेल्न चाहन्थे जसले यो सिजन उनलाई स्थान नदिएपछि उनि आफू जन्मिएको राज्य ओडीशामा खेल्न पहल गरेका थिए। रथको परिवार सन् १९९४ मा भारत ओडीशाबाट हंगकंग बसाइँ सरेका थिए। उनिसंग भारतीय नागरिकता रहेको छ र भारतीय पासपोर्टबाटै यात्रा समेत गर्दै आएका छन्।

“मैले एक वर्षे लामो अवधि यहाँ बिताए जुन क्रममा नागपुरमा क्लब क्रिकेट खेले। म विदर्भबाट खेल्न चाहन्थे जुन सम्भव हुन सकेन। त्यसैले मैले नयाँ अवसर खोज्नुपर्थ्यो जसपछि ओडीशा पुगेको हुँ।” रथले ई एसपीएनक्रिक्इन्फोसंगको कुराकानीमा बताएका छन्। “म ओरिया भासा बोल्न सक्छु, मेरो जन्म भुवनेश्वरमा भएको थियो त्यसैले यहाँबाट खेल्नु सबै किसिमले नियमसंगत छ।” उनले बताए।

२०१८ एसिया कपमा भारत बिरुद्धको खेलमा निजाकत खानसंग १७४ रनको साझेदारी गर्दा विशेष चर्चामा आएका रथले उक्त खेलमा ओपनिंग गर्दै ७३ रन बनाएका थिए। भारत उक्त खेलमा २६ रनले विजयी भए पनि रथको ब्याटिङ्गको भने प्रशंशा भएको थियो। प्रतियोगितामा रथलेनै टिमको कप्तानी पनि सम्हालेका थिए।

रथको लक्ष्य रन्जी ट्रफी हुँदै आईपीएलमा स्थानीय खेलाडीको रुपमा खेल्नु हो। उनि हाल भुवनेश्वरमा अन्तर जिल्ला क्रिकेट खेलीरहेका छन्। आगामी सिजन अक्टोबरमा आयोजना हुने सयद मुस्ताक अलि ट्रफी अघि उनि छनोटकर्ताहरुलाई प्रभावित पार्न चाहन्छन्। ओडीशाले गत महिना मात्रै पूर्व भारतीय क्रिकेटर वासिम जाफरलाई प्रशिक्षकको रुपमा नियुक्त गरेको थियो जोसंग काम गर्न रथ उत्साहित छन् – “उनि भर्खरै प्रवेश गरेका छन् त्यसैले समय बिताउन पाएको छैन तर थोरै अवधिमा धेरै कुरा सिकेको छु।”

२०१७ को एभरेस्ट प्रिमियर लिग ( ईपीएल ) पारस खड्का कप्तानीको टिम बिराटनगर वारियर्सको लागि खेल्ने क्रममा उत्कृस्ट प्रदर्शन गरेका रथले ७ खेलमा २ अर्धशतक मदतले ४५.१६ को औशतले २७१ रन बनाएका थिए। हंगकंगकै बाबर हायातले ७ खेलमा ३१३ रन बनाएर सर्वाधिक रनकर्ता रहेका थिए भने रथ दोश्रो स्थानमा रहेका थिए।

नेपाली फ्यानहरुले भने रथलाई अर्को प्रसंगले पनि याद गर्नेगर्छन्। २०१७ ईपिएलको फाइनलमा भैरहवा ग्ल्याडीएटर्स बिरुद्ध खेल्ने क्रममा अंशुमनले एकै ओभरमा ३५ रन खर्चिएका थिए। त्यस क्रममा उनले एकै ओभरमा ११ बल गर्नु परेको थियो जसमा २ वटा वाइड र २ वटा नो बल रहेको थियो। बलिंग गर्ने क्रममा निकै नर्भस भएका उनले अधिकांश बल बल हाफ पिचमा खसाउने पुगेका थिए।





थप समाचार

क्यानडाले पछि पार्यो नेपाललाई

काठमाडौं । विश्वकप लिग टू को अंक तालिकामा क्यानडाले नेपाललाई पछि पारेको छ । युएईमा आजबाट सुरु युएई, क्यानडा र […]

पाँचपोखरी टी-ट्वान्टी प्रतियोगिता : कर्माको ह्याट्रिकमा पाँचपोखरीको सहज जित

काठमाडौं । छैटौँ संस्करणको पाँचपोखरी टी-ट्वान्टी जिल्लास्तरीय क्रिकेट प्रतियोगिताको पाँचौं दिनको खेलमा पाँचपोखरी हिमालयन क्रिकेट क्लब र मेलम्ची नगरपालिका विजयी […]

दाङ क्रिकेट लिग : घोराहीको जितमा दिपेश उत्कृस्ट, दिवान चम्किंदा तुलसीपुर विजयी

दाङको घोराहीमा जारि नेपाल टेलिकम दाङ क्रिकेट लिग(डिसिएल) अन्तर्गत बुधबार सम्पन्न तेश्रो दिनको दुई खेलमा तुलसीपुर रोयल्स र घोराही टाइगर्स […]

रोहित र दीपेन्द्रको अर्धशतक बाबजुद नेपाल पराजित

काठमाडौं । कप्तान रोहित पौडेल र अलराउण्डर दीपेन्द्रसिंह ऐरीको अर्धशतकका बाबजुद नेदरल्यान्ड्सले नेपाललाई पराजित गरेको छ । टियु क्रिकेट मैदान […]

लेभेन्टको अर्धशतकमा नेपाललाई १८५ रनको लक्ष्य

काठमाडौं । ओपनर माईकल लेभेन्टको अर्धशतकको सहयोगमा नेदरल्यान्ड्सले जितका लागि नेपाललाई १ सय ८५ रनको लक्ष्य दिएको छ । टियु […]

नेपालले टस जित्यो, ललित टिममा फर्किए

काठमाडौं । नेपाली टोलीले दोस्रो खेलमा बुधबार नेदरल्यान्ड्सविरुद्ध टस जितेको छ । टियु क्रिकेट मैदानमा कीर्तिपुरमा नेपालका कप्तान रोहितकुमार पोडेलले […]