विश्वकप छनोट एसिया : नेपाल हंगकंगसंग स्तब्ध

युएईमा आज सुरु भएको टि-ट्वान्टी विश्वकप एसिया छनोट अन्तर्गत पहिलो खेलमा नेपाल हंगकंगसंग ६ विकेटले पराजित भएको छ। टि-ट्वान्टी अन्तर्राष्ट्रियमा नेपाल हंगकंगसंग पराजित भएको यो पहिलो पटक हो।

युएईको आईसीसी ग्लोबल एकेडेमी मैदानमा नेपालले दिएको १०५ रनको लक्ष्य हंगकंगले ४ विकेट क्षेतीमा २ ओभर बाँकी रहँदै भेटायो। हंगकंगको ब्याटिंगमा ओपनर मरिको हिलले सर्वाधिक ४४ रन योगदान दिईन् जुन क्रममा ४२ बलमा ४ चौका प्रहार गरिन्। यस्तै केरी चानले १७, नताशा माइल्सले १६ तथा इमा लाईले अविजित १३ रन योगदान दिईन्।

हिलले दोश्रो विकेटको लागि माइल्ससंग २४ रनको, तेश्रो विकेटको लागि चानसंग २८ रनको, चौंथो विकेटको लागि शानजिन शाहजादसंग २५ रनको तथा पाँचौ विकेटको लागि लाईसंग २७ रनको साझेदारी गरिन्। नेपालको बलिंगमा कविता कुँवर ( ४-०-१८-१ ) , सिता राना मगर ( ४-०-१८-१ ) र सबनम राईले ( २-०-१४-१ ) समान एक विकेट लिए।

यस अघि टस हारेर ब्याटिंग गरेको नेपालले २० ओभरमा ३ विकेट क्षेतीमा १०४ रन बनाएको थियो। नेपालको लागि सिता राना मगरले सर्वाधिक ४० रन योगदान दिईन् जुन क्रममा ५७ बलमा ४ चौका प्रहार गरिन्। यस्तै इन्दु बर्माले ३७ बलमा ३ चौका मद्दतले अविजित ३१ रन बनाईन्।

ओपनर कविता कुँवर पहिलो ओभरमा खाता नखोली तथा काजल श्रेष्ठ ४ रन बनाएर आउट भएपछि तेश्रो विकेटको लागि ओपनर सिता राना मगरले इन्दु बर्मासंग ८१ रनको साझेदारी गरिन्। सिता अन्तिम ओभरमा रन आउट हुन पुगिन्। हंगकंग बलर चान का मान ( ४-१-१२-१ ) र केरी चानले ( ४-०-१६-१ ) समान एक विकेट लिए।

प्रतियोगिता अन्तर्गत नेपालले दोश्रो खेल मंगलबार ( नोभेम्बर २३ ) भुटानसंग खेल्नेछ। खेल नेपाली समय दिउसो ३:१५ बजे सुरु हुनेछ।

सन् २०२३ को फेब्रुअरीमा दक्षिण अफ्रीकामा आयोजना हुने महिला विश्वकप टि-ट्वान्टी विश्वकपको छनोट अन्तर्गत नेपालले पहिलो खुड्किलोको रुपमा एसिया छनोट खेल्न लागेको हो। प्रतियोगितामा नेपाल सहित आयोजक युएई, भुटान, हंगकंग, मलेसिया र कुवेत गरि ६ टोलि सहभागी छन्। सहभागी ६ टिमले एकअर्का संग एक/एक खेलमा प्रतिस्पर्धा गरेपछि उत्कृस्ट हुने एउटा टिम आगामी वर्ष आयोजना हुने ग्लोबल छनोट प्रतियोगितामा छनोट हुनेछ।





थप समाचार

आइपीएल : बेंगलुरु र हैदराबाद खेल्दै

काठमाडौं । इण्डियन प्रिमियर लिग (आइपीएल) अन्तर्गत आज रोयल च्यालेन्जर्स बेंगलुरु र सनराइजर्स हैदराबादबीच खेल हुदै छ । हैदराबादको घरेलु […]

वेस्ट इन्डिज ए विरुद्ध खेल्ने नेपाली टोलीको घोषणा

काठमाडौं । शनिबारबाट काठमाडौंमा सुरु हुने वेस्ट इन्डिज ए विरुद्ध को पाँच खेलको टी-२० सिरिजका लागि नेपाली टोलीको घोषणा भएको […]

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]

स्टोईनेसको शतकमा चेन्नईमाथि लखनाउको जित

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा मार्कस स्टोईनेसको शतक सहयोगमा चेन्नई सुपर किंग्समाथि लखनाउ […]