रोमान्चक फाइनलमा युएईलाई पराजित गर्दै हंगकंग एसिया कप खेल्न छनौट

Hong Kong Cricket Team
  • विकेटनेपाल,भदौ २१ 

रोमान्चक खेलमा युएईलाई मात्र २ विकेटले पराजित गर्दै हंगकंगले एसिया कप छनौट प्रतियोगिताको उपाधि जितेको छ। उपाधि हात पार्दै हंगकंग १५ सेप्टेम्बर देखि युएईमा संचालन हुने एसिया कप खेल्न छनौट भएको छ।

एसिया कप खेल्न हंगकंग छनौट भएको यो तेश्रो पटक हो। यस अघि सन् २००४ र सन् २००८ मा लगातार हंगकंगले एसिया कप खेलेको थियो। दुवै संस्करणमा हंगकंग पहिलो चरणबाट अघि बढ्न सकेको थिएन।

एसिया कपमा हंगकंग समुह ‘ए’ मा भारत र पाकिस्तान रहेको समुहमा परेको छ। हंगकंगले १६ सेप्टेम्बरमा पाकिस्तान र १८ सेप्टेम्बरमा भारतसंग खेल्ने तालिका रहेको छ।

रोमान्चक जित 

टस हारेर ब्याटिंग गरेको युएईले पहिलो इनिंगमा ब्याटिंग गर्दै गर्दा वर्षाले खेल रोकिएपछि खेल २४ ओभरमा घटाईएको थियो। वर्षाले खेल रोकिंदा युएईले १५.२ ओभरमा ३ विकेट गुमाएर ६५ रन बनाएको थियो।

पुनः खेल सुचारु भए पछि युएईले निर्धारित २४ ओभरमा ९ विकेट गुमाएर १७६ रनको योगफल तयार गर्यो। युएई ओपनर अस्फाक अहमदले सर्वाधिक ७९ रन योगदान दिए भने म्यान अफ द म्याच चुनिएका हंगकंग बलर ऐजाज खानले ५ तथा नदीम एहमदले ३ विकेट पारे।

ऐजाज खानले ५ विकेट लिए ( फोटो – एसीसी )

१७७ रनको लक्ष्य पछ्याउने क्रममा दशौँ ओभर सकिंदा ८२/४ को अवस्थामा पुगेको हंगकंगलाई जिताउन तल्लो क्रमका ब्याट्म्यानहरुले योगदान दिए फलस्वरूप २३.३ ओभरमा ८ विकेट गुमाएर उसले खेल जित्यो। निजाकत खानले  ३८, क्रिस्टोफर कार्टरले ३३ रनको योगदान दिए।

अन्तिम ३ ओभरमा हंगकंगलाई जितको लागि २७ रन बाँकी थियो भने बाँकी थियो ३ विकेट। त्यो अवस्थामा २२ औं ओभर बलिङ्ग गरेका मोहम्मद नाभेदलाई स्कट म्याककेनी र तन्बिर अफजलले १/१ छक्का प्रहार गर्दै एकै ओभरमा १६ रन बटुल्दा युएईको जितको आशा चकनाचुर भएको थियो। त्यसपछि १ विकेट गुमाएपनि हंगकंगले सहजै नतिजा पक्षमा पार्यो।

यस अघि लिग चरणमा युएईले ५ खेलमा ४ जित हात पार्दै समुह बिजेताको रुपमा फाइनल प्रवेश गरेको थियो भने हंगकंग र ओमानले समान ३/३ जित हात पारेर ७ अंक बटुले पनि नेट रनरेटको आधारमा हंगकंग फाइनल पुगेको थियो।

समुह चरणमा पनि युएईलाई हंगकंगले १८२ रनको बिशाल अन्तरले पराजित गरेको थियो भने हंगकंगले मलेसियासंग ३ विकेटको हार बेहोरेको थियो।

प्रतियोगितामा नेपाल लिग चरणमा चौथो हुने क्रममा ओमान, हंगकंग र युएईसंग पराजित हुन पुगेको थियो।

( फोटोहरु – एसीसी )





थप समाचार

आइपीएल : बेंगलुरु र हैदराबाद खेल्दै

काठमाडौं । इण्डियन प्रिमियर लिग (आइपीएल) अन्तर्गत आज रोयल च्यालेन्जर्स बेंगलुरु र सनराइजर्स हैदराबादबीच खेल हुदै छ । हैदराबादको घरेलु […]

वेस्ट इन्डिज ए विरुद्ध खेल्ने नेपाली टोलीको घोषणा

काठमाडौं । शनिबारबाट काठमाडौंमा सुरु हुने वेस्ट इन्डिज ए विरुद्ध को पाँच खेलको टी-२० सिरिजका लागि नेपाली टोलीको घोषणा भएको […]

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]

स्टोईनेसको शतकमा चेन्नईमाथि लखनाउको जित

काठमाडौं । १७ औं संस्करणको इन्डियन प्रिमियर लिग(आइपीएल) को ३९ औं खेलमा मार्कस स्टोईनेसको शतक सहयोगमा चेन्नई सुपर किंग्समाथि लखनाउ […]